محمد إمام يحتفل بوصول إيرادات فيلمه "ليلة هنا وسرور" ل30 مليون جنيه

احتفل الفنان محمد إمام، بوصول إيرادات فيلمه الجديد " ليلة هنا سرور ل 30 مليون جنيه، حيث انطلق فى السينمات مع أول أيام عيد الفطر الماضى.
وكتب محمد إمام على حسابه على موقع تبادل الصور "انستجرام"، قائلا: " الحمد لله تانى فيلم ليا يعدي الرقم ده 30 مليون شكراً لكل اخواتي و زمايلي اللي تعبوا علشان يقدم لكم ليلة هنا وسرور و شكراً ليكم من كل قلبي على رسايل لكم و كلامكم و استقبالكم العظيم للفيلم، و الإيرادات الضخمة اللي عملتوها بالرغم من كأس العالم و امتحانات ثانوية عامة و المنافسة الصعبة مع باقي الأفلام النجاح دة بتاعكم انتم اللي جاي ماجاش زيه".
"ليلة هنا وسرور" تدور أحداثه فى إطار كوميدى أكشن، حول رجل أعمال يدعى "سرور"، وحبيبته وتدعى "هنا" وهى الفنانة ياسمين صبرى، ويقع فى يد عصابة ما، ويضطر للهرب، ويلتقى رئيس العصابة والذى يجسده الفنان فاروق الفيشاوى، وتبدأ الصراعات بينهما، وتتوالى الأحداث.
وفيلم "ليلة هنا وسرور"، إنتاج شركة سينرجى ، للمنتج تامر مرسى، برئاسة المنتج أحمد بدوى، من بطولة محمد عادل إمام، ياسمين صبرى، فاروق الفيشاوى، بيومى فؤاد، رحاب الجمل، محمد سلام، ولاعب المصارعة العالمى كرم جابر، وتأليف مصطفى صقر ومحمد عز الدين وإخراج حسين المنباوى.
محمد امام