حال الزمن

الضحك صبح له عداد
والفرح صبح له ميعاد
والشاب تايه فى البلاد
والمولود بتباع فى مزاد
***********
الخسيس بقاله تمن
ولحرامى صبح يأتمن
والشريف نسيه الزمن
والزمن ما بقاش الزمن
**********
العليل مش لاقى دواه
والطبيب فى القرش تاه
بتزيد فلوسه مع كل آه
وكل همه المال والجاه
***********
المسئول ما بقاش يعول
ماشى فى الدنيا يا عينى مسطول
لا فارق عرض معاه ولا طول
ولا من أهله حتى خجول
************
الناس كل هدفها العيش
والغلبان مش لاقى بقشيش
ولا عارف من فين ها يعيش
وفى كل كمين بدفع بقشيش
***********
الحشيش والبانجو صديق
لكل شاب يحس بضيق
وكل كيف بقالو فريق
وهو دا صبح الطريق
*********
حال الزمن بقى شيء غريب
الكل بحلم يبقى ديب
والقلم مش لاقى أديب
يوصف بخياله الحبيب
---------------