بالصورة..أحمد مالك يعتذر عن الفيديو المسىء للشرطة

قام الفنان الشاب أحمد مالك بتقديم اعتذار على حسابه الشخصى بموقع التواصل الاجتماعى فيس بوك، عن واقعة الفيديو المسىء للشرطة.
قال مالك " بعتذر بشده لكل شخص اساءه الفيديو و خاصه الشرطه، الفيديو فعلاً فيه تجاوزات لم اتوقع انها تخرج بره دايره الاصدقاء و ده مش مبرر علي الخطأ، انا عمري عشرين سنه و ساعات في السن ده الافكار المتهوره بتسبق التفكير العقلاني و للأسف الغلطات دلوقتي بقت مسجله و مصوره و ده بيديها عمر و حجم اكبر من حجمها الحقيقى.
وأضاف مالك " دي لحظه تهور و لحظه مش محسوبه و فعلاً ندمان عليها و حاولت مسحها و لكن كنت فوجأت انها انتشرت قبل ما اقدر انقذ الموقف، يمكن الموقف ده كله نابع من احباط عدم القدره علي التعبير عن الرأي اللي جيلي حاسه الايام دي بس برضه ده ميدينيش الحق اني اتجاوز او اعبر عن رأيي بطريقه متجاوزه في حق الآخرين،اكتر حاجه مضايقاني انه هيتم استخدام اللحظه دي لتشويه الثوار و الثوره و مقدرش الوم حد في النقطه دي الا نفسي اللي الاحباط عماها. اتمني من الجميع انهم ميتعاملوش مع اللحظه دي علي انها بتلخصني و يتعاملوا معاها انها لحظه عابره لن تتكرر. مره آخري بعتذر"
ويأتى ذلك عقب قرار المهن التمثيلية بوقف أحمد مالك وإحالته للتحقيق
يذكر أن أحمد مالك وشادى مراسل برنامج أبله فاهيتا نشرا فيديو مسيئا للشرطة بالتزامن مع أعياد 25 يناير، قاموا بالسخرية من افراد الشرطة المتواجدين فى ميدان التحرير وهو الأمر الذى أثار استياء الجمهور وتبنى الكثيرون حملات لمهاجمتهم على مواقع التواصل الاجتماعى.