اتجاهات

عمرو الشناوى : مشاهدينا مساء الخير اهلا بكم هذه الحلقة الجديدة من اتجاهات النهاردة هناقش الطاقة النووية والمحطات النووية بصفة عامة فى مصر بس قبل ما نبدأ هذا الموضوع الحقيقة يحضرنى موقف انا شاهدتة بنفسى النهاردة وهو الباعة الجائلين واسلوب التعامل معاهم وقدرة الدولة على التصدى لهذه المشكلة كان فى حملة النهاردة على الباعة الجائلين والاسواق العشوائية فى منطقة الالف مسكن والمنطقة المحيطة بيها وجايز مئات من الباعة الجائلين مشيوا النهاردة من هذا الموقع بقى نضيف جدا بس ابتدت مشكلة اكل عيش عائلات كثيرة جدا الحل لا يكون امنيا على الاطلاق صعب ان انا مشكلة من ضمن مشاكل كثيرة بتترمى على الداخلية او مصر تطلب حل امنى فقط هذه المشكلة بكل تاكيد حلها ما ببقاش بهذه الطريقة هناك اقتراحات حتى اسمعت الى احد الاقتراحات لحل هذه المشكلة النهاردة من داخل المؤسسة الامنية ايضا ولكن بانشاء اسواق بديلة الموضوع طالع من جوا ظباط من جواوزارة الداخلية من جوا قسم النزهة كمان عشان يحلوا مشكلة هما اللى بيعانوا منها فى المقام الاول ولكن الموضوع عشان يتحل محتاج تضافر جهود ناس كتير جهات كتيرة على راسهم بالتاكيد محافظة القاهرة اللى من مصلحتها ان هى تتصدى لحل هذه المشكلة بشكل واقعى جدا نرجع لموضوع حلقتنا النهاردة وهو موضوع الطاقة النووية فى مصر ماحدث خلال الفترة السابقة وعلى مر سنوات ماضية عديدة الحقيقة من مشاكل وازمات متكررة بتتمثل فى انقطاع التيار الكهربى وازمات نقص البوتاجاز والبنزين والسولار كل هذه مؤشرات بتؤكد ان هناك مشكلة حقيقية ستواجة مصر فى الطاقة خلال السنوات القادمة مش بس دلوقتى يعنى هى مجرد مقدمات دلوقتى هذه المشكلة بقت فى حاجة الى حلول غير تقليدية وايضا حلول سريعة لو عرفنا ان احنا بنحتاج لزيادة فى انتاج الطاقة الكهربائية لتصل الى 12%سنويا ده قدر الزيادة فى احتياجاتنا اذا كنا فى الوقت الحالى بنستورجزء كبير من المنتجات البترولية وشغل البت بها محطات توليد الكهربة ازاى خلال السنوات القادمة بالذات مع تراجع الاحتياطى من البترول والغاز وارتفاع اسعار الطاقة عالميا ان الزيادة السكنية التى تعنى احتياجات اكبر حتى مصادر الطاقة الجديدة اللى هى الطاقة الشمسية وطاقة الرياح ومزارع الرياح اللى بقت بشكل مالوف فى مصر هى الاخرى غير مضمونة فى مصر لم تتوفر حتى الان بشكل اقتصادى لو حسبنا وشفنا ان اكبر محطة طاقة شمسية على مستوى العالم فى هذه اللحظة بتنتج تقريبا ما لا يتجاوز مائة ميجا وات اكبر محطة تطلع بالتالكيد فى ظل احتياجاتها الزيادة بس فى احتياجاتنا بتصل الى 1200 ميجا وات يعنى عايزين 12 محطة منهم كل سنة الخبراء بيقدروا احيتاجات مصر من الطاقة الكهربائية حتى عام 220 حوالى 200 مليار كيلو وات ساعة مطلوب لتوليدها بالصورة المفضلة 50 مليون طن من الوقود والغاز الطبيعى ومشتقات البترول سواء مازوت او سولار الكهربة فى مصر بتعتبر المستهلك الاكبر للغاز بتستهلك من انتاج مصر من الغاز حوالى 75 % يبقى الحل الوحيد او الحل الواقعى الكثيرون يروه عبر الاستخدام السلمى للطاقة النوويةخصوصا ان مصر مش لسه حديثة العهد مش لسه بنبتدى من اول السطر فى هذا المجال مصر من الستينيات وعندها مفاعلين كان من المفترض ان تكون دلوقتى مصر بعد حوالى 40 سنة على الاقل من بداية دخول الطاقة النووية تكون قطعت شوط كبير فى مجال الاستخدام السلمى للطاقة هذا المشروع الذى ظل مجمد منذ اكثر من 30 سنة وبعدين شفنا كلنا الاعتداءات الاخيرة على موقع الضبعة وتم تدمير اجهزة زى هناك جهاز يسمى المحاكا (المحاكى ) او (السيميليتر) يصل ثمنة كان فى الثمانينات حوالى 80 مليون جنية النهاردة انت احسبها تبقى كام الموقع دلوقتى مجرد مرعى كبير هائل عشان تربية الجمال والمعيز وايضا لايزال عدد من اهالى الضبعة بيحتلوا الموقع هذا الموقع هو المكان الانسب اللى تم اختيارة من بين 23 موقع بعد دراسات استغرقت سنين طويلة الان الامر امام المسئولين لاتخاذ القرار فى بداية التنفيذ لهذا العامل النووى الذى يعادل مشروع حجم السد العالى فى البداية بنرحب بضيفنا الدكتور محمد مجاهد نائب رئيس هيئة المحطات النووية سابقا اهلا بيك يا دكتور
د . محمد منيرمجاهد : اهلا وسهلا ع اسمح لنا نشاهد مع بعض تقرير وبعدين هنبتدى هذا النقاش عشان نحاول نفهم وضعنا ايه قبل استخدام الطاقة النووية
تقرير
