مساحة للرأى

برنامج : مساحة للراى
التقديم : خيرى حسن
التاريخ : 5/6/2012
الضيوف :
اعدته للنشر : سكينة حمدى اسماعيل
الاستاذ / جمال زايدة : 25سنة لكن المدهش مش المدهش المثير للاستغراب منح البراءة لجمال مبارك وعلاء مبارك الذى قبض على السلطة السياسية فى مصر خلال السنوات العشر الاخيرة والقاصى والدانى يعلم هذا كلنا عارفين هذا الكلام واللى ليهم علاقة الشئون السياسية عارفين انوا جمال مبارك كان بيتدخل فى عمل الوزراء جمال مبارك كان مسيطر على السياسات من خلال لجنة السياسات كان مسيطر على الحزب الوطنى ده كانوا بيمهدوا له موضوع التوريث جمال مبارك كان يذهب الى واشنطن ويقابل كوندليزا رايس لما كانت بتشتغل فى الامن القومى بيتم تجهيز لقاءات له مع اعضاء الكونجرس الامريكى محدش منهم اعترض على هذه المسالة بالاضافة لده علاء مبارك كان له علاقة بالبزنس فى مصر وجمال نفس الوضع
خيرى حسن : طب الا تهام اللى كان مقدم ضد جمال التربح هووعلاء وليس فساد سياسى
أ.جمال زايدة : ده عظيم جدا بس القضية النهاردة ان قامت الثورة وهذه الثورة عايزة تحاسب النظام القديم على ما حدث فساد سياسي وفساد مالى التكييف القانونى اللى قدمتة النيابة العامة لمحكمة الجنايات برئاسة المستشار احمد رفعت لن يتضمن ادلة تسمح بادانة جمال مبارك ولا علا ء مبارك ولاال 6 مساعدى وزير الداخلية مساعدى حبيب العادلى وكان حبيب العادلى مثلا كان وزير داخلية اصدر اوامرة بمواجهة المتظاهرين والمساعدين الاساسيين لا علم لهم بهذه القضية كلام ملوش منطق
خيرى حسن : قضية كسب غير مشروع له
• جمال زايدة : الكسب غير المشروع له علاقة بالموظف العام جمال مبارك وعلاء مبارك لم يكونوا موظفين عموميين هو قانون الكسب غير مشروع بيطبق على الموظف العام لكن القضية النهاردة بتتكلم عن ثورة والا بتتكلم عن حرامى غسيل عن ان واحد سرق 10 الاف جنية والا واحد مش عارف خالف المادة الفلانية والا المادة العلانية القضية النهاردة المصريين قاموا بثورة لم يبذر ثمار هذه الثورة ولم يتمكنوا من ان هما يحاسبوا الفاسدين سياسيا وماليا وعدد كبيرا جدا من اللى اثروا على حساب الشعب المصرى وعملوا مليارات من الدولارات بيبرطعوا عايشين بره وبيبرطعوا وعايشين جوا وبيقفلوا فى النظام السياسي وبيعرقلوا ان الثورة دى تنجز والشباب عندهم احباط
خيرى حسن : طب دلوقتى اللى يهمنا الفلوس المنهوبة واللى اتهربت
أ.جمال زايدة : بص احالة الدول احد فى حالة مبارك وابنيه وحبيب العادلى ومساعديه الى القضاء الطبيعى انوا بيدى لك فرصة انك تسترد الاموال من الخارج لانوا القضاء فى العالم كله وسلطات العدالة فى العالم الغربى لا تعترف الا بالقضاء الطبيعى
خيرى حسن : التقادم بقى يمكن الدول ما تعترفش بيه ليه دا القانون المصرى وبعدين القضية بتتجاوز موضوع العطية
