أكد الرئيس عبد الفتاح السيسي أن البنية التحتية المتطورة تعد شرطا أساسيا لتثبيت الدولة المصرية وبناء وطن حديث متقدم اقتصاديا, مشيرا إلي أن التطور الكامل لقطاع الكهرباء في مصر لم ينته بعد, ولا يزال العمل جاريا علي استكمال منظومة الطاقة. جاء ذلك خلال مشاركة الرئيس في جلسات اليوم الثاني لمؤتمر حكاية وطن حول المشروعات القومية والبنية التحتية و المحور الاقتصادي والعدالة الاجتماعية. وشاهد الرئيس فيلما تسجيليا يعرض ما تحقق خلال السنوات الأربع الماضية علي صعيد تطوير البنية التحتية, خاصة في مجالات الكهرباء والطاقة, والنقل والمواصلات, والاتصالات, والتخطيط العمراني والمدن الجديدة, والإسكان الاجتماعي, وتطوير المناطق العشوائية, والصرف الصحي, ومراكز الشباب والمدن الرياضية, وتطوير منطقة قناة السويس, والمشروعات الزراعية, والصناعية المتعددة. كما شاهد فيلما تسجليا تناول أهم الإنجازات التي تمت في قطاع الاقتصاد والعدالة الاجتماعية حيث كشف عن مجمل المشروعات التي تمت بقطاع التنمية الاقتصادية وكذلك نتائج الإصلاح الاقتصادي الذي تم مؤخرا وكذلك أهم مؤشرات انخفاض البطالة وزيادة التصدير وغيرها من القطاعات الاقتصادية. فيما تناول الفيلم الأوضاع الاقتصادية منذ بدء ثورة25 يناير2011 وما بعدها والتحديات التي واجهتها الدولة منذ عام.2013
الإنتاج طوق النجاة أضاف الرئيس: ونتكلم عن الغاز.. اللي ينطبق علي الكهرباء بشكل أو بآخر ينطبق علي الغاز, وكان أحد أسباب ما لدينا من محطات كهرباء لا تعمل بكامل طاقتها لأن كان فيه ضغط الغاز اللي بيتم دخوله علي شبكة ليس بالمستوي المطلوب, وبالتالي كان لابد أن أحنا يبقي عندنا كميات غاز كافية ثم هذه الكميات يتم ضخها في الشبكة بالضغط اللازم تصل للمحطة تقوم تشتغل بكامل طاقتها دا مكانش بيحصل كده إذن مكانش فقط عندنا عجز في الكمية لكن أيضا في حاجات أخري فنية مطلوب إن إحنا نعملها دي النقطة التانية بس وأنا بتكلم في النقطة دي بكلم المصريين بقولكم إن2010 حتي2013 توقفت كل الاستثمارات للشركات الأجنبية للعمل. وتابع الرئيس إذا كنا عايزين نتعامل مع الغاز والطاقة عندنا خياران يا نشتري من الخارج يا ننتج إحنا.. نشتري من الخارج ده عبء علينا كدولة في إن إحنا نوفر العملة الحرة المطلوبة خاصة إن إحنا بيتم بيع هذه الطاقة حتي الآن بأسعار في دعم ضخم, وبالتالي النهاردة لما يبقي أنا بشتري من الخارج اشتري بالأسعار العالمية وكمان بقدم دعما, فهذا ضغط جدا علي الاقتصاد المصري, ودا سببه إيه إن إحنا توقفنا وتوقفت كل الأعمال للتنقيب والاستكشاف حتي في البحر الأحمر مش قادرين نعمله لأن كان ساعتها عشان نعمل تنقيبا في المياه العميقة الاقتصادية لمصر كان لابد يكون عندنا ترسيم حدود بحرية مع الدول اللي هي لينا معاها خط المياه لهذه الحدود. وتابع الرئيس السيسي أرجع تاني أقول لو إحنا النهاردة... بنتكلم علي إن ليه إحنا بقينا علينا أعباء ضخمة... تصوروا.. إن إحنا بعد ما كنا إلي حد ما في شكل من أشكال الاكتفاء الذاتي للطاقة الخاصة بالغاز والبترول قبل2010... مجرد ما توقفنا.. وتوقفت... عجلة إن إحنا نعمل اتفاقيات زي ما قالوا كده62 اتفاقية139. مليار دولار اتعملوا علشان.. لأن النهاردة انت بتعمل الاتفاقية دية... وتبدأ الشغل.. ثم إذا كان في يعني اكتشافات والاكتشافات ديه بتتحول باستثمارات إلي إنتاج... والإنتاج ده نأخذ نصيبنا فيه والشركاء الشغلين معنا يأخذون نصيبهم وتمشي. وأضاف كل ما إحنا ننتج أكتر كل ما الأعباء الضاغطة علينا علي اقتصادنا بتقل.. ليه لأن أنا مش هشتري من بره.
