نصائح نشطاء تويتر لطلاب أولى جامعة.. الهاشتاج الأكثر تداولًا

تصدر هاشتاج (#قول_حاجة_لأولى_جامعة) قائمة الأكثر تداولًا في مصر على موقع التواصل الاجتماعي، حيث تفاعل معه جمهور تويتر عبر النصائح التي تنوعت بين الجادة والهزلية والطرافة أحيانًا.
تقول "تينا": خليك طبيعي بالنسبة للبس والشكل وحاول تعمل شلة عشان لو متصاحبتش علي حد ف أولي انسي إنك تتعرف على حد فى باقى السنوات"، أما تامر صلاح فينصح "اوعى تفرط فى أى فرصة تتعلم فيها حاجة تساعد فى تخصصك كورسات - دورات تديبية- تدريب في أي موقع عمل.. ما تسمعش لجملة إن التعليم حاجة والشغل حاجة تانية اتعلم كويس عشان تشتغل كويس".
تشاركه الرأي "مها" التي قالت: "اجتهدوا وخلوا هدفكم إنكم تجيبوا جيد جدًا أو امتياز.. ادخلوا في أنشطة طلابية كتير علشان هتستفادوا بجد"، فيما قال جيبو: " كليات قمة ده مصطلح وهمي!! انت المسئول عن نفسك وهدفك في النهاية، وهتوصل للقمة دي بدماغك‎ و‎جهدك‎ ..‎مش بكليتك".
وأكد عدد من المتفاعلين ضرورة عدم إهمال جوانب الرفاهية والترويج عن النفس، مثلما قال "أسامة الخولى: "قعدة الكافتيريا ولمة الشلة متتعوضش.. نصيحة مضيعش سنين الكلية على الفاضي هتندم عليها، حدد هدفك واشتغل وطور من نفسك واتعلم اد ما تقدر وافرح ومتشلش هم".
وأشاد كثير من المتفاعلين على تويتر بأهمية المساعدة والتعاون، مثلما قال مراد: "ساعد الناس لو أنت شاطر عشان ربنا يساعدك"، فيما تحدث آخرون عن ضرورة الوعى الدينى، منهم "محمود عبد البارى الذي قال: "اعمل كل اللي أنت عاوزه.. بس راقب نظرة ربنا ليك".