اميمة ابراهيم : مصر من اوائل دول العالم التى بدات مبكرا فى التفكير فى الاستخدامات السلمية للطاقة كان ذلك فى عام 1955 مع تشكيل لجنة الطاقة الذرية فى عهد جمال عبد الناصر وفى سبتمبر من عام 56 وقعت مصر مع الاتحاد السوفيتى عقد المفاعل النووى البحثى الاول وفى عام 57 تم انشاء الوكالة الدولية للطاقة الذرية واشتركت مصر كعضو مؤسس فيها وفى عام 1961 تم تشغيل المفاعل النووى البحثى الاول بقدرة 2 ميجا وات بمدينة انشاص وبحضور الرئيس جمال عبد الناصر وهو مصمم لانتاج النظائر المشعة وتدريب العاملين والفنيين توقف بعدها المشروع النووى المصرى بسبب حرب عام 67 وفى عام 81 انضمت مصر لمعاهدة حظر انتشار الاسلحة النووية مما ساعد مصر على توقيع عدة اتفاقات للتعاون النووى لم ينفذ منها شئ وفى عام 98 تم افتتاح المفاعل النووى البحثى الثانى بقدرة 22ميجا وات بالتعاون مع الارجنين وهو متعدد الاغراض ويساهم فى انتاج النظائر المشعة وتعقيم المعدات الطبية والاغذية وعلاج الاورام وبعد ثلاثين عاما من التجميد تبدو الافاق مهيئة لانطلاق مشروع الضبعة النووى ورغم صدور قرار جمهورى منذ عام 81 خاص به الاانه لم يفعل لتصل خسائر مصر بسبب التاخير الى نحومائتى مليار دولار وشهدت ارض الضبعة مؤخرا اعتدائين من قبل سكان غاضبين الامر الذى يشكل اكبر عقبة من الان امام تنفيذ المشروع خاصة بعد تدمير ممتلكات ومنشأت تكلفت الملايين
فاصل
عمرو الشناوى : دكتور محمد منير مجاهد دكتور محمد مرسى من المتوقع ان يستعرض خلال ساعات جايز غدا او بعد غد تقرير حول الضبعة وهذا الموقع والمحطة النووية التى نامل ونحلم جميعا بانشاءها هناك ماذا تتوقع فى هذا التقرير هنقوله ايه ؟هناقشة فى ايه او هو بيحب يسال على ايه ؟
د. محمد منيرمجاهد : يعنى اتوقع ان التقرير ده هيكون اولايدى لمحة عن تطور البرنامج النووى المصرى من الخمسينات زى ما حضرتك قلت وايه اللى حصل فيه وايه العقبات وبعدين اتوقع انوا يتكلم ليه تم استناف البرنامج النووى ده سنة 2006 ايه الاسباب اللى دفعت مصر لهذا وهل هذه الاسباب لازالت قائمة ام لأ وايه الاجراءات اللى تمت منذ استئاف البرنامج ده لحد النهاردة اللى كانت وصلت ليعنى قمتها فى عمل مواصفات للمحطة النووية الاولى وكانت جاهزة للطرح فى فبراير 2011 ثم توقفت بعد الثورة لاسباب يعنى الاضطرابات السياسية ثم حدثت حادثة فوكوشيما اللى استدعت اضافة بعض التعديلات لتاخذ فى الحسبان الدروس المستفادة من هذه الحادثة ثم على الاغلب لابد ان يستعرض هذا التقرير الاستيلاء على موقع الضبعة والعواقب اللى ممكن تحصل لولم تبنى المحطة فى الضبعة والعواقب اللى تحصل لو
عمرو الشناوى : عواقب يعنى مميزات لموقع الضبعة
د.محمد منيرمجاهد : مش فقط مميزات تكنيكية فى مميزات سياسية يعنى لو انا النهاردة مابنتش فى المحطة النووية فى الضبعة ورحت حته تانية الحتة التانية ديا فيها سكان بردوا فالسكان دول هيقولوا ايه هيقولوا والله المحطة النووية دى لوكانت امنة طب ما اتعملتش فى الضبعة ليه ولوماكتش امنة سكان الضبعة احسن مننا فى ايه فا مش هيوافقوا فانروح حته تالته يبقى ورايا موقعين مش عايزين هكذا
عمرو الشناوى : هو الموقف ايه دلوقتى فى الضبعة مين معترض علي ايه وشكل الاعتراض ايه يعنى هوفى حاجات بتتقال على السطح فى حاجات ورا اللى انت شايفة ده هنتكلم على ايه الاول
د. محمد منيرمجاهد : اللى احنا مش شيفينه ان حضرت فى الفقرة اللى استعرضتوا فيها البرنامج ده لقيت ان هو ابتدى من الستينات اول محطة نووية كانت بتعمل فى مصر سنة 64 وقتها انا كنت فى تانية اعدادى انا دخلت الجامعة واتخرجت وخت دكتوراه او ماجستير وجيت اشتغلت فى الهيئة دى واتحلت على المعاش بقالى سنتين ولسه ما عملناش حاجة ايه اللى وقف البرنامج ده اللى وقفة ان فى قوى كانت لاترغب فى ان البرنامج يتعمل واقصد بالتحديد اسرائيل اسرائيل شنت حرب 67 لاهداف عديدة منهاايقاف البرنامج النووى المصرى ونحجت فى انها تعمل ده لحد سنه 74 لما استنفنا
عمرو الشناوى : دكتور انت بتتكلم على اسرائيل واحنا بنتكلم على موقع الضبعة ده مرتبط ده بالضبعة
د. محمد منيرمجاهد :ح اه طبعا طبعا مرتبط وهوريك توقف المشروع ثم ابتدينا تانى وابتدوا يشيعوا بقى دا احنا عايزينه لاستخدامات عسكرية وكل مانيجى نستانف المشروع يبتدوا يعملوا ضجة دا لقوا مش عارف يورانيوم مشع فين لقوا بلتنيوم وكلام فارغ من ده يعملوا دوشة الحاجة التانية ان هما على الجبهة الداخلية بقى ابتدوا يتحركوا مع ناس لهم مصالح فابتدى الهجوم يشمل تلت حاجات اوحاجة الهجوم على الطاقة الذرية من حيث المبدأ انها مش امنة وبتموت وبتعمل والناس كلها بتبعد عنها فى دول العالم وان احنا بس وهيبيعوا لنا مفاعلات قديمة كلام فارغ يعنى
عمرو الشناوى : انت عايشت الافكار دى وانت فى الهيئة وانت احد العلماء الباحثين
د. محمد منيرمجاهد : اه اه ولذلك اتردد لحد دلوقتى يعنى الحاجة التانية هو الهجوم على موقع الضبعة نفسة يعنى بعض الناس بيقولك الطاقة الذرية كويسة لكن الموقع مش مناسب دا لو عملناه فى الضبعة مش عارف هيحصل ايه مصر كلها تموت حاجات كده يعنى الحاجة التالتة دى التشكيك فى العاملين فى مجال الطاقة النووية دول ناس زرعين شجر فى الضبعة وبيبعوه عاملين منتجعات سياحية مش عارف فى فساد ايه كلام ايه كله كلام بردوا ايضا ليس له اساس الهدف كلة هو انك ما تعملش هذا المشروع دا المشروع ده لو ما اتعملش فى الضبعة مش هيتعمل فى حته تانية يعنى باختصار وانامعايا موقع الضبعة اقدر الاقى عشر مواقع تانية لو مش معايا موقع الضبعة ما اقدرش اخد
