اراء الشارع حول قرار تطليق المرأءة نفسها"مجلس الشعب بيغير فى الدين مش فى القانون" (فيديو)

مع بداية الانعقاد الثالث لمجلس النواب هناك من يرغب في تقديم الكثير من المقترحات لتعديل بعض القوانين، وأيضا هناك من يرغب في تقديم بعض القوانين الجديدة، وهناك بعض القوانين التي تسبب الكثير من الجدل عقب المناقشة بها وأخر هذه القوانين هو قانون يعطي الحق للمرأة أن تقوم بتطليق نفسها.
والبداية منذ أن قام النائب عبد المنعم العليمي، بالإعلان عن أنه يستعد خلال الانعقاد الثالث للمجلس، خلال شهر أكتوبر المقبل، ليقوم بطرح قانون يقوم بتنظيم عمل المأذونين، كما ان القانون يعطي حق المرأة في تطليق نفسها، مما جعل هناك الكثير من الجدل في جميع الأوساط.
ورصدت "أهل مصر"اراء الشارع حول هذا القرار ،وقالت صفا محمد،طالبة بكليه اعلام"شايفة انو قرار زبالة ،ومينفعش يطبق القرار ده ،فيه فرق بين الراجل والست ،والاسلام عظم الست ولو شايف ان ان القرار دا صح كان ربنا شرعه ،لو اطبق القرار دا يبقى كدا مجلس الشعب بيغير فى الدين مش فى القانون؟!"، وعلق عبدالله محمود ،بائع اكسسورات،"أنا مؤيد للقرار ،والقرار دا بيضمنلها حقها ويخلى الزوج يخاف من انو يجوز عليها او يضربها".
وأضافت منة السيد ،طالبة بكليه اعلام"القرار كويس ،زى مالراجل يقدر يطلق الست كمان تقدر تطلقه،الراجل ممكن يجوز على مراته اتنين وتلاته وميرضاش يطلق مراته الاولى القرار دا يحميها ويضمنلها حقها وهى انها تطلق منو فى الحالة دى،قانون الخلع بيخليها تتنازل عن كامل حقوقها لكن بالقرار دا هيحفظ كل حقوقها" ،وقال ابراهيم السيد،موظف حكومى"اى عضو فى مجلس الشعب من حقه يقترح اى قرار ويعرضه على المشيخه ويعرف ردهم ،المشكله دلوقتى الشباب مش موجهه ولابيخطط لحياته الزوجيه ".
قال زكريا توفيق ،محاسب "انا رجل مسيحى ورأى انا أرفض موضوع الطلاق ،لان الاطفال بتتشرد ،واحنا عندانا فى الدين المسيحى بيبقي فى مدة اخنبار قبل الجواز بيتعرفوا على بعض وبيعرف اهلها ولو فى قبول ويتم الزواج "،وأضافت أم عصام ،ربة منزل"لا انا برفض القرار ،الست مينفعش تطلق نفسها ،الست اه ممكن من حقها تكون العصمة فى ايديها لكن تطلق نفسها لاطبعا؟!"