أ.جمال زايدة : لا ما تعترفش بيها لية ده القانون المصرى اه وبعدين قالك العطية مر عليها 10 سنوات فالقضية تتجاوز موضوع العطية اوغيرعطية انا خلينى بس اعيد بلورة الموضوع التالى اولا المصريين مجروحين لان فى 1200 شهيد سقطوا ايام الثورة وفى حوالى 6000 اقتلعت اعينهم واصيبوا بجراح و اصيبوا بجراح من جراء جراحهم فبالتالى انت المجتمع فى حالة تحول بسبب الثورة ينبغى عليه هذا المجتمع ان يتطهر هيتطهر ازاى ان لم يقدم الجناة مفيش جانى اطلق الرصاص على هؤلاء المتظاهرين تم تقديمه للمحكمة وبعدين انت عارف خلى المصريين والشباب الموجودين فى ميدان التحرير ثائرين يدعوا ان مفيش جانى بس المظاهرات او 25 يناير كانت اكثر الثورات تدوينا بالصورة وعلى تويتر وعلى الفيس بوك وبكافة انواع التسجيل اللى ممكن تتخيلها يعنى مؤسسات الدولة بتسجل كل لحظة فى ميدان التحرير فى طائرة من فوق بتسجل بالتصوير كل واحد فى الميدان ماسك كاميرا وبيسجل وبيبعت على تويتر او على الفيس بوك
خيرى حسن : والمظاهرات دي نفس المظاهرات البعض منها بيشكك فى نزاهة القضاء زى ما اتكلموا على الاعلام قبل كده
•
• جمال زايدة : لأ التشكيك فى نزاهة القضاء معناها ان احنا هنهد احد مؤسسات الدولة الحديثة فى مصر وده ميراث اولا انا اعرف عدد كبير من القضاء مسخنين بالجراح يعنى مستائين للغاية من سب القضاة من التشكيك فى نزاهتهم القضاة ليسوا ملائكة بالمناسبة هما لديهم مجالس خاصة فى المجلس الاعلى للقضاء بيحاسب بعض منهم اذا فسد لكن لايعنى هذا التعميم ولايعنى التشكيك فى نزاهة القضاء ينبغى علينا ان نثق فى ضمير القاضى الاستاذ احمد رفعت كما قال عندما حكم فى هذه القضية حكم بما تم تقديمة من ادلة وبعدين هو فى نفس الوقت خد بالك ما حاجة انوا راجل برأ ذمتة طلع وقال ان محدش قدم لى اجندة ولا مستندات فيما يتعلق بمساعدى الوزير او قتل المتظاهرين فى هنا سؤال كبير ينبغى علينا ان احنا نثيرة فى مناقشتنا دى كيف يمكن اخفاء الادلة اللى انا عايز اقولة انوا اخفاء الادلة بالتعبير العام طبعا ويمخض القضية لن يسمح لمصر بتجاوز الحالة الراهنة والانتقال الى مرحلة ما بعد الثورة لابد من محاسبة المخطئين ولابد على المؤسسات المختلفة ان تقدم الجناة لانوا لا اعتقد ان المصريين هينسوا شهداء مصر
خيرى حسن : النائب العام طعن فى الحكم
أ.جمال زايدة : ماهو ده كان واجب النائب العام لان النائب العام بينوب عن الضمير الجمعى للامة المصرية وكان ينبغى علية يطعن بالحكم امام محكمة النقد اللى انا باتكلم عنه اكبر من كده انا يهمنى ان احنا نمسك قضية ونشوف مستنداتها والادلة والتكليف القانونى هنا والتكليف القانونى هنا انت عارف ايه فى القانون القاضى اذا كان لدية نص قانونى واضح فى قانون العقوبات مثلا يسمح له بانزال عقوبة على متهم هيستخدم هذا النص معندوش نص ما يقدرش
خيرى حسن : هوهيخالف يا استاذ جمال حكموا على بن على ب 15 سنه
أ.جمال زايدة : هيخالف هيخالف ضميرة انت بتتكلم على مسارات
خيرى حسن : بردوا اه
أ.جمال زايدة : انت بتتكلم على مسار اخر دلوقتى له علاقة بالمحاكم الثورية
