فتيات يستبدلن أصابع الروج ب"موس وصاعق كهربى"لمواجهة التحرش فى العيد

"قطر وموس وإليكتريك" هذا ما تحتويه حقيبة أغلب الفتيات فبدلا من أن تكتظ "شنطة" الفتاة بأدوات المكياج وأقلام الكحل والروج، استبدلت العديد من الفتيات هذه الأشياء بأدوات متعددة بهدف الدفاع عن نفسها من التحرش لقضاء عيد آمن دون تحرش.
وتروى ريماس 13 سنة "العيد ده أهون من اللى فات فالتواجد الأمنى بالحدائق وسيلة اطمئنان لنا بخلاف العيد السابق " بينما رأت إسراء " 15 عاما" "أغلب حوادث التحرش اللى بتحصلنا النهاردة من أطفال عمرهم مش بيزيد عن عشر سنين وللأسف محدش بيعملهم حاجة حتى الشرطة مش بتتعامل معاهم وبتسيبهم يتحرشوا بينا".
وتروى " حنان" 17 عاما " " من كتر الحوادث إلى بنتعرض لها رد فعلنا اتغير عن زمان، وأنا كنت زمان بسكت ومش بعمل أى رد فعل لكن دلوقتى اللى يقرب منى بيكون مصيره الجزمة"، وتؤكد ليلى "15 عاما" "صحيح العيد السنة دى أحسن من اللى فات بس مش بقدر أنزل مع أصحابى من غير ما يكون فى شنطتى "قطر" أو موس عشان أدافع عن نفسى ".
وذكرت شيماء 13 سنة " مبعرفش اشيل اليكتريك من شنطتى عشان لو أى حد لمسنى أدافع عن نفسى"، فى حين ترى " هناء " 18 عاما "اللى بيضايقنى بديله بالشبشب بس مقدرش اشيل فى شنطى موس أو مطوة لأن أخاف استخدمها الللى قدامى يخطفها منى ويعورنى وأنا مش بنصح أى بنت إنها تشيل معاها سلاح زى ده".
بينما ترى جنة " 14 عاما" "رد فعلى على حسب المضايقة يعنى لو اللى قدامى عاكسنى بس مش برد عليه لكن لو الأمر تطور واتحرش بيا ساعتها بتكون إيدى هى وسيلة دفاعى الوحيدة عن نفسى"، وتروى أسماء 16 عاما "البنت هى اللى بتخلى اللى قدامها يحترمها أو يعاكسها وفى بنات بتكون نازلة عشان تتعاكس".
موضوعات متعلقة:
حملات مناهضة التحرش الجنسى تكثف نشاطها بالإسكندرية فى عيد الأضحى