مصطفى يونس عن رفض الأهلي لعودة الحضري: «بلاش أونطة بقى»

تساءل مصطفى يونس نجم النادي الأهلي السابق، عن سبب رفض مسئولي القلعة الحمراء عودة عصام الحضري حارس النادي الأسبق ووداي دجلة الحالي، في ظل احتياج النادي لخدماته الفني وتألقه اللافت مع فريقه والمنتخب الوطني.
وقال يونس أثناء حديثه برنامج "اكسترا تايم" بقناة "CBC EXTRA"، "عاوز أسئل سؤال ليه عصام الحضري ماريجعش ما في ناس كتير مشيت ورجعت، مش أحنا بنقول احتراف، ليه تدي نفسك الحق كنادي أهلي أو زمالك وتقولي يلا مع السلامة أنا مش عاوزك ومتدنيش أنا الحق وأقولك أنا مش عايزك، هو أنت اللي على راسك ريشة، ليه أنت بتتكلم على مصلحة عامة ولا مصلحة شخصية".
وعن تعليل الإدارة أن عودة الحضري ضد المبادئ والقيم قال، "ياعم احنا اتهارينا من المبادئ والقيم، مش عاوز أفتح من المبادئ والكلام الفاضي دة اللي بيقولوه ده كلام فاضي، ومش عاوز أفتح الموضوع ده ونرجع للي فات".
واصل حديثه، "الحضري أحمد حسن حسام حسن، في لاعيبة كدة لازم تتحط نموزج أدامك، يعني مثال مشرف لكل لاعب، عصام الحضري عندة 43 سنة تعالى أتفرج عليه كدة وهو بيتمرن وتعالى شوف كدة أجوال ومش هقولك أسماء وهي بتتمرن، فرق السما والأرض، عصام الحضري عنده 43 سنة ورد الفعل عنده أكبر من ناس عندها 20 سنة".
اختتم حديثه عن عصام الحضري قائلاً، "أنا مصحلة ناديا فين المبادئ بقى ومبادئ النادي الأهلي بقى بلاش الكلام الأونطة ده والضحك على الناس".