الحياة أمل

ليه تستسلم ؟ ليه تنهار؟ تنهى العمر ف عزخضار
مهما الدنيا ياسيدى اسودت خلِّى معاك الصبر شعار
لو عسر هيبقى اليسر معاه لحظة يأسك فيها دمار
خلِّى الحلم جميل قدامك بذور الفرحة تجيب أشجار
خلِّى الأمل ف كل طريقك هيشق ف كل جفاف أنهار
أوعى تقوللى ظروفى صعبة اصبرتلقى الشوك أزهار
لو عدت غيمة قاسية عليك إياك تهرب منها فرار
لسة الدنيا مليانة خير مهما زاد عدد الأشرار
لمَّا بإيدك تنهى حياتك غضب المولى عليك والنار
كل حياتك دية أمانة ونصيبنا محدش ليه اختار
بعزيمة قوية وكل إرادة حزنك حطم ليه أسوار
مش عيب تفشل حاول تانى دا العيب لما نتوه نحتار
قناديل فرحك تمسح حزنك واطفى ليأسك أى شرار
مهما الشمس تغيب راح تطلع وبعد الضلمة هيجى نهار
مهما الدنيا تضيق ف وشك قول يارب هتبقى عمار