عم يابتاع الشماسى

بمسى أحلى تماسى
عليك وياريت تشوفلى
شمسية أغطى بيها راسى
عم يابتاع الشماسى شوفلى شمسية
ف الشتا أغطى بيها راسى لما تمطر عليّا
وف الصيف أمشى تحتها لما تكون
الشمس حامية لاجل تضلل عليّا
عم يابتاع الشماسى عايز شمسية قماش
تكون ألوانها زاهية واللون الأسود بلاش
وياريت تكون رخيصة تمنها على أد إيدى
ويكون أحسن لو كانت ببلاش
عم يابتاع الشماسى عايز شمسية معمولة
من قماش ما بيشربش المية بسهولة
ويكون شكلها شيك وتكون
بتقفل وتفتح بسرعة وسهولة
عم يابتاع الشماسى عايز شمسية حجمها
يكون كبير عشان لما أقف تحتها
أنا وغيرى تكفينا وتغطى
كل الناس اللى واقفة كلها
عم يابتاع الشماسى دى كل التفاصيل المملة
عن الشمسية اللى أنا عايزها ودى حاجة مهمة
إنك تلتزم بيها عايز اللى يشوفها يقول
It's very beautiful umbrella