خيرى حسن : اه
أ.جمال زايدة : محاكم مصر لم تلجأ الى المحاكم الثورية
خيرى حسن : يعنى ثورية وخد 16 سنه كمان
أ. جمال زايدة : يعنى
خيرى حسن : فمازالت هنا
أ.جمال زايدة : لو مصر لجأت الى محاكم ثورية هى عندها هى انها تبدأ من البداية تقولك دى محاكم ثورة هاتوا بقى رموز النظام القديم ارميهم فى السجون اديهم احكام استثنائية وانسى بقى حكاية استرداد الاموال من الخارج وانسى حكاية القضاء الطبيعى مصر لم تلجأ لهذا وانما لجأت للطريق السليم
خيرى حسن : كل ما تقترب المدة الانتقالية الى نهايتها بتنشط يعنى والدول الخارجية التى لاتريد الخير لمصر وتثير الاضطرابات فى الداخل مع من يتعاون معهم يعنى اللى شايفينة بيعترضوا على حكم قضائى وهما انفسهم يطالبون بالعدل وتنفذ الحكم والعدل على اشياءاخرى يعنى من يطالب بالقضاء لدوقتى
أ. جمال زايدة : ايوا
خيرى حسن : معترض على الحكم هو اللى بيطالب نفسه بالعدل يعنى بحسب القانون وده مديانى حسب المزاج يعنى والا بالتفصيل
أ.جمال زايدة : لأ هو مش حسب المزاج لأ بصراحة تامة لكن هى القضية هرجع واقول انوا جهات التحقيق كان ينبغى ان تقدم والمستندات ماينفعش ان السى دى اللى عليه اتصالات الامن المركزى يتم افساده فى المحكمة انت واخد بالك وينتهى وهى بالغ الاهمية ما القاضى المستشار احمد رفعت رئيس محكمة الجنايات طلع وقالك ان ضميره بيتسرب اليه الشك فيما يتعلق بدفاترالسلاح الموجودة لدى الامن المركزى فبالتالى لايثق فى هذه الدفاتر هو عنده شك ان هذه الدفاتر مقطوعة او متفبركة او مش حقيقة
خيرى حسن : طب احنا شايفين يا استاذ جمال دلوقتى انه الحكم ده تم استخدامه فى تحقيق دعاية انتخابية وحشد للميادين زى ما حضرتك شايف معانا وشعارات سياسية استغلال لهذا الحكم
أ.جمال زايدة : دى مسالة بقى فى منتهى الخطورة لانه اللحظة الراهنة هى لحظة الصراع على السلطة المصريين مش عايزين صراع على السلطة عايزين تحقيق اهداف الثورة عايزين ينقلوا مصر من مرحلة بالغة السؤ الى اول طريق التقدم النهاردة لما نيجى نشوف جماعة الاخوان وحزب الحرية والعدالة كل اللى بيهمهم السلطة بصراحة تامة هما استثمروا القضية خلينى اقولها بشكل واضح استثمروا هذه القضية فى الدعاية لمرشحهم محمد مرسى فى انتخابات الرئاسة يعنى احنا كنا بنأمل من جماعة الاخوان من حزب الحرية والعدالة ان يستوعبوا التيارات السياسية الاخرى ان يرسلوا رسالة للشعب المصرى كلة رسالة طمأنينة بأنهم لا يسعوا الى السلطة فى حد ذاتها وانما ان هما بيرغبوا فى ان يقدموا اساماتهم فى اصلاح النظام الدستورى والسياسى فى ان يرسلوا رسالة طمأنينة الى المصريين المسيحيين مش رسالة تخويف وذعر فى الشارع السياسى يعنى كنا بننتظر ان القوى السياسة المختلفة ترتفع الى مستوى المسئولية وانوا يكون نوع من التفهمات مش هد المعبد على رؤوس من يعيشون تحته النهاردة فى حديث عن ضرورة تشكيل مجلس رئاسى مدنى يتكون من ثلاثة من مرشحى الرئاسة السابقين بالاضافة الى المرشح السابق محمد البرادعى اللى كان ناوى يرشح نفسة القضية النهاردة هل معناها هل هنتخذ المسار اللى حددة الاعلان الدستورى والا هنختاراللى يرجعنا بقى لنقطة الصفر
