مشكلتي إن شخصيتي هشّة جدا مهزوزة ضعيفة مش اجتماعية، بارتبك في أبسط المواقف وباغرق في شبر ميه، متقلبة المزاج حادة الانفعالات ماعنديش قدرة كبيرة على التحمل، باحمل الهم بسرعة ومتشائمة.. تقدري تقولي قفل مش باعرف أهزر مع أي حد بسهولة لازم أكون واخدة (...)
السلام عليكم.. في البداية أحب أشكركم على تعاونكم معانا وفتح صدوركم لنا ولمشاكلنا جزاكم الله كل خير.
أدخل في الموضوع على طول، أنا بنت بين تلات بنات والدتي توفت من حوالي 13 سنة وأختي الكبيرة اتجوزت في نفس العمارة اللي إحنا ساكنين فيها، والعمارة دي (...)
السلام عليكم.. أنا بعت لكم قبل كده ورديتوا عليّ بجد شكرا، بس أنا المرة دي محتاجة لكم أوي وأكتر من الأول.
أنا عندي 22 سنة.. مشكلتي إني ساعات باحس إني حلوة، والحمد لله أنا متديّنة؛ لبسي واسع وكويس، بس دايما باحس إن اللي حواليّ مش بيشوفوني حلوة، دايما (...)
السلام عليكم.. أولا أحب أشكركم على موقعكم الرائع جزاكم الله عنا خيرا.. أنا عندي 21 سنة ومشكلتي إني مش عايز أرتبط، ونفسي أفضل عازب لأطول وقت ممكن، وكل ما أفكر في أي واحدة للارتباط أو أشوف أي واحدة تناسب المواصفات اللي أنا حاططها للبنت اللي في بالي (...)
السلام عليكم.. مش عارفة أشكركم على الموقع والمجهود المبذول فيه إزاي، وخصوصا باب الفضفضة.. أنا عندي مشكلة طويلة أرجو أن يتسع صدركم لها، المشكلة إن ابن خالي اللي عنده 16 سنة هو في أولى ثانوي دلوقتي وبدأ من فترة كده ييجي سنة يمد إيده، ولم نتأكد من (...)
جزاكم الله كل خير موقع "بص وطل".. مشكلتي إني بقيت ثرثارة، عمري 21 سنة.. أنا كنت كتومة أوي ودي حاجة كانت مريّحاني جدا.. بس بعد ما خطيبي سابني بقيت أحكي لصديقاتي المقرّبين من الدرجة الأولى والتانية كل حاجة، وإزاي الموضوع انتهى وإزاي أنا (...)
بصوا بقى أنا حكايتي غريبة شوية؛ أنا شاب عندي 24 سنة ومن أسرة ميسورة الحال تتسم بالتفكك الشديد جدا، المهم أنا باشتغل من 8 سنين يعني من وأنا عندي 16 سنة مع إني مش محتاج..
بس أنا كان عندي تطلعات كبيرة جدا للمال، اتعلمت حاجات كتير أوي زي التنمية البشرية (...)
يا جماعة أنا عندي مشكلة مبوّظة حياتي مع أصحابي، وفي نفس الوقت مش عارف هي عيب ولا ميزة..
المشكلة إن أي موضوع وأي حاجة تتقال لي باحكي لأصحابي، وأي حد يقول لي الموضوع ده سر باحكي لأصحابي، ومابقدرش أمنع نفسي من كده، لدرجة إن فيه ناس كتيرة بقت تخاف تقول (...)
السلام عليكم ورحمة الله وبركاته.. أشكركم على هذا الموقع الجميل ده.. أنا عندي مشكلة، وهي إني عشت حياة صعبة جدا، حياة بنت يتيمة مع إن والديّ عايشين..
حرمت من أب ماعرفش عنه شيء منذ كنت في الرابعة من عمري وأم لا تهتم بي إطلاقا ولها اهتمامات أخرى، بل (...)
السلام عليكم ورحمة الله وبركاته.. أنا لا أعرف من أين أبدأ ولا أستطيع تحديد مشكلتي، كل اللي هاقدر أقوله إني حاسة باكتئاب شديد ودائما عصبية ولا أستطيع تكملة أي عمل أقوم به لمستوى جيد، وبالتالي ليس على أكمل وجه، لأن الرد الطبيعي الذي دائما أسمعه إنك مش (...)
أنا عمري 27 سنة مطلقة وبدون أولاد، مشكلتي إن تجربتي الزوجية جعلتني أكثر خبرة بالحياة والناس وجعلتني أخاف من أي زواج آخر، وكل عريس يأتي ليطلبني أطلب أن أعرفه جيدا وفعلا أفهمه وأعرفه بسرعة، وسرعان ما أجد نفسي أرفضه، وموضوع عودتي لطليقي مرفوض من ناحيتي (...)
السلام عليكم على كل فريق "بص وطل"، بجد أنا عندي مشكلة وأنا عارفة إنكم هتعرفوا تحلّوها.
أنا عندي 22 سنة، وبجد -بشهادة كل اللي يعرفوني- أنا طيبة لدرجة تفوق السذاجة، أي حد يقول لي أي حاجة باصدّقها، ووقعت في 600 مشكلة بسبب ده.. ماما شخصيتها قوية وبابا (...)
أنا شاب مصري عندي 30 سنة، أعمل بوظيفة محترمة جدا، وتعرفت على بنت جزائرية عن طريق أهلها وهم أصدقاء لي منذ سنين طويلة جدا، وهي بنت أختهم، جاءت إلى مصر أعجبت بها وخطبتها وقامت الثورة.