برنامج ضخم لإقامة شبكة الطرق القومية قال الرئيس:يا تري البنية الأساسية فيما يخص شبكة الطرق القومية الموجودة في مصر هل هي كافية ومناسبة للاستثمار والانطلاق بمصر إلي مستقبل أفضل, بالطبع لا بدليل علي سبيل المثال.. طريق السويس وطريق الإسماعيلية بقي5 و6 حارات وغير كاف طيب لو مكنش5 أو6 حارات في كل اتجاه الموقف هيبقي إيه, الكلام ده ينطبق.. لو الطريق الدائري الإقليمي مكنش اتعمل والمفروض أن ينتهي في30 يونيو2018 يتم افتتاحه وهو400 كم لأنه بيربط محافظات مصر, والدائري الإقليمي والذي تم استكمال القوس الغربي يبقي خلاص يتم استخدامه دون أن ندخل القاهرة ونبتعد عن الزحام, هل كان في خيارات أفضل من كده؟, كان لابد أن نعمل شبكة الطرق القومية لربط الدولة ببعضها البعض مش معقول عند التحرك للاتجاه الغربي أو الاتجاه الجنوبي يبقي شبكة الطرق الموجودة بالشكل المتواضع ده, فكان لابد من الدخول في برنامج ضخم جدا لإقامة شبكة الطرق القومية.. فالدول التي تسعي للتقدم والازدهار بتفتح شرايين في أراضيها بتتمثل في الطرق والاستثمار حول هذه الطرق. أنا عايز أقول افتكروا كويس جدا في2011 و2012 وحوادث المزلقنات والناس في الصعيد وحوادث القطارات القاتلة فبالتالي عملنا برنامجا للكباري عبر المزلقنات ومنذ هذا الوقت حتي الآن بنتكلم مش أقل من200 كوبري وهي عبارة عن مفصلات تريح الحركة في مصر, وماتنسوش احنا في مصر لينا طبيعة خاصة في شكل تواجدنا علي أرض مصر احنا موجودين علي امتداد النيل والدلتا وبالتالي حجم الكثافة احنا عايشين علي5% من أرض مصر فلابد أن يكون هناك شرايين قوية جدا ونحل الزحام الموجود بالكباري لتخفف علي الناس حركة النقل والمواصلات, ونقدر نقول للمستثمرين لدينا شبكة طرق قومية متطورة يجدون هذه الشبكة بتساعدهم علي أنهم يتحركوا للموانئ والأسواق والمطارات التي يستخدمونها, فكان لابد ألا نتوقف ونقول شبكة الطرق اتركوها لمرحلة تانية. قادرون علي تحقيق آمال وطموحات المصريين قال الرئيس:هفكركوا وأفكر كل المصريين إن الهدف الاستراتيجي في الوقت ده هو تثبيت الدولة المصرية, وتثبيت الدولة المصرية عنوان لإستراتيجية كاملة تحقق بإجراءات تنفيذية علي الأرض, من ضمنها إن المصريين يكونون راضيين وعندهم استعداد أن يتحملوا, وأن يثقوا في إن إجراءاتنا ستلبي مطالبهم, عشان سيأتي وقت نضغط عليهم زي ما ضغطنا في نوفمبر2016, طيب هيتحملوا إزاي.. طيب في إجراءات لازم نعملها.. نأكد فيها للمصريين أن مسار الحركة بتعنا هو مسار قادر علي تحقيق آمالهم وطموحاتهم ومشاكلهم. وأنا هرجع تاني للبنية الأساسية, لم يكن أبدا للمصريين أو للدولة المصرية, أنها تتكلم عن برنامج هائل للتطوير للدولة ديه, إلا بوجود بنية أساسية وليست عادية بل متطورة زيها زي أي دولة متقدمة.