خيرى حسن : المجلس الرئاسى ده التفاف على ارادة الشعب هومقالش كده هو رفض
أ.جمال زايدة : الشعب وافق على الاعلان الدستورى هو ده اللى له شرعية او اللى هو بموجبه ينبغى عليك ان تكمل الانتخابات الرئاسية وان تكمل تشكيل الجمعية التاسيسية للدستور وان يبقى عندك دستور لكن لما تيجى فجاه كده وتقول والله لازم نعمل مجلس رئاسى مدنى على عيناوعلى راسى ماهو قد يكون هذا هو الحل لكن هل هذا معناه ان نعود اى نقطة الصفر انو ال 16 شهر اللى فاتوا دول تقريبا ان لم يكن الاعلان الدستورى تشطبه طب فين الشرعية فى التغيير اللى ممكن يحصل انت داخل على انتخابات رئاسية بعد اقل من اسبوعين 16و 17 هتتلغى الانتخابات الرئاسية هل ادمنا مسلسل فوضى هل ادمنا مسلسل يدعو الى عدم طمأنينة الناس لأ فى النهاية السياسة بتعنى المسئولية وكل اللى بنرجوه ان القوى السياسية عندما تتقدم بمبادرات لحل الازمة الراهنة ان تقدم مبادرات تتفق مع الشرعية الدستورية يعنى هو ده المطلوب مش مبادرات تدعو الى الفوضى
خيرى حسن : طيب حضرتك اذا كنا بنتكلم بردوا عن انوا استغلال الموقف الان فى الدعاية الانتخابية بنعتبرها يعنى دعاية انتخابية رخيصة يعنى لما استغل حكم محكمة فى اثارة الناس ومتاجرة بارواح الشهداء فده بصراحة شئ لا يقبله عقل ولا يقبله منطق والشعب المصرى اذكى من كده مش معايا فى كده
أ.جمال زايدة : انا بص انت قلت الكلمة الاخيرة الشعب المصرى اذكى من كده
خيرى حسن : واكد بردوا فى حكاية السرية دى
أ.جمال زايدة : بتجول فى الريف وباسال الناس فى الشارع وبسال سواقين التاكسى احيانا السياسين ما بيبقاش لهم علاقة بالقواعد الشعبية مابيعرفوش الناس بتفكر فى ايه المصريين فى هذه المرحلة كل اللى بيهمهم انوا القصاص للشهداء انك تقيم العدل انك تحقق اهداف الثورة انك تحقق العدالة الاجتماعية وعلى راس هذه الاعتبارات الاستقرار المصريين عايزين الاستقرارالمصريين ليسوا دعاة عنف المصريين لما خرجوا فى ثورة 25 يناير قالوا سلمية سلمية عايزين استقرار عايزين خلى بالك ان احنا عدى علينا 12 شهر اى اننى مفيش حاجة اسمها ثورة تفضل الى مالانهاية يعنى اه الضغوط تمارس ميدان التحرير يبقى مفتوح اعملوا مظاهرات لكن لابد ان احنا ننتقل من مرحلة الى مرحلة اخرى يعنى خلصنا الانتخابات البرلمانية نخش على الانتخابات الرئاسية ننجز الانتخابات الرئاسية ولازم قبل ما ننجز قبل ما الرئيس المقبل للبلاد يتسلم السلطة انا من وجهة نظرى قبل ما يقدم القسم الدستورى ينبغى علينا ان ننجز دستورلانوا الرئيس بلا صلاحيات يعنى حتى 16 و17 انا من رايى القسم الرئيس بتاع ده بيتم انتخابه فى نوفمبر بيادى القسم فى منتصف يناير 3 شهور تقريبا