وقرر أهلها أن يقدما الشقة لنا هدية فرفضت في البداية، إلا أني وافقت (...)
أولا: السلام عليكم ورحمة الله وبركاته، ثانيا: بجد باشكركم على القسم الهايل ده واهتمامكم بالرد على المشاكل، ثالثا: مشكلتي يمكن تبان مش مشكلة أوي بس بجد هي مضايقاني أوي، حاسة إن كل حاجة في حياتي غلط وإن أنا مش مكاني في الدنيا، أنا جيت المكان ده (...)
السلام عليكم ورحمة الله.. أنا اترددت كتير قبل ما أحكي لكم على اللي أنا فيه رغم ثقتي التامة في إنكم هتحلّوا المشكلة، بس أنا مش عارفة حاسة إني متلخبطة من جوايا، يعني لسه مش عارفة لغاية دلوقتي أنا عايزة إيه؟
أنا هحكي لكم على مشكلتي من الأوّل، وآسفة إني (...)
أنا يا جماعة عاوز أعرف أنا صح ولا غلط، أنا متجوز من 3 سنين دلوقتي وعندي طفل والحمد لله، لكن المشكلة إن أنا تزوجت ببنت خالي وهو أغنى مننا..
والمشكلة هنا بنت خالي اتنقلت من معيشتها إلى معيشتي، وأشهد الله إن راتبي كله رايح على البيت، وراتبي كويس 4000 (...)
أنا فتاة عندي 23 سنة عندي مشكلة غريبة شوية؛ دايما لما أقعد أفكر في الناس اللي بحبهم سواء إخواتي أو أولاد إخوتي باتخيل حاجات وحشة بتحصل لهم وبابقى متضايقة أوي إني باتخيل كده، يعني الأول أنا بافكر فيهم علشان وحشوني وبعد كده تفكيري بيقلب إني أتخيل حاجة (...)
السلام عليكم يا أهل "بص وطل".. وبعد،
الحقيقة عندي مشكلة مش مشكلتي بشكل مباشر، لكن ليها صلة وثيقه بيّ، المشكلة خاصة بأمي وهي مشكلة محرجة شوية، لكن ثقتي فيكم شجعتني.
أمي غير مهتمة بنفسها خالص، هي كانت بتعمل في مجال التربية والتعليم وفي مركز كويس لكن (...)
أنا عندي مشكلة وأرجوكم تساعدوني فيها في أقرب وقت.. أنا عندي أخ في تانية ثانوي هو ذكي جدا بس مستهتر، جاب 50% وملحق كيمياء السنة دي، كان طموحه يكون دكتور، وهو كان بيلعب كورة، لكن حصلت له حادثة في رجليه واضطرّ إنه يبطل كورة، من ساعتها وحالته اتدهورت (...)
السلام عليكم.. أنا عندي مشكلة عايزة أخصائي نفسي يردّ عليها المشكلة سببها إني غبية مش باعرف أفكّر، فرغم إني مثقفة إلا إن الثقافة دي مش باستفيد منها في فهم الواقع اللي حواليّ، وباكون زي البغبغان اللي بيردد اللي بيسمعه من غير فهم، ونفس الحكاية كانت في (...)
أنا عندي 18 سنة، أنا عصبية وحساسة أوي وبازعل بسرعة جدا وبافهم حاجات غير اللي الواحد يقصدها، دايما بافهمها بقصد إنه بيكرهني وإنه بيقول لي كده عشان يجرحني فبازعل..
وابتديت أتجنب الناس وأبعد عنهم، حتى إخواتي باتجنبهم لأنهم دايما يسخروا مني ويتريقوا (...)
ليست هذه أول مرة أكتب فيها إليكم؛ لأسأل فيها عن أشياء تحيرني ولا أستطيع أن أسأل فيها سواكم، وأثق أنكم سوف تريحونني بإجابات شافية بإذن الله.
أنا كما قلت سابقا فتاة مخطوبة، وخطيبي ولله الحمد شاب متدين جدا ولم يسبق له أن حادث فتاة غيري، وأنا متأكدة من (...)
أنا فتاة عمري 21 سنة، ومشكلتي بدأت من وأنا عندي 9 سنوات..كان والدي بيخون مامتي، وهي عارفة كده وكانت بتزرع جوانا الكُره ناحيته، إنه دايما بياخد فلوسنا ودهبنا ويعطيه للستات، مع العلم إنه كان فعلا كده، وكان بيجيب الستات في البيت عندنا وينام معاهم قدام (...)
السلام عليكم.. أنا فعلا باحترم الموقع ده من زمان أوي، مع إني بصراحة مش باقعد عليه غير علشان أقرأ المشاكل، وبحب الأسلوب اللي بيتحل بيه المشكلة، باحس إنه عقلاني جدا، وأتمنى أن أجد ردا على رسالتي.
أنا مخطوبة لشخص محترم جدا وتقيل جدا، بس أنا حبيت فيه كل (...)
الحقيقة أنا مشكلتي كبيرة أوي عشان هي مش مشكلة واحدة هي مليون مشكلة في بعض، أول مشكلة بتواجه بنات كتير في عصرنا بس أنا عشتها بمأساة شوية فحسيت مرارتها.
أولا أنا عندي 27 سنة وداخلة على 28، ومن أول ما كان عندي 24 وأنا حسيت إن عمري بيجري بسرعة أوي زي ما (...)