تاكل ملبن لو تقفلها تاكل شلوت لو تقفلها هتاكل نفسك علشان مش هتلاقى القوت واللى خانوك لسه ممشوش ومعاهم اللى ميتسموش واللى مفكر إن الدوله فيها تمانين مليون هلفوت ... فتح عينك شوف المجلس مين خلاك تستفتى عليه ؟ مين اللى عملك إعلان لما وافقته وخدعك بيه مين اللى فى إيده الالغام ودافس لك منها قدام ؟ وأما تفرقع فيك بيدمع ويقول أنت صعبت عليه ... فتح عينك لسه اللعبه فيها قرص الزهر كتير والكوتشينه بقى فيها ميت واد والعسكرى إترقى وزير وإنت طبيعى هتبقى حصان وهتفضل دايما غلبان أصل الشطرنج دا مخصوص مصنوع بإيدين الدبابير ... فتح عينك حاول تفهم إمته هيجى عليك الدور؟ امته هتلقى حقى وحقك مضمون بنصوص الدستور فتح عينك وإعرف ليه ابنى وابنك خزقوا عنيه معرفناش مين اللى أصابهم بعد ما عدت سنه وشهور فتح عينك إوعى تروّح قبل ما تاخد منهم حقك إوعى شاويش عاد يشخط فيك ولا تروح القسم يزقك لازم تتحدى الطغيان لازم تردع كل جبان لينا فى مصر زى ما ليهم ليه ياخدوا اللقمه اللى فى بقك ...