عمرو الشناوى : احنا بالمناسبة لوعملنا المحطة دى فى الضبعة وانتجت فعلا طاقة كهربائية احنا محتاجين كام محطة كمان تقريبا احتياجات مصر
د. محمد منيرمجاهد : هى احتياجات مصر من الكهربة تجبها بقى ازاى دى قصة تانية فاحنا التقديرات اللى تقولها وزارة الكهربة احنا كل سنة محتاجين من 2000 الى 3000 ميجاوات يعنى محطة سعتها 200000 من 200 الى 3000 ميجاوات تعملها بقى غاز طبيعى تعملهم نووى تعملهم اى حاجة دى قصة
عمرو الشناوى : هى المحطة النووية بتطلع كام
د.محمد منيرمجاهد : المحطات النووية النهاردة بتطلع لحد 1800 ميجا يعنى هى المحطة النووية اسمها عبارة عن محطة عادية ولكن بنستبدل
عمرو الشناوى : المازوت او الوقود
د. محمد منيرمجاهد : اه مفاعل نووى يعنى
عمرو الشناوى : توليد الحرارة
د.محمد منيرمجاهد : بالظبط بالظبط كده فا حنا محتاجين على الاقل مثلا 10محطات نووية فى ال30 سنة اللى جايين دول موقع الضبعة ياخد من 4 الى 6 محطات على حسب القدرة بتعتها احنا محتاجين مواقع اضافية انماما اقدرش اجيب مواقع اضافية اذا
عمرو الشناوى : موقع الضبعة فى حد ذاتة ممكن يبقى فيه اكتر من محطة
د. محمد منيرمجاهد : اه طبعا طبعا
عمرو الشناوى : يعنى يطلع بنا خمس محطات
د.محمد منيرمجاهد : مثلا يعنى حاجة فى حدود خمس او ست الالاف ميجا وات
عمرو الشناوى : خمس محطات توصل الى 10 الالاف ميجاوات
د.محمد منيرمجاهد : لأ يعنى هى مرتبطة ب التبريد يعنى
عمرو الشناوى : قدرات الموقع على
د.محمد منيرمجاهد : الا اذا كنا هنعمل بقى زى ما انتوجبتوا الصور اللى جبتوها الابراج التبريد العالية دى وبتاع اللى احنا معندناش نية ان احنا نستخدمها لانها بتمثل مصدر كبير للطاقة ولا تستخدم الا عند الضرورة القصوى
عمرو الشناوى : طيب دكتور البداية عندنا فى الوقت الحالى
د. محمد منيرمجاهد : احنا
عمرو الشناوى : لو حتى استعملنا هذا الموقع
د. محمد منيرمجاهد : محدودة جدا فى الحقيقة يعنى احنا من الاول لما استؤنف البرنامج ابتدينا نبحث عن مواقع اضافية لان احناعارفين ان الضبعة مش ممكن تشيل كل البرنامج النووى
عمرو الشناوى : كل احتياجات مصر لل 50 سنة اللى جايين
د.محمد منيرمجاهد : مثلا فلابد ان يكون عندك مواقع اخرى فا تعاونا مع جهاز اراضى الدولة وابتدينا نشوف المواقع
عمرو الشناوى : استخدامات اراضى اللوا عمر الشاذلى
د.محمد منيرمجاهد : اه ورحنا عملنا سروية كده مسح للحاجات المتاحة فطلع الحاجات المتاحة فى البحر الاحمر والبحر الابيض محدودة جدا اعتقد ان هما رشحوا لنا 18 موقع اتعملت دراسة مكتبية عليهم صفوهم ل 3 /4 مواقع ثم اتعملت دراسة اكثر تفصيلا لاقينا ان فى موقع اسمة النجيلة موجود غرب
عمرو الشناوى : بعد مصنع طرة
د.محمد منيرمجاهد : اه ده يصلح لانوا يدرس يعنى اه طبعا ما انا يعنى مسالة ان انا اجد موقع لمحطة نووية دى مش مسالة سهل يعنى مطلوب ان تتوافر العديد من العناصر صعب انها تتواجد فى حتة واحدة مش بس فى مصر فى اى دولة فى العالم ماهو عشان كده فى يعنى علم مخصوص لدراسة مواقع المحطات النووية عشان نقدر نقول دى تصلح لبناء محطة نووية
عمرو الشناوى : هل عشان كده الوكالة الدولية للطاقة الذرية هددت بسحب كل المعونات اللى بتقدمها وكل الاجهزة نتيجة لما حدث فى موقع الضبعة ؟
د. محمد منيرمجاهد : يعنى انا ما سمعتش الحكاية دى انما يعنى من المؤكد ان تراجعنا او عدم المضى قدما فى البرنامج هيبقى معناه ان احنا مش جادين وان كنا مش جادين
عمرو الشناوى : هى الجدية مش على كل المستويات يعنى بالتاكيد جدية من اجهزة الدولة منذ فترة طويلة ولكن بعض المعوقات لابد ان كل اجهزة الدولة قادرة على استعابها وتخطيها
د.محمد منيرمجاهد : يعنى اسمح لى اختلف مع حضرتك فى الحكاية دى يعنىحتى جزء من غضب اهالى الضبعة الكلام اللى قالوة فى الجرايد يعنى واللى انا كنت باسمعة ايام ما كنت موجود هناك قعدت 5 سنين مدير للموقع هو بيقولك احنا انتوا جيتوا عشان تعملوا هذا المشروع واحنا رحبنا على اساس انه هيجيب وظايف وهيجيب شغل ويجيب كهربه ويعمل وبعدين نام 25 سنة او 30 سنة فدى مسئولة الدولة مش مسئولية الناس فاعلينا ان احنا نعترف بالاخطاء ونصححها طبعا الحاجات دى استغلها بقى الناس اللى انا باقول لك عليهم اللى هماعايزين يعوقوا هذا البرنامج ابتدوا يثيروا الناس
عمرو الشناوى : ولكلن نوازع يعنى فى نا س عندها نوازع داخلية وفى ناس عندها اهداف داخلية مثلا انما فى النهاية اتفقوا على اعاقة هذا المشروع
د. محمد منيرمجاهد : باقول كله فى النهاية يصب فى مصلحة اسرائيل هى اللى عايزة توقف هذا البرنامج ده رايى طبعا قد يكون خطا وقد يكون صح انما انا مقتنع فا ابتدت اثارت الناس ثم حدث اقتحام مخطط للموقع اهالى الضبعة دى ماهم ناس عاديين زينا كده مش عادى ان كل واحد يبقى ماشى معاه الديناميت بتاعة ومعاه القنابل بتعتة ومعاه الجرافات ودخلوا شالوا سور طولة 22 كيلو فى يوم يعنى ده يوريك حجم المعدات اللى دخلت
عمرو الشناوى : تخطيط للموضوع
