القوات المسلحة تنشر جرافيتي توضيحي لحادث اغتيال الجنود بسيناء

بصفحتها على " الفيسبوك"

نشرت الصفحة الرسمية للمتحدث العسكري للقوات المسلحة على موقع "الفيسبوك" جرافيتي توضيحي لملابسات العملية الإرهابية ضد عناصر القوات المسلحة بسيناء صباح الأربعاء 20 نوفمبر.
وأعرب نشطاء بموقع التواصل الاجتماعي عن استيائهم من الحادث، ومن عدم التأمين للجنود بشكل كافي.
وقال مصدق الهواري "لماذا لم تقم دورية متقدمة عن الركب بمسح الطريق وإبعاد كل السيارات المتوقفة أو على الأقل تفتيشها يعني لو اللي حا يمر على الطريق وزير أو قائد جيش كان ممكن الهيونداي تفضل واقفه كده"
.وكتبت نيفين "معلش بس سؤال : هما الدبابتين اللى مرافقين للاتوبيسات دى معاهم ليه ؟ وياريت ما حدش يقولى للتأمين .. يعنى العسكرى اللى فوقها شاف عربية على جنب الطريق .. ما بلغش مثلا القيادة أو وقف على بعد وبدأ التعامل ؟؟ لأ دا مشى من جنبها عادى جدا ... طيب الدبابتين مرافقين ليهم ليه"
وقالت عبير على "ياريت بس عشان الوضع مش متحمل تعليقات سخيفة من اصحاب الصوابع .. وكل واحد عامل نفسه خبير عسكري .. احنا مش بتهزنا الحوادث دى .. على الأقل دول ماتوا شهداء .. مش خونة".
وأضاف إبراهيم أسامة "كل واحد شمتان في جيشنا يبقى خاين وحسبى الله ونعم الوكيل مادام الإخوان رجاله قوى كدا مايروحو يخلصو المسجد الأقصى من اليهود "المفسدين فى الأرض ".