خيرى حسن : طب نكمل كلامنا استاذ جمال بعد ما نشوف سوا هذا التقرير ونرجع لحضراتكوا مرة تانية
تقرير
الاهرام اضاف حكم مبارك حالة اخرى من حالات الجدل فى الشارع المصرى ونتيجة لهذه الحالة يقول صلاح منتصر فى الاهرام تفسير الثورة التى شهدتها مصر بعد الحكم فى قضية مبارك هو ان مخزون الغضب مازال موجودا بعدسته عشر شهرا من الثورة وان المستقبل لايزال معتما المساء
اما مامون الهباء فيرى ان تنازل كل فصيل عن بعضة بطموحاته وشكوكه فى الاخرين ينتقل بنا الى وحدة العمل وبناء جمهورية ثانية وكفى ما ضاع من عمرالثورة
يؤكد خالد صلاح فى اليوم السابع ان الكل الان يبحث عن حل سحرى المتظاهرون الغاضبون على الاحكام المذهلة والصادمة على رجال مبارك يطالبون من قلب التحرير بحل سحرى اسمة المجلس الرئاسى لكن اى ساحر لا يمكن ان يحقق مايريده الغاضبون الان
عماد الغزالى فى الشروق يرى ان عدم توافق مرشحى الميدان هوما اوصلنا الى هذه اللحظة الصعبة لكنهم لايريدون ان يعترفوا باخطائهم ويصرون على السير فى خطى اولا د ابو اسماعيل لازم حازم
روز اليوسف لقطات كمال عامر حول الديمقراطية المصرية يقول فيها هناك بعض الجهات حاولت استغلال الحكم على مبارك لتحقيق مكاسب شخصية مرتبطة بالانتخابات القادمة ولكن بعد نطق الحكم تبخرت امالهم نهضة مصر
ومحمد الشبه فى صباح الحرية يقول كم من الخطايا ترتكب هذه الايام باسم الثورة لذا يقدم الشبه العذر لمن اخذوا ثورتهم وارتموا فى حضن الجماعة خوفا من عودة النظام السابق دكتور ذكى سالم فى التحرير يقول لقد سار الشعب المصرى من اجل الحرية والعدالة الاجتماعية والان مصر فى انتظار محاكمات ثورية عادلة على القتلة بعد ان صدرت احكام بالبراءة لمساعدى العادلى فالشعب لم يهدأ حتى يتم القصاص للشهداء
يطالب علاء ثابت فى الاهرام المسائى بتفعيل السماحة السياسية خوفا على مصر ورئيس الدولة ووزير داخليتها اصبح خلف السجون وهمامتهمان فى يقضية تلاعب اموال وجماعة الاخوان التى كانت محظورة اصبح لها الغالبية
فاصل
خيرى حسن : نجدد التحية بحضراتكوا وبضيفنا الصحفى الاستاذ جمال زايدة مدير تحرير الاهرام اهلا استاذ جمال
أ. جمال زايدة : اهلا استاذ خيرى
خيرى حسن : كنا بنتكلم عن انوا فى انت مش ملاحظ انوا فى اجتماعات وتربيطات وانت يعنى فى اماكن مغلقة تفسيرك لهذه الاجتماعات هل تساعد على حل الازمة ام تزيد الازمة تعقيدا والله بص القوى السياسية لازم تعمل اجتماعات طول الوقت هو لان القوى السياسية مهمومة بما صاب هذا الوطن من حقها انها تعمل مشاورات وتعمل اجتماعات هى دى الديمقراطية لكن الديمقراطية اذا توصلت هذه القوى السياسية الى حل او مبادرة ما كيف يمكن لهذه المبادرة وهذا الحل يعنى بمعنى انوا احناادمنا شرعية دستورية ادمنا اعلان دستورى هل يمكن لهذه القوى انها تيجى وتقول والله الاعلان الدستورى ده نلغيه طب عشان تلغى الاعلان الدستورى لازم تطرح بديل وتطرح مسالة الالغاء للشعب لانك انت واخد تفويض من