د. محمد منيرمجاهد :بالظبط كده ثم الان لما تسمع ان هماعايزين يعملوا محاجر عشان تغيير طبيعى للارض نفسها اللى انت هتبنى عليها المفاعل والكلام ده فده كلام مش عبط يعنى مش حد كده قامت فى دماغة يجى يعملها
عمرو الشناوى : مش هما اللى هيفكروا بهذه الطريقة لابد من ايراد بعض الافكارمدروسة
د.محمد منيرمجاهد : فا ده اللى حاصل النهاردة عشان تواجة هذا الامر انت محتاج تواجهه بحاجتين زى ما انت بتتكلم على الباعة الجائلين بتوع مصر الجديدة دول انت محتاج حل امنى ومحتاج حل سياسى لان اهل
عمرو الشناوى : وحل اجتماعى ايضا
د.محمد منيرمجاهد : ماهو الحل السياسى حل اجتماعى حل ينظر الى مشاكل الناس يحس بالناس بشوف الناس دى عملت كده ليه فا المشكلة الرئيسية هى ان القانون بيقول ان كل الاراضى الصحراوية هى ارض ملك للدولة وكونها ملك للدولة لايجوز وضع اليد عليها فاعشان كده قرار بتاع رئيس الجمهورية قال المنشور ده رقم 309 لسنة 1981 كان قرار تخصيص مكنش قرار نزع ملكية لان مفيش ملكية
عمرو الشناوى : لم تكن هناك ملكية موثقة على هذه الارض
د. محمد منيرمجاهد : ولا موثقة ولاغير موثقة مفيش ملكية خالص فالتعويضات التى قررت قررت على اساس المغروسات التين والزيتون والحاجات دى والمبانى واذا كان ليك بيت اذا كان ليك عشة فراخ يعنى اى مبانى تم حصرها وتقدير العويضات
عمرو الشناوى : الكلام ده فى 81 انتهى انتهت وعملية وحصر وتم التعويض فعلا
د.محمد منيرمجاهد : التعويض بعديها بشوية انما اسمح لى اقولك كيف تم عم هذه التعويضات عشان بردوا فى لغط كتير بتقال لمايتجى تقدر قيمة مزروعات بيفترض انك انت لما تيجى تاخد الارض دى المزروعات دى هتتلف وانك عشان تعمل زرع زيها فى حتة تانية هتروح تشترى زرع هتسمده وهتاخد عدد من السنين معينة عقبال ما تكبرهتفقد انت فيها المحصول الى اخرة ثم بيقدر على هذا الاساس التعويض التمن الشجرة يبقى ايه وبالتالى ووزارة الزراعة مديريات الزراعة فى المناطق المختلفة بتطلع جداول ارشادية اللى حصل بالنسبة لموقع الضبعة ان تم تشكيل لجنة من اهالى مطروح نفسهم المجالس المحلية والناس بتوع مديرية الزراعة اللى
عمرو الشناوى : اللى هى مدينة الضبعة والمنطقة كلها
د. محمد منيرمجاهد : يعنى هى كانت
عمرو الشناوى : المستفيدين يعنى
د. محمد منيرمجاهد : اه بس هى وقتها مكنش فى مجلس للضبعة نفسها فاظن كان من مرسى مطروح وكان من برج العرب بالتعاون مع الاهالى نفسهم بتوع الضبعة وبالغوا شوية فى اسعار الحاجات دى قبلت زى ماهى محدش ناقشهم فيها ثم بمساعدة اهالى المنطقة وبضمان جيرة طيبة مع المشروع اقترح ان لو سلموا المزروعات قائمة يعنى صاحية هزود 40% على قيمة التعويض وده حصل
عمرو الشناوى : وده يفرق معانا ايه لو خدنا الشجر موجود او مش موجود
د.محمد منيرمجاهد : هو بيفرق ان انت عاوزتعوض الناس لسه
عمرو الشناوى : يعنى انت بتفتح لهم باب لتعويض اضافى
د.محمد منيرمجاهد : بالظبط كده وده اتصرف يعنى اتصرف على مدى عدة سنوات ثم فى ناس من اللى خدت التعويضات دى ما خرجتش وقعدنا نعمل اجتماعات مع محافظة مطروح ويقولوالنا اصل لازم تزودوا التعويضات يعنى دى اجتماعات انا قعدت فيها شخصيا يعنى كان فى المنطقة الشمالية وكان بتوع محافظة مطروح والجيش واحنا ياجماعة طيب احنامعندناش مانع انشا لله تقولوا ادوا مليون جنية لكل واحد انما الحكومة بتقول ادوا عشرة صاغ لو اديت عشرةصاغ ومليم اخش السجن انما ده عايز قرار تشريعى انتواناس فى مجلس الشعب وفى الحكومة وفى الحاجات دى طلعواقرار بان التعويضات دى تتغير يعنى ظل الموضوع رايح جاى ثم فى سنة 2003 يوليو 2003 الجيش قرر ان هوينزل يطلع الناس اللى هى معتدية بعد ما خدت تعويضات طبعا الاشجار اللى كنا بناخذها قائمة دى فيها ثمار وهى ملك للدولة دلوقتى لانها دفعت ثمنها طب كان فى الفترة الاولى بيباع عن طريق هيئة الخدمات الحكومية تعمل مزادات وتبيعها وتدخل الحصيلة وزارة المالية بعد ما الجيش عمل الحكاية دى قال انا هتولى الاشراف على المزارع وبقى بيبعها هو بمعرفتة معرفش بقى بيودوا الفلوس فى الجيش والا بيودوها وزارة المالية يعنى
عمرو الشناوى : بس 22 كيلو يعنى الالاف الافدنة يعنى
د.محمد منيرمجاهد : ومش كلهم مزروع وبرودوا حاجة تانية
عمرو الشناوى : مئات الافدنة هه
د.محمد منيرمجاهد : لأ ولا مئات ولا حاجة هى لوطات كده متفرقة احواض متفرقة
عمرو الشناوى : متنافرة
الدكتور / محمد منيرمجاهد : وفى ناس بيقولك ان احنا دمرنا الزراعات ال مش عارف ايه والبتاع هو فى الحقيقة طبعا كل حاجة من دى كانت بتاخد لها سنتين تلاتة ثم تختفى السبب فى كده ان انا ماقدرش اسرق مية دى بتتروى بمية من خط اسكندرية مطروح
عمرو الشناوى : خط ميه اللى الناس اصلا بتتعمل توصيلات كده
د.محمد منيرمجاهد : بتتضرب بالنار انا كجهة حكومية مااقدرش اعمل الكلام ده لو دفعت تمن الميه دى يبقى كيلو التين مثلا ب 10 جنية من على الشجر فادى القصة كلها يعنى انما الكلام ده بيبيعوه لنفسهم دا مش عارف ايه مرة كنت قاعد مع واحد من الناس اللىبهلفتوا فى الكلام كان فى برنامج بردوا قلت له ياعم انت لو عندك حاجات زى كده ماتروح توديها للنائب العام يعنى انت بتقول عندك وثائق عندك حاجات روح وديها انما هتقعد تهلفت كده احنامعندناش غير سمعتنا يعنى
