:تلاجة

متجمد
لحد القرن الخمسين
ولما فاق صرخ قلبه
أنت مين
فاكر اسمك
فاكر سنك أو عنوانك
فاكر أم بتحضن حلمك
فاكر أوهامك أحزانك
طب فاكر أيه
تعرف ترسم
ارسم لوحه بتنزف دم
افتح صندوق الروبابكيا
وطلع لعبه
جنيه مخيفه بفستان أحمر
واشنقها على باب الأوضه
ارسم سكه
وامسح من ع السكه ملامحك
ارسم ثوره
طب فاكر إيه
ليك ف التمثيل
مثل مشهد من غير نور
من غير حركة
من غير صوت
ومتقلقش
فجأة هيكسر صمت المشهد
صوت الموت
فاