هشام إسماعيل يأكل الجمبرى بقشره فى الجزء الثانى من "بالعند فى دكاترة الرجيم"

من خلال برنامج "صاحبة السعادة" الذى يذاع على قناة سى بى سى من تقديم الكاتبة إسعاد يونس، وفى الجزء الثانى من حلقة "بالعند فى دكاترة الرجيم"، شاركها فيها الفنان هشام إسماعيل صاحب شخصية فزاع فى مسلسل "الكبير أوى"، والذى حضر إلى البرنامج بنفس ملابس الشخصية وبنفس أداء شخصية فزاع، قال هشام إسماعيل: "أكلت الجمبرى بقشره من حلاوته"، مضيفا "مش أنتى قلتى لى نام لحد المحشى ما يجى ليه ما جاش أنا زعلت ولقيتك بتتكلمى فى المخ قلت أعمل له تيست ودخت فى إيطاليا على كبدة ومخ ما لقيتش لأنى قضيت فترة كبيرة من حياتى هناك 10 أيام كدة والكبدة روعة والبتنجان عالمى بس سو سبايسى وأهم حاجة متنسوش السلطة عشان الرجيم، وأنا أعرف السجاد الإيرانى لكن معرفش العيش الإيرانى، أنتى ما تعرفيش أن اسم أبويا هانى بس استحى اجوله ومع الزمن بقى وهدان وشكلى حاروح مشى بعد الأكل ده".
وقال أحد أصحاب مطاعم السمك الشهير بالكاستن "شعبان عبد الرحيم كان بياكل عندى إمبارح هو وعصام ابنه وفتحت محل السمك بعد اعتزالى كرة القدم سنة 1969 وبعدين سافرت أوروبا وحصل لى مواقف صعبة كتير خلال سفرى فى أوروبا ولما رجعت لعبت كرة قدم تانى حتى سنة 1979 فى النادى المصرى وأنا تعبت واللى بيتعب بيلاقى حتى لو بيبيع درة وأطالب الشباب بتكرار المحاولة للوصول للنجاح".
وسردت سمية صاحبة مطعم الفسحة كيف بدأت "فكرة الآكل بدأت بعمل الآكل لزمايلى فى دار النشر اللى كنت شغالة فيها وباعمل المحشى يوم الاثنين علشان والدتى بتلفه معايا وبتسبح عليه وباشتغل ساعتين يوميا بس من الساعة 5 لحد 7 مساءً.
وقال صاحب محل الدهان الشهير بلبل الدهان "جدى الدهان فتح المحل سنة 1890 وقال على الدهان، "إحنا زمان كنا مشهورين بالنيفة لكن دلوقتى الناس مش بتاكلها علشان الكوليسترول وعندنا 5 فروع لمحلات الدهان وكلها بنفس الجودة".
وقال صاحب محل الشرقاوى أشهر صاحب محلات الكبدة والمخ أحمد الشرقاوى "المخ البلدى شاحح الأيام دى عشان ما فيش دبح كتير وناس كتير أخدت اسمنا وبتشتغل بيه عشان كده حاسجل اسم غير الشرقاوى.
وقال عمر عادل صاحب واحة عمر على الطريق الصحراوى المشروع فكرة جدى ووالدى وهو فرصة لاستراحة المسافر وفيه ناس بتعتبر الواحة فسحة مستقلة لوحدها وبنهتم بالأطفال وعندنا حيوانات بجع وغزال عشان نفرحهم وأنا دارس فندقة فى لوزان سويسرا.
اخبار متعلقة
إسعاد يونس تقدم "بالعند فى دكاترة الريجيم" حلقة خاصة فى "صاحبة السعادة"