د.محمد منيرمجاهد : ربنا يدمها نعمة
عمرو الشناوى : دكتور مجاهد طب عايز افهم الطاقة النووية بشكل مبسط عشان يقدر يوصلى ويوصل للى بيتفرج علينا اى مشاهد دلوقتى ليه الطاقة النووية مناسبة لمصر فى المرحلة الجاية وازاى هى امنه ؟
د.محمد منيرمجاهد : الطاقةالنووية هى مصدر من مصادر الطاقة يعنى بتنتج من انشطار زرة اليورانيوم بيطلع عنها حرارة نستفيد منها فى اى اغراض محتاجة حرارة زى توليد الكهربة مثلا اوزى تحلية مياة البحر اوزى فى البلاد الباردة فى اوروبا بيستخدموها فى تدفئة الضواحى السكنية او فى انتاج ميه سخنه او بخار لمجمعات صناعية يعنى اى حاجة محتاجة حرارة تقدر تستخدم فيها الطاقة النووية فى النهاردة تفكير فى استخدامات مع اما البترول ينقص فى حتت بيسموها الطفلة الزيتية بتبقى
عمرو الشناوى : فى كندا عندهم المشروع ده
د. محمد منيرمجاهد : وعندنا فى مصر هنا
عمرو الشناوى : اه
د.محمد منيرمجاهد : الطفلة الزيتية دى بيفكروا ان هما يضخوا بخارميه ساخن جدادرجات عالية لباطن الارض يقوم يسيلوا ويقدر سيتخرجة زى ما بيستخرج فده بتطبيقات كثيرة جدا احنا معندناش مصادر طاقة مصر دولة فقيرة فى مصادر الطاقة واحنا مرينا بتجربة تاريخية من اكتر من 2000 سنة لما انهارت الحضارة المصرية القديمة قعدت 3000 سنة شغالة ثم انهارت لافتقارها لمصادر الطاقة كانت مصادر الطاقة دى عايزينها عشان ايه عشان مصر تعبر من العصر الحجرى الى عصر الحديد عشان اعمل حديد كل طن حديد عايز 80 شجرة معنديش شجر انا هى دى كانت مصادر الجماعة البابليين والاشوريين كان عندهم الكلام ده فعملوا جيش مسلح بسيوف من الحديد دخلوا قضوا على الحضارة المصرية لم تقم من ساعتها لانهم خرجوا جه اليونانيين خرجوا جه الرومان ثم احنا مش عايزين نحط نفسنا فى الحكاية دى تانى فا احنا البترول اللى عندنا ضعيف جدا يعنى متوقع انوا يخلص فى خلال سنوات القليلة جدا القادمة
عمرو الشناوى : طبعا التقديرات اللى عند حضرتك اد ايه
د.محمد منيرمجاهد : التقديرات انها فى حدود 10 سنين انما احنا كمان استهلاكنا
عمرو الشناوى : فى عدم وجود اكتشافات جديدة
د.محمد منيرمجاهد : استهلاكنا اكتر من نصيبنا فى البترول المنتج ده لان احنا نصيبنا فى البترول المنتج ده حوالى 65 % الباقى هى حصة الشريك الاجنبى فا احنا بنشترى من حصة الشريك الاجنبى واعتقد ان احنا بنشترى كلها بالاسعار العالمية طبعا فاحنابنستورد بترول من مصر وفى خلال سنة او اتنين هنبقى كمان بنستورد من بره فاحنا مصر دلوقتى مستورد صافى للبترول ومستورد صافى للمنتجات البترولية والحكاية دى هتفضل تزيد
عمرو الشناوى : اه الفجوه هتتسع
د.محمد منيرمجاهد : اه الغاز الطبيعى نفس الحكاية الغاز اللى عندنا كميات انما احنا محناش قطر محناش الجزاير محناش روسيا
عمرو الشناوى : دكتور اسمح لى هنرجع تانى ونتفرج على التقريراللى شاهدناه مع بعض فى بداية هذه الحلقة عشان يبقى عندنا فرصة كما نرحب بضيفنا الدكتور ابراهيم العشيرى ضيفنا معانا ايضا فى هذا اللقاء نشوف مع بعض التقرير اللى شاهدناه فى بداية الحلقة ونتابع ونركز فى اهمية الطاقة النووية
تقرير
عمرو الشناوى : اهلا بكم مرة اخرى يسعدنا ان ينضم الينا الان فى الاستديو الدكتور ابراهيم العشيرى استشارى المحطات النووية والخبير بالوكالة الدولة للطاقة الذرية سابقا اهلا بيك يا دكتور
د. ابراهيم العشيرى: اهلا بيك
عمرو الشناوى : انتهزان حضرتك موجود دلوقتى فى تساؤل عام بالتاكيد هناك كثير فى مشروع الطاقة النووية بالضبعة خسرنا ايه لما اتاخروهنكسب ايه لما يبتدى
د. ابراهيم العشيرى: موضوع يطولشرحة يعنى هقول لحضرتك حاجة خلال 30 سنه اللى فاتوا لوحده خسرنا فيه ما لايقل عن 200 مليار دولا
عمرو الشناوى : حسابات مرعبة
د. ابراهيم العشيرى: محسوبه انا افتصادى بادرس اقتصاديات مش بس نووى المفروض يطرح فى يناير 2011 لولا احداث الثورة والحكومة فا اتاجلت شوية السنة اللى اتاجلت فيها دى محطات نووية اذا حاصرنا فيها8 مليار دولار سنة 200 - 8 مليار دولار كل شهر تاخير حوالى 8 مليون دولار يعنى المسئول اللى هومش عايز ياخد قرار دلوقتى ينام ويصحى شهر فى 8 مليون دولار خسرهم بكل بساطة بسبب التاخير
عمرو الشناوى : بتعنى ايه يعنى حاسبها ازاى فى طاقة مهدر فى وقود رايح على المحطات كان يمكن
د. ابراهيم العشيرى: بحسبة بسيطة عشان المشاهدين لو انا قارنت تكلفة الوقود النووى بتكلفة الغازاوالبترول البديل هذه التكلفة لوحدة حوالى مليار دولار فى السنة يعنى المحطة بتوفر لى وقود حوالى مليار دولارفى السنة
عمرو الشناوى : لسه ما اتكلمناش على هي بطلع لينا ايه
د. ابراهيم العشيرى: اللى انا باقوله مليار دولار على اساس محطة واحدة لو 8 محطات يبقى 8 ملياردولار
عمرو الشناوى : من واقع معد لاكثر من محطة