توليد الطاقة وخطة صيانة كبري وتابع الرئيس السيسي قائلا:- إحنا عملنا محطات لتوليد الطاقة وشغلنا المحطات بكامل طاقتها وعملنا برنامج صيانة ضخمة للمحطات الموجوده بالفعل, وده أمر كان بيأثر علي حجم الإنتاح.. احنا كل ده عملناه بس لغاية واحنا بنتكلم دلوقتي فيه بعض المناطق بتعاني من انقطاع الكهرباء( مش كده يا دكتور شاكر), خلينا نوصل للناس الكلام ليه; لأننا إحنا عاوزين نوصل الكهرباء لكل جزء في أرض مصر بالشكل الذي تستحقه الخدمة. وأضاف الرئيس: أرجع أقول تاني فعلي سبيل المثال كان برنامج البنية الأساسية كأحد عناصر تثبيت الدولة المصرية اللي هو العنوان إللي أنا بدأت بيه الكلام قبل كده.. وناس كتير كانت لما كانت تسمعه تقول يعني ايه تثيبت الدولة المصرية.. تثبيت الدولة هو الواقع اللي إحنا وصلنا ليه دلوقتي.. اللي هو الناس في مصر بقت مستعدة لالتزامات صعبة وقاسية نتيجة إحساسها وشعورها وفهمها الي أن إجراءتنا اللي بنعملها بتعكس رؤية واضحة ومسارات سليمة هتاخد البلد إلي الهدف المنشود ليها.
جسر لأوروبا وآسيا وأفريقيا قال الرئيس عبد الفتاح السيسي لسة حاجتين في الكهرباء, لسة بنتكلم عن شبكات النقل وعلي محطات التحكم عشان دي شبكة متطورة, بنتعامل مع الكهرباء بشكل متطور.. وأنا أقول حاجة مش سر إحنا بنسعي إلي أن نكون جسرا لنقل الكهرباء شرقا وغربا وجنوبا وشمال لأوروبا وآسيا وأفريقيا دا يما يخص الكهرباء باختصار.. أرجو أن يصل الناس البسطاء وأرجو من زملائي وهم بيتكلموا في كل قطاع من قطاعتهم يتكلمون عشان تصل الرسالة إلي كل المصريين ومش لقطاع بعينه أو لمستوي معين بعينه.
مشكلات الكهرباء والغاز تنتهي بإجراءات سريعة قال الرئيس: لما نلاقي أن مشكلة الكهرباء تنتهي ثم انتهاء مشاكل الغاز وأنابيب البوتاجاز, هل هذا كان يتم من غير إجراءات تنفيذية تكلف الدولة أموالا ضخمة لتحقيقها, حتي يتحقق هذا في كل القطاعات كهرباء أو غاز أو أنابيب البوتاجاز كان له إجراءات تنفذ وتكلف وقتا وأموالا ضخمة جدا, ولا لدينا خيار حتي نحل هذه المسائل سوي إنهاء هذه الإجراءات في أسرع وقت وبأعلي كفاءة وأقل تكلفة ما أمكن. وتابع الرئيس علي سبيل المثال الغاز, بدأنا نستورد الغاز, حتي أصبح لدينا ما يكفي وهو ما سيتم في أواخر العام الجاري, أواخر العام الجاري لن نستورد شحنات الغاز من الخارج, اضطررنا أن نشتري شحنات غاز وكذلك محطات أعادت التغيير المحطة كانت تكلف البلد إيجارا في الشهر الواحد5 ملايين دولار حتي يتم أخذ الغاز سائلا وتم وضعه في الشبكة لتحريك محطات الكهرباء. وقال الرئيس السيسي أرجع تاني وأقول لم يكن لدينا خيار ثان عشان نؤهل الدولة المصرية للانطلاق لمستقبل أفضل. وأضاف الرئيس السيسي كان كل شتاء يأتي علينا نري طوابير البوتاجاز والناس تقول مش ممكن كده والمنظر صعب, وكان المهندس شريف إسماعيل وزير البترول في وقتها وقلت له ما هي الإشكالية قال لي إحنا محتاجين نعمل مستودعات في الصعيد, وخطوط أخري للبوتاجاز من أجل تحريك الموضوع بشكل أكبر بحيث إن حجم العرض للبوتاجاز يزيد في كل مناطق مصر.وتابع ثم يكون لدينا مستودعات نضع فيها البوتاجاز, ونخزنه من أجل أن فترات الشتاء التي تغلق فيها الموانئ, بحيث لا يكون لدينا مشكلة, وتغلق الموانئ ويكون لدينا احتياطي يكفينا بدل ميكون يومين يكون تلاتة وسبعة وعشرة وةربعة عشر, لأننا لا ننتج البوتجاز الذي يكفينا ويكفي المطالب.