الشعب المصرى من خلال الاستفتاء الذى اجرى على الاعلان الستورى وبناء علية مشيت فى المسار انا واحد من الناس كنت ضد الاعلان الدستورى ورحت قلت لأ للاعلان الدستورى لانى كنت شايفة هيلخبط المسار الخاص باصلاح المسار الدستورى السياسى فى مصر وكان من رايى الدستوراولا وانوا من 16 شهر لو كنا انجزنا حكاية الدستور مكناش دخلنا فى هذه المزلهمات او كنا انجزنا بقى عندنا دستور واضح بيحدد سلطات الرئيس وبعد كده تعمل انتخابات برلمانية تعمل انتخابات رئاسية وكنا خلصنا المرحلة الانتقالية قبل سنه لكن للاسف الشديد ادامة واقع فالقوى السياسية اذا كانت لديها قدرة على فرض البديل فى الشارع السياسىي والله وخدت الموافقة من الشعب المصرى طريقة ما او باخرى اهلا وسهلة لكن اذا لم يحدث هذا فانا اعتقد لابديل امام مصر الا ان تلتزم بالمسار الديمقراطى الذى اختصة الاعلان الدستورى
خيرى حسن : طب هل حضرتك مش ملاحظ ان كل حاجة لازم يحشروا المجلس العسكرى فى الموضوع يعنى اليومين اللى فاتوا خرج اصوات عبر الفضائيات بتقول المجلس العسكرى يسلم الدولة مدنية زى ماتسلمها مدنية يعنى تفسيرك ايه
أ.جمال زايدة : بص المجلس العسكرى بحكم الاعلان الدستورى هو السلطة الفعلية هو الذى يقوم مقام رئيس الجمهورية فعلى المجلس العسكرى ان يتحمل لغاية اخر الشهر كل الصياح وكل الانتقادات واعتقد ان هماتحملوا هذا والى حد كبير واحنا ادمنا ايام يعنى لو انجزت الاستحقاق الرئاسى وانجزت الجمعية التاسيسية خلاص على واحد سبعه المجلس يبقى يسلم السلطة سلطة مدنية مسالة توجية انتقادات للمجلس الاعلى العسكرى والله دى مسالة وارده فى الشق السياسى يعنى بمعنى انه بيقوم مقام رئيس الجمهورية فاللى بيشتغلوا فى العمل السياسى والناشطين السياسيين والمدونين وبتوع الاحزاب وغيره داخلين فى حالة جدل سياسى مع المجلس ووجهوا انتقادات خلاص وعلية ان احنا هنعمل ايه علينا ان احنانتحمل ده والمجلس عليه انوا يتحمل ده لغاية 30/6 واعتقد حالة الجدل دى مفروض انها تنهى النهاردة تسليم السلطة لسلطة مدنية
خيرى حسن : طب حضرتك شايف الاعادة هيكون شكلها ايه دا فى ناس بتنادى بالمقاطعة وفى ناس يعنى فى فريقين متناحرين وفى ناس تيهه هتختار مين
أ. جمال زايدة : بص الديمقراطية معناها
خيرى حسن : فى ناس هتريح نفسها
أ.جمال زايدة : ان الديمقراطية معناها مسئولية انا من وجهة نظرى يعنى التصويت السلبى بالغ السوء انك تروح مثلا وتقعد فى بيتك تقول له والله انا مش هشارك فى ده لان ضميرى ما يسمح ليش انت تمكن طرف على طرف اخر وهذا الطرف بيعمل حشد من الان لانوا لدية تنظيم وكمان يشجع الاخرين على الامتناع عن التصويت لانوا ده بيصب فى مصلحته فانا وجهة نظرى الفاعلية السياسية التى تيقظت لدى المصريين مع ثورة 25 يناير بتقول للناس تروح تقول رايها اذا كان فى انتخابات لازم يروحوا ييقولوا رايهم لكن الناس هتبقى مرة تانية اغلبية صامتة الاغلبية الصامتة اللى بتكلموا عنها دى على فكرة هتعمل مفاجات من وجة نظرى فى الانتخابات الرئاسية