د. ابراهيم العشيرى: المفروض الخطة 8 محطات نووية بس هبتدى باربعة واول مواصلة هتبقى بواحدة سنتين اتعمل التانية سنتين اتعملت التالتة وهكذا وبعد كده السلسلة تستمر فالمشروع مش بسيط انا باعتبره ده مسالة حياة اوموت لمصر حاليا مشروع حياة اوموت الاول كنا بنقول انه ضرورى كنا بنقول ده حتمى دلوقتى بنقول ده حياة اوموت
عمرو الشناوى : دكتور مجاهد حطنافى الصورة الى
د. ابراهيم العشيرى: المحطة مش هتتبنى فى سنة يعنى بتاخد كذا سنة فلو احنا فى مثل صينى بيقولك ما تبنيش فى البيت والدنيا بتمطر المفروض نعمل نحضر للمطر احنامحتاجين خلا ص طاقة فكل مانستمر كل ما المشكلة هتواجهة
عمرو الشناوى : كنت باسال بردوا الدكتور مجاهد فى هذا الموضوع عشان كده لاسباب هذا التعثر اللى حصل فى موقع الضبعة هل الطاقة الدولية هددت فعلا بسحب كل المعونة الفنية والمادية المقدمة منها لهذا المشروع اولمصر
د. ابراهيم العشيرى: هى الحقيقة الوكالة الدولة لم تعلن ده رسمى لكن انا بحكم ان انا كنت باعمل فى الوكالة الدولية حوالى 18 سنة قبل ما اجى فليا زمايل هناك على اتصال بيهم الوكالة مستاءة جدا للى بيحصل ومستائة انها تدى مساعدات فنية بملايين الدولارات وعشان الموقع واتعمل فيها انشاءات بتمويل من الوكالة ودلوقتى لقتها مرعى للاغنام والجمال
عمرو الشناوى : طب المنشات دى لسه موجودة
د. ابراهيم العشيرى: مش موجودة
عمرو الشناوى : خالص
د. ابراهيم العشيرى: اتسوت بالارض حتى الخزانات اللى هى تحت الارض تم تدميرها خزانات ميه يعنى ممكن هما يستفيدوا بيها دمرت
عمرو الشناوى : دكتور مجاهد كان يعنى عنده سؤ ظن شوية ان وراء كل هذه المصائب التى ترتكب فى هذا الموقع اسرائيل وهو مقتنع تماما بهذا لانها المستفيد الاكبر من تعثر هذا المشروع هل تتفق معه
د. ابراهيم العشيرى: اتفق معاه تماما فى الراى ده بس مش بس اسرائيل يعنى رجال اعمال اللى ليهم مصالح من صلحتهم ان يحولوها الى قرى سياحية يعنى بدل ما يبقى فرد مصرى منتج فى محطة نووية يمشى بفوطة صفرا عشان يخدم على السياحة رجال الاعمال طبعا الارض مترالارض يعنى واحد من اهل الضبعة انتوا ازاى هتدينوا التعويضات متر الارض فى قرية فى مرينا بكام المتر بيقارن بمرينا
عمرو الشناوى : تفكير قاصر على استفادةمادية بحتة
د. ابراهيم العشيرى: رجال الاعمال بيبصوا لمصالح شخصية وهنا ك دول غربية وبلا شك الدول الغربية جناحها بلا استثناء يهمها جدا ان مصرلا تمتلك برنامج نووى برغم من انه برنامج سلمى 100%وفيه شفافية كاملة
عمرو الشناوى : اية اللى يضمن ان هو سلمى دكتور مجاهد
د. محمد منيرمجاهد : يضمن ايه ؟
عمرو الشناوى : ان هو سلمى
د.محمد منيرمجاهد : طيب قبل ما ما اجاوبك على الحكاية دى هو بس الجزئية بتاعت الاراضى واتمانها والكلام ده بتفتح جزء من الحاجات اللى احناعلينا ان نبحث حلول لها لان مشكلة انك انت زى ما قلت لك ان اهالى اللى كانوا ساكنين فى كردون الموقع لن يعوضوا الا على المغروسات والمبانى لكن الارض ماتعوضوش عنها لانها ملك للدولة لكن برا كردون الموقع ده لو انت وانا رحنا حته ارض ورحنا للمحافظة عشان تسجلها يقول لى هات لى موافقة وضع اليد وعشان اجيب موافقة وضع اليد لازم يدفع فهولاء الناس شايفين ان جيرانهم الدولة بتسمح لهم رسميا وهما حرموا منها وانا متعاطف معهم فى هذا الامر الحقيقة الان ورايى ان لابد الناس تاخد تعويض العادل ودى موضوع هو ده اللى احنا لابد ان احنا نبحثة ويجب ان احنا بردوا توضع خطة يشارك فيها اهل الضبعة نفسهم للنهوض بمدينة الضبعة نرجع بقى لاية اللى يضمن انها سلمية اللى يضمن انها سلمية ان احنا اولا موقعين على المعاهدة الدولية لحظر انتشار الاسلحة النووية وبمقتضى هذه المعاهدة وبمقتضى اتفاقية معمولة الوكالة الدولية للطاقة الذرية بيجى المفتشين زى الدكتور ابراهيم كده لما كان بيروح يفتش على كوريا والا على اليابان والا على بتاع للتاكد من سلمية الاستخدام
عمرو الشناوى : احنا موافقين وسامحين مبدأيا لاى تفتيش من الوكالة
د.محمد منيرمجاهد : هماهما لأ لأى تفتيش طبقا للاتفاقية اللى احنا عاملينها يعنى احنا مثلا بيفتشوا على المفاعلات الموجودة فى بيقولو احنافى يوم كذا هنيجى ويروحوا يفحصوا الكاميرات ويفحصوا الاجهزة الحاجة اللى احنا مش موافقين عليها واتمنى ان احناما نوافقش عليها هى البرتوكول الاضافى الدكتور ابراهيم يقدر يتكلم عنه احسن منى انما هو باختصار كده عشان المشاهدين الاجراءات الاستثنائية اللى اتعملت مع العراق يبقى هى العادى عايزين يروحوا يفتشوا
عمرو الشناوى : على اساس فى قواعد التفتيش
د. محمد منيرمجاهد : للى يدخل البرتوكول الاضافى ده عشان كده احنا رفضنا دائما ان احنا نوقعة على اساس ان مصر لايمكن المزايدة على سلمية تطبيقاتها للطاقة الذرية وبعدين مش ممكن نكتف نفسنا واحنا جنبينا دولة مدججة بالسلاح النووى
عمرو الشناوى : هرجع للشق الاقتصادى وهلجا فيه للدكتور ابراهيم عندنامشكلة فى التمويل ؟ توفير الاموال الازمة لبناء هذه المحطات بالجدول النموذجى لها
د. ابراهيم العشيرى: ده باعتبرة مشروع استثنائى 100% الدولة هتستفيد منه مش هيبقى عبء على الدولة دا عملية عكسية المحطة النووية بتجيب تكاليفها بالكامل فى خلال 4 – 5 سنوات
عمرو الشناوى : اللى هى اد ايه تكلفة المحطة
د. ابراهيم العشيرى: وتكلفة المحطة من 4 الى 5 مليار دولار تكلفة المحطة تكلفة الانشاء لكن كل سنة زى ما باقول لك بتوفر لنا وقود المحطة الواحدة حوالى مليار دولار فا 4 مليا ر والا 5 مليارخلال 4-5 سنوات بتجيب ثمنها ومع ذلك مش هنحمل الدولة اعباء لان المواصفات بتنص ان اللى ستتقدم بالعطا بتعها بيتعرض معاها عرض تمويل يغطى 85% من المكمل الاجنبى للمحطة ويغطى 15% من المكون المحلى للمحطة
د. محمد منيرمجاهد : بس التمويل طبعا
د.ابراهيم العشيرى: وتسدد بعد تشغيل المحطة يبقى هتسددها منين من فرق العائد اللى بتوفرة المحطة الدولة مش هتتحمل اعباء زيادة يعنى زى ما كانت هتدفع فى الغاز والبترول مبلغ وقدرة اللى هيتوفر ده هيطلع له من المحطة النووية لمدة 4 – 5 سنين بعد كده عمر المحطة 60 سنة يعنى 55سنة وفر كامل للدولة
عمرو الشناوى : طب المواد الخام يعنى بيقال ان الوقود اللازم لتشغيل هذه المحطة غير متوفرفى مصرواستيراده فيه صعوبة مش هقول تكلفتة يعنى اجراءات الاتفاق على استيراده
د.ابراهيم العشيرى: سؤال جميل اصل فى ناس اللى بيحب يتلكك بيدور على الهيفة ويتصدريعنى انا هقول لك حاجة صغيرة احنابنصنع عربية عندنا فى مصر
عمرو الشناوى : لأ
الدكتور /ابراهيم العشيرى: ما بنصنع
عمرو الشناوى : بنجمع
د. ابراهيم العشيرى: كل الصناعات عندنا دلوقتى تجميع والحمد لله عملنا طيارة احنا بنشتريها الصيانة بتعتها طب ما هما اللى بيدونا قطع غيارها هل اشتكينامن قطع الغيار بتاعت السيارات لكن الناس عايزة تتصدر وبس ومع ذلك موضوع الوقود هو الاتى احنا عندناخام اليورانيوم كويس عندناخامات يورانيو ومحتاجة استثمارات البحث عنها والتنقيب عنها
عمرو الشناوى : لكن فى دراسات اثبتت وجودها فى بعض مناطق الصحرا الغربية
د. محمد منيرمجاهد : الصحرا الشرقية وسينا
د.ابراهيم العشيرى: الجنوب لما نبتدى فى المشروع هيبقى فى شهية ان احنانحط استثمارات عشان ندور على اليورانيوم بالنسبة للتصنيع المفروض فى المواصفات المفروض ان الخمس سنوات الاولى الدولة المورده دى تتعهد بالوقود لغاية لما احنا نبتدى نكون امكانيات عشان نعمل عملية تصنيع وفى المواصفات ان الحد الادنى للمشاركة المحلية 20% يعنى التصنيع المحلى هبقى فى صناعة ان كانت صناعات جديدة رفع الجودة فى الصناعات الموجودة رفع التدريب بتاع العمال هتبقى افضل بكتير ونبتدى نمشى خطوة خطوة
عمرو الشناوى : اذا كان الموضوع كسبان على طول كده دكتور مجاهد ليه فى دول ابتدت تبص بصة تانية للمحطات النووية يعنى المانيا عملة خطة عشان تستغنى تماما عن المحطات النووية بعد عدد من السنين مش متذكر بالضبط
د. محمد منيرمجاهد : 2022
عمرو الشناوى : وبعض الدول فعلا ابتدت تفكك وفى مخاوف من تكرار شير نوبل اوفوكوشيما وماالى ذلك ليه احناواخدين السكة دى وكلنا ثقة فى الطاقةالنووية
د.محمد منيرمجاهد : طيب هو اولا مش كل الدول عندها محطات نووية ومش كل الدول عندها محطات فحم ومش كل الدول عندهامحطات بترول يعنى استخدام مصادر محددة للطاقة بتحددها الدولة على حسب امكانياتها وظروفها
د.ابراهيم العشيري: لأ اللى عندهامحطات بتستغنى عنها ب اللى عندهم محطات نووية 31 دولة فا من دول العالم اللى هما 190 والا حاجة بالشكل ده الكلام بتاع المانيا المانيا ده قرار سياسى ليس قرار فنى يعنى نتيجة للتالفت السياسية اللى موجودة
عمرو الشناوى : حزب الخضر
د.ابراهيم العشيرى: اصبحت الاحزاب الصغيرة دى يمكن انها تملى حاجات على احزاب كبيرة عشان
عمرو الشناوى : رغم تعارضها مع مصلحة الدولة
د.محمد منيرمجاهد : رغم تعارضها مع مصلحة الدولة ماهو مع ذلك هماعندهم بدائل فاتخذ الاول قرار سياسى بان هماما يبنوش محطات نووية جديدة ثم للدوران حوالين هذه المشكلة مدوا عمر المحطات النووية اللى شغالة وده كانك بنيت محطة زيها بالظبط
عمرو الشناوى : عشان تشتغل فترة تانية والايه
د.محمد منيرمجاهد : ده ممكن طبعا الحاجة التانية انوااتخذ قرار بان يمدوها كمان فترة تالتة لما حصل موضوع فوكوشيما ده ابتدوا الجماعة الخضر دول يتحركوا فا تراجعوا عن القرار ده انما هو قرار سياسى ليس له علاقة بفوكوشيما لانه من قبل كده المانيا عندهامساقط مياة عندها فحم بكميات مهولة طبعا المحطات النووية الىل هتقف دى
عمرو الشناوى : بس الفحم ملوث للبيئة هما بردوا بيعانوامن المشكلة دى
د.محمد منيرمجاهد : فى تكنولوجيات بتخليها غالية جدا ان ماهمااغنية يقدروا يعملوا الحكاية دى
عمرو الشناوى : عندهم رفاهيةالقرار ده
د.محمد منيرمجاهد : عندهم رفاهية القرار ثم هما اعضاء فى شبكة اوروبية بالغة القوة يقدر يجيب كهربة يستوردها من فرنسا والا بلجيكاوالا اى بلد من البلاداللى حوالية ده بالنسبة لموضوع المانيا انما نشوف البلاد التانية لما نيجى مثلا الصين وهى دولة اقتصادها نامى عندها احتياطيات فحم كبيرة وعندها مساقط مائية كبيرة وعندها مناطق طاقة شمسية كبيرة ومع ذلك بتبنى حاليا 26 طاقة نووية فى نفس اللحظة دا بيوريك كوريا بتبنى لها مش عارف 3 محطات
