عمرو أديب: المنطقة ستشهد تحولا تاريخيا فى 2019

قال الإعلامي عمرو أديب، إن أمريكا تسعى من خلال تواجدها بقاعدتها العسكرية فى قطر مواجهة إيران وحماية إسرائيل، مضيفًا: "أمريكا بتزود فى قاعدتها العسكرية فى قطر ببلاش وقطر بتدفعلها أكتر، قطر بتدفع مبلغ وقدرة على رأس كل جندى أمريكي كل يوم الصبح، الأيام الجاية هتشوفوا تحركات واضحة فى ملفات واضحة عشان محدش يستغرب".

وأضاف "أديب"، خلال برنامجه، أن الخروج الأمريكى من سوريا وتكبير القاعدة العسكرية الأمريكية في قطر يوحى أن هناك تحول تاريخى فى المنطقة 2019، مؤكدًا أن أمريكا تتواجد فى قطر من أجل حماية إسرائيل من تهديدات إيران.

وأوضح أن روسيا سعيدة بقرار أمريكا بالخروج من سوريا، متابعًا: "المرة الوحيدة اللي بوتين أشاد بقرار ترامب لما أعلن انه هيسحب قواته من سوريا، قاله أنت كدة".

كما علق أديب على لقاء حمد بن جاسم، مع فضائية "روسيا اليوم" وحديثه عن أن مصر دولة بسيطة وتقوم بحسب كل القضايا بالآله الحاسبة وتسير بالأموال والبعض يستطيع ان يشتريها بالأموال، متابعًا: "على لسانى حاجة عايزة أقولهالك من كلمتين لو مصر بتاعتة فلوس يبتاع الفلوس كانت مصر باعت مواقفها وجيوشها وكنت هتلاقيها فكل مكان يا حمد".

وواصل: "لو مصر بتاعتة فلوس مكنتش رجعتلك الوديعة القطرية على الجزمة القديمة وكانت قالتلك فلوسك ضاعت بعد ثورة 30 يونيو"، مؤكدًا : "مصر دولة محترمة وأنت متعرفش يعنى إيه دولة محترمة، مصر مش بتبيع بلدها ولا تسمح لحد أن يدخل فيها ويقعد".