أرفض أن يحكمنا رئيس متزوج من سيدة إسمها نجلاء

span style=\"font-size: 18px;\"الى كل شاب يهتف ( يسقط حكم العسكر) مهما كانت نيتك فالله وحده مطّلع عليها وهل هى نية سليمة ام غير ذلك, أريد أن أسألك سؤالا : تقصد بإيه بالهتاف دة ؟ بمعنى هل انت رافض أن يكون رئيس مصر من المؤسسة العسكرية أم أنك رافض أن تكون طريقة إدارة الدولة بالنظام العسكرى الصارم بمعنى انك خايف اننا كشعب مايكونش لنا حرية إبداء الرأى وإننا هننفذ أوامر الرئيس بدون مناقشة على أساس انه اتعود على كدة ايام ما كان فى المؤسسة العسكرية وبكدة هيبقى الرئيس عبارة عن ديكتاتور ؟ ياريت تجاوب ....طيب لو انت راجل فاهم يبقى قصدك انك ترفض ان يكون رئيس مصر ديكتاتور أو انه يتعامل معنا على اساس اننا عساكر او ضباط اقل منه فى الرتبة فبالتالى هننفذ كل كلامه دون مناقشة وتضيع حرية الرأى ....وهنا أحب اقول لك إن اللى بينظم العملية دى مش وظيفة الرئيس قبل ما يبقى رئيس لا يا حبيبى , دة الدستور هو اللى بينظم دة, يعنى لو عندك دستور كويس ومؤسسات على اساس سليم تقوم بدورها فى محاسبة الرئيس اللى هو رأس السلطة التنفيذية يبقى مستحيل الرئيس يفكر انه يبقى ديكتاتور بل على العكس ساعتها مصر هتكسب رئيس اتربى على الإلتزام والإنضباط ولو كلامى مش عاجبك راجع تاريخ فرنسا الحديث وهتلاقى أشهر رؤسائها هو الجنرال شارل ديجول ( عسكر أهه) وفى عهده إزدهرت فرنسا ونهضت بعد ماكان الألمان محتلينها, وراجع تاريخ الولايات المتحدة ورئيسها أيزنهاور واللى كان قائد قوات الحلفاء فى الحرب العالمية التانية ( عسكر دة ولا مش عسكر) ولعلمك فى فترة حكمه أصبحت الولايات المتحدة رسميا القوة العظمى الأولى فى العالم ., أما لو كانت إجابتك انك بترفض حكم العسكر لأن فى رأيك إننا عشنا فى مصرعصر فيه كبت حريات وقت ان كان يحكمنا رؤساء كانوا فى الأصل عسكريين ؟ هعتبر كلامك صحيح ومش هقاوح رغم انى ممكن ارد بس مش وقته وهقول لك يعنى لو واحد اتجوز واحدة وخانته يقوم يتعقد من كل الستات ويعتبرهم كلهم خونة ؟ ولا يدّور بس على أساس سليم لحد ما يلاقى الفتاة المناسبة , وبقول لك إيه بقى بالمنطق دة يبقى انا من حقى إنى أرفض أن يحكم مصر رئيس مدنى لأن المدنى اللى حكم مصر كان هيغرّقها , مش كدة وبس دة كمان أنا أرفض ان اللى يحكم مصر دكتور جامعى وأرفض إنه يكون مهندس وأرفض إن يكون إسمه فيه ( محمد أو مرسى أو العياط) ,وأرفض أنه يكون متجوز واحدة اسمها نجلاء , وأرفض إن يكون من اولاده حد اسمه أحمد أو أسامة .......يالللا بقى ما هو بنفس المنطق , وخد هنا عندك هو الرئيس المدنى اللى حكم مصر إحترم الدستور او القانون ؟ طبعا لأ ...طب بذمتك ليه ؟ علشان كان أصله عسكرى ولا علشان ما كانش فيه أساس سليم نمشى عليه !
span style=\"font-size: 18px;\"طوّلت انا عليك .....معلش بس قبل ما أمشى أحب أقول لك إن اللى إخترع الهتاف دة بتاع (يسقط حكم العسكر) ما إخترعوش علشان مش عايز ديكتاتورية لا وحياتك دة إخترعه لسبب بسيط كلنا شفناه وهو أنه كان نفسه يكون مكان العسكر ويحكمك ولو مش مصدق راجع أفعالهم لما مسكوا الحكم .

span style=\"font-size: 18px;\"فهمت يا ثورى .