عمرو الشناوى : لغرض فى نفس ابن يعقوب
د. محمد منيرمجاهد : ده مش صحيح زى ما الدكتور بيقول كده الطاقة الذرية لما تيجى تبص لها على مستوى العالم بتتزايد بتتزايد من حيث بناء محطات جديدة ومن حيث رفع قدرات المحطات القديمة يعنى فى
عمرو الشناوى : الاستفادة من المشاكل اللى حصلت فى فوكوشيما وما الى ذلك عندنادقائق بسيطة وانايهمنى انك انت تستعرض الاوراق اللى معاك ويبدو ان انت مجهز لنا حاجة معينة
د.ابراهيم العشيرى: عايز اضيف حاجة صغيرة تعداد سكان المانيا يتناقص سنويا حوالى 6ر% وليس لديهااحيتاج للتنمية الاجتماعية والاقتصادية احناعايزين كل سنة 300 - 200 بنية زيادة هنجيبهم منين
عمرو الشناوى : المعدل المطلوب الرقم
د.ابراهيم العشيرى: 2000 ميجا وات سنويا هنجيبهم منين من البترول والا من الغاز والشمس ما تكفيش ما ينفعش يعنى يقولك طاقة شمسية الطاقة الشمسية مكملة للطاقة النووية لكن ليست بديل عنه ولا فنيا ولا اقتصاديا ولا استراتيجيا ولا اى حاجة اطلاقا والخبرا فى الطاقةالشمسية اتكلموا فى هذا الكلام اكبر طاقة شمسية على مستوى العالم متوسط خروجها 75 ميجا
عمرو الشناوى : دى اكبرمحطة حاليا موجودة بتنتج 100 ميجاوات
د. ابراهيم العشيرى: اكبر محطة طاقة شمسية القدرة العظمى بتعتها 354 ميجا المتوسط بتعها على مدى السنة 85 فى فرق ان انا اقول مااعوزة اد ايه والمتوسط على مدار السنة اكبر واحدة خدت 90 ميجا على مدار السنة ومعولةعلى 6 ونص وفيها حوالى مليون مريا شمسية مليون
عمرو الشناوى : يعنى تكلفة هائلة ايضا
د.ابراهيم العشيرى: غير التكلفة تخيل احناعندناجو صحراوى وعواصف وعندنا مليونمريا عشان 5% فى السنة هنضفهم فى اد ايه ولوحصل اى تخريب زى ما بيحصل كده دلوقتى وبيرموا الطوب اناعندى نادى الشمس جنبى عاملين خلايا شمسية عشان البسين كلها تراب ومكسرة محدش بنضفها هل نقدر نعمل حاجة زى كدة نعتمد عليها فى 3000 ميجا و2000 ميجا فى السنة مش منطق ليس منطق
عمرو الشناوى : فى النهاية دكتور ابراهيم يعنى كلمة لوانت عايز تطمن مصر تطمن كل اللى ماشيين فى الشارع وقلقانين شوية ب اقول كلمة واحدة بس ارجوكم استمعوا لعلمائكم فى التخصص ولا تستمعوا للادباء والاطباء والقانونيين استمعوا لعلماء التخصص اما برة يستشيروناويطلبوناعشان الاستشارة واحنا هنا ابص الاقى واحد اديب يكتب مقالة تتنشر له ويرد عليه نبص للاديب فى الطاقة النووية ما يبصوش للعالم فى الطاقة النووية دكتور زويل والدكتور فاروق الباز كان لهم مقالات بتتحفظ بردوا على التخصص فى الطاقة النووية
د.ابراهيم العشيرى: فى سؤال الدكتور زويل ماهو تخصصة ادى كل ذى حق حقه انا ما افهمش تخصصة لان هو كيميا هو ما يفهمش فى تخصصى لان انا نووى ما يفهمش فى تكنولوجيا المفاعلات انا افهم فى تكنولوجيا المفاعلات كل واحد يتكلم فى تخصصة لا نفتى فيما لا نعلم
عمرو الشناوى : هناك اجتماع فى الغد مع رئيس الجمهورية اهم التوصيات التى تتوقع ان يتفق علية المتخصصون فى مجال الطاقةالنووية هى ايه ؟
د. ابراهيم العشيرى: اطلب منه 3 حاجات اول حاجة سرعةاتخاذ القرار لتفيذ المشروع المواصفات لو قال اطلع القرار بكرة المصادر تطلع فى خلال اسبوع المصادر والدول تبتدى تقدم عطاءات لان اى تاخير فيه خسارةعلى البلد النقطة التانية يزامن مع هذا القرار اتخاذ قرار باخلاء موقع الضبعة وازالة جميع التعديات اللى عليه واحنانعمل عملية جهادية فى خلال شهرين اوتلاتة نحاول نعيد الموقع كما كان
عمرو الشناوى : بالتعاون مع كل الجهات الخارجية ذات الخبرة اللى ممكن تمدنا
د. ابراهيم العشيرى: النقطة التالتة بقى ينظرفى موضوع تعويض اهالى الضبعة احنا يهمنا جدا ان احنا نقيم المشروع ليس فى جوعداوة مهما يكن يعنى حسن الجوار مطلوب
عمرو الشناوى : اخيرا اسمح لى عشان وقتنا انتهى يا دكتور مجاهد كلمة اخيرة توجهها لاهالى الضبعة اللى عاشرتهم
د. محمد منيرمجاهد : باقول لهم ان الحاجة اللى انتوا صبرتوا عشانها 30 سنة على وشك انها تتحقق الكلام بتاع المخاطر ده كلام فارغ لان اول ناس هتصاب باى حاجة لو حصل هى الناس اللى بتشغل المحطة وولادهم اللى هيسكنواجنب المحطة داخل اسوار الموقع ده فا مفيش اى ازى ممكن يحصل لكوا بالعكس يمكن ان الضبعة تتحول الى المنطقة الرئيسية فى تنمية الساحل الشمالى كلة اللى استهلك فى فلات
عمرو الشناوى : وهما شخصيا هيبقوا مستفدين جدا عن طريق تشغيل مباشر اوغير مباشر من هذه المحطات دكتور محمد منيرمجاهد نائب رئيس هيئة المحطات النووية سابقا اشكرك على تشريفك بالحضور ايضا دكتور ابراهيم العشيرى استشارى المحطات النووية والخبير بالوكالة الدولية للطاقة النووية سابقا باشكرك وبنعتذر اذا كان فى تاخير فى الطريق باشكركم اعزائى المشاهدين وغدا حلقة جديدة من اتجاهات .