محطات للتحلية ومعالجة مياه الصرف أكد الرئيس: محطات المعالجة ومحطات التحلية.. محطات معالجة مياه الصرف من البنية الأساسية, كلنا كنا بنتكلم ونقول يا تري المياه اللي بتروح لكفر الشيخ وبتأذي الناس وبتنزل علي البحيرات وتزود نسبة التلوث والسمك اللي طالع منها يعني ممكن ميبقاش يعني جيد بالشكل المناسب.. ده كان معناه إن كل صرف صحي موجود في مصر وكل صرف زراعي موجود في مصر وكل صرف صناعي لابد أن يتم معالجته ويخرج للاستخدام مرة واثنين وثلاثة لو أمكن أو يخرج بالمستوي الذي لا يؤثر علي بيئة المصريين وحياتهم, مكنش برضو في الموضوع ده لينا خيار ثان لأن نتائجه كانت سلبية جدا وكانت النهارده حجم المياه التي بيتم القاؤه في البحيرات بنسب التلوث الموجوده فيها منقدرش وأضاف الرئيس السيسي طب أقول حاجه أخري وقولتها قبل كده في لقاءات آخري هل يا تري كان ممكن أحنا مانستخدمش ما لدينا من موارد مائية بعد ما وصل عددنا إلي أكثر من100 مليون إنسان في مصر والمياه اللي بناخدها هي المياه اللي كنا بناخدها منذ عشرات ومئات السنين متغيرتش.. لذلك لابد من تحسين استخدام الموارد.. طب واحد يقول أنا مستفتدش من الموضوع اللي انت بتتكلم فيه ده كله... النقطة دي احنا لازم نتوقف عندها كويس لأن الدولة لما تنهار كلنا هنضيع.. الدولة لو انهارت كلنا هنضيع..أرجو إننا نتوقف ونبص علي دي ولما بقول بص علي دي لم اقصد بها أن انت تأخد الدروس والعبر. قال الرئيس عبدالفتاح السيسي ولما نيجي نتكلم النهاردة بنقول إن دول محتاجة900 مليار دولار لاعادة تأهيل البينة الأساسية مقالوش900 مليار دولار عشان نأكل الناس, لكن الناس مش هتعيش في الدول دي إلا إذا كان عندها الكهرباء والمياه والصرف الصحي والطرق. وأضاف فنرجع نتكلم علي بلدنا تاني كان لابد إن إحنا المياه الموجودة مياه الصرف الزراعي والصناعي والصحي لابد من معالجتها واستخدامها, طيب نربط الكلام علي بعضه بقي اه تعالوا نتكلم علي ياتري لما انا اعمل محطتين معالجة واحدة في شرق بورسعيد5 أو6 ملايين متر مكعب والتانية في سرابيوم مليون متر مكعب يترتب عليهم ايه ان المياه اللي كانت لم يتم الاستفادة منها أنا اعمل لها إجراءات وإنقلها شرق قناة السويس ثم يتم معالجتها معالجة ثلاثية متطورة التي تتيح لنا استخدامها في الزراعة الآمنة طبقا للمعايير الدولية طبقا للمعايير اللي بتنظم استخدام المياه بالطريقة ديه,6 ملايين متر او7 ملايين متر في اليوم هنستفيد منهم اه.
اقتحام شرس للمشكلات للحفاظ علي بلدنا ضرب الرئيس عبد الفتاح السيسي بالكهرباء كمثال قائلا: هل ممكن المصريين في2016/2015 يتحملون أن الكهرباء تتقطع في الصيف لفترات طويلة, فعدم وجود الكهرباء الكافية في المصانع الموجودة هو إشكال في حد ذاته, كنا هنتعرض لانهيار حقيقي لأن كل المصانع الموجودة ابتدت تقول مش قادرة اشتغل والنور بيتقطع لفترات طويلة وأنا مضطر لدفع مرتبات العاملين وده أمر ضاغط وليس اقتصادياوقال: وكدا يبقي إحنا بندفع نتيجة عدم مواجهة مشكلة البنية الأساسية وعلي رأسها الكهرباء لانهيار الدولة, الناس هتبدأ تسرح في العمال وتقفل المصانع وبالتالي سيكون هناك عبء علي الدولة والشعب سيؤدي للانفجار.. مقدرش أقول نأجل حتي نري حلا لموضوع الكهرباء خلال سبع أو ثماني سنين ده أمر غير مقبول.وأضاف: كان لابد أن نقتحم وبمنتهي الشراسة والعنف والقسوة عشان نحافظ علي بلدنا وندي أملا للناس وندي فرصة للمصانع الموجودة وبالتالي ميكونش علي الدولة التزامات أمام مواطنيها أصحاب المصانع وليس المواطن العادي, مفيش دولة تستطيع أن تتحمل الوضع ده, فكان لابد لنا أن نتحرك, والآن احنا مش حاسين بالنقطة دي ونسينا ما كان لأننا الآن في وضع جديد والكهرباء موجودة ولسة بردو لم نحقق التطوير الكمال لقطاع الكهرباء في مصر وعشان نحققه بشكل كامل لابد أن نكمل المنظومة التي بدأنا فيها.
التنمية خيارنا الوحيد في سيناء تساءل الرئيس عبد الفتاح السيسي: هل لينا خيار؟ في إشارة منه إلي سيناء قائلاان احنا نهتم بسيناء هل لينا خيار غير نعمل هذه المحطات وندخل هذه المحطات مع الوضع في الاعتبار ان احنا هنستفيد ان احنا نعمل زراعة400 ألف فدان او450 ألف فدان داخل سيناء, الموضوع ان احنا بنعمل حاجة ليها ارتباط مع بعضها البعض تحقق أهدافا للدولة المصرية وتحقق التنمية اللي احنا عايزينها وتحقق اهدافا استراتيجية اخري نتيجة اللي احنا بنعمله ده.
الأنفاق والسكة الحديد بتكنولوجيا حديثة قال الرئيس عبدالفتاح السيسي إن الشبكة المتوفرة بالفعل لا يتم الاستخدام الأمثل ليها, يعني يبقي عندنا سكة حديد أو شبكة مترو أنفاق ولا يتم الاستخدام الأمثل ليها, لابد الاستخدام الأمثل لها وتطويرها بما يليق بالمصريين, هل هذا كان يمكن أن يتم تأجيله يبقي وزير النقل يوقف المترو حلوان عاوزين نصلحه, السكة الحديد لا زالت حتي الآن ليس فقط علي أد شبكة سكك الحديد المتواجدة علي الأرض ولكن الدنيا تقدمت بشكل كبير. وأضاف لا تستطيعوا أن تتحدثوا علي مرفق دون أن يكون به تكنولوجيات متقدمة تستخدم فيه حتي يكون مؤهل للاستخدام الحديث, حتي لا يكون هناك حوادث, أو تأخير, وبالتالي اليوم كهرباء الاشارات الكيلو الواحد يتكلف... حادثة الإسكندرية لو كان هناك نظم حديثة تسيطر علي حركة السكة الحديد في مصر بتتراجع وتنخفض نسب الحوادث بشكل كبير لأن العامل البشري بيتم تحييده.