خيرى حسن : انشاء الله
أ.جمال زايدة : لانوا الجدل اللى بيحصل جدل بيحصل على الفضائيات ولدى النخبة السياسية وفى ميدان التحرير لكن انا بارى ان هناك ملايين من الشعب المصرى لديهم وجه نظر اخرى
خيرى حسن : ما لسه بنقول ان الشعب المصرى اذكى شعب
أ. جمال زايدة : بالضبط
خيرى حسن : سؤال اخير استاذ جمال الدستور يعنى لغاية دلوقتى بيشكل تحدى كبير الاحزاب فشلت فى الاتفاق على تاسيسية تاجيل من البرلمان وضع معايير الاختيار يعنى حضرتك شايف ايه دستور يعنى يخلص امتى وهيكون شكلة ايه
أ.جمال زايدة : انا من رايى انوا بعد الحكم الذى صدر وقال انوا تشكيل الجمعية التاسيسية للدستور اللى فرضوا حزب الحرية والعدالة وحزب النور ده باطل فده بيعيد الامور الى النصاب الصحيح النصاب الصحيح انوا الجمعية التاسيسية للدستور لازم تشكل من خارج البرلمان بالكامل وتشكل من ممثلين لكافة طواف الشعب المصرى ولا بديل عنها ولابد من انجازالدستور من خلال الاطروحات اللى موجده دستور 71 وتعمل تعديلات على بعض موادة او تعمل دستور جديد بتاكد فيه على الحريات الاساسية اللى موجودة فى كافة دساتير العالم وتؤكد فيه على مدنية الدولة انت واخد بالك عشان تستمر الدولة المصرية وتنتظر ان يحلف الرئيس الجديد اليمين حتى يتم انجازالدستور واعتقد انه وفقا لفقهاء القانون الدستورى مهياش اعجاز انوايتم تطبيق الدستور فى مرحلة شهرين ممكن ينتظرهم الرئيس المقبل كما ينتظر الرئيس الامريكى بعد فوزه فى نوفمبر اداء القسم فى يناير يقعد شهرين لغاية ما نخلص الدستور وهنابقى كافة القوى السياسية لابد ان عليها ان ترتفع الى مستوى المسئولية لان المهم النهاردة مش انتخاب الريس المهم هو كتابة دستور جديد لمصر يحافظ على الحريات الاساسية للمصريين ويرد الحقوق لاصحابها
خيرى حسن : على ايه حال استاذ جمال يعنى نحن الان امام وضع يحتاج لتنازلات من المرشحين الاخوان يحتاجون لتنازلات حقيقية يؤكد عدم سعيهم للهيمنة وتضمن مشاركة كل القوى ايضا الفريق شفيق عليه ان يطمئن ان اركان النظام السابق لن يعودوا للمقدمة وان تكون هناك تصفية حسابات لتصفية الثورة الحقيقة احنا فى وضع نحسد علية انتخابات رئاسية تم التشكيك فيها قبل ان تبدأ وبعدين اعادة واتحطينا ادام خيارين اى واحد هينجح فى الاثنين هيلاقى الاعتراض والتشكيك سواء فى اعادة انتاج النظام السابق او اعادة انتاج الحزب الوطنى المنحل يبقى ايه العمل مش عارفين اخيرا اتمنى ان ينفذ العدل فى كل من ازهق روحا بريئة خرجت تطالب بالحرية والعدالة الاجتماعية احنا قمنا بثورة بحثا عن العدالة واول حاجة فى العدالة ان نرضى بحكمها واذا شفنا عوار فى الحكم ففيه وسائل اخرى للاعتراض ولكن ليس بالتشكيك والتطاول على القضاء فى النهاية باشكر الاستاذ جمال زايدة مدير تحرير جريدة الاهرام اما انتم سيداتى وسادتى فكم كل التحية والتقدير والى اللقاء.