مستمرون في مواجهة الإرهاب بلا هوادة

قال السيسي كان ممكن جدا أن نختزل ال4 سنوات الماضية حتي الآن, وأرجو أن تنتبهوا لكلامي جيدا, أنا بكلم كل الشعب المصري الذي أتمني أن يسمعني جيدا, كنا ممكن نركز فقط علي الحرب ضد الإرهاب سواء كانت في شمال سيناء أو علي امتداد المحافظات المصرية بالكامل, وأتصور إن كان ممكن ده يكون مبررا للواقع الذي نعيشه, وبالتالي إحنا حاشدين جهودنا كلها لمجابهة هذه الحالة والإرهاب الموجود في بلدنا,
ولكننا لم نفعل ذلك لأننا كنا عارفين إن الهدف من الموضوع إننا ننشغل بهذا الصراع ونترك البلد, فعندما نتخلص من الإرهاب نجد المشاكل أصبحت مثل الجبال والشعب يحبط وييأس ويقول مفيش فايدة, ويمكن يتحرك تاني, قولنا لأ, إحنا هنشتغل علي المحورين, محور مواجهة الإرهاب وإحنا نجابه بلا هوادة بلا اتصالات ولا مصالحات, اللي هيعمل مصالحات هو إنتم مش أنا, تحيا مصر بكم كلكم, فا إحنا مفيش عندنا مسار غير إننا نقف أمام هذا الفكر بمنتهي القوة والقناعة, مش حماية لنظام, مش حماية لحكم, ده حماية لدولة ودين, إحنا هنتحاسب أمام ربنا علي فهمنا وعلي ما تم إنجازه للبلد وديننا, فالذي نراه هو دين جديد وليس ديننا, فنحن مسارنا واحد في المجابهة ومستمر وسيستمر, الذي يريد أن يعيش وسطنا بأمان وسلام ويكف الأذي عننا هو مصري مثلنا, إنما هيحاول يرفع سلاح علينا, إحنا هيحاسبنا ربنا علي أننا نحمي ال100 مليون مواطن, والجيش والشرطة قادرون علي التصدي لكل الكلام ده بمنتهي البساطة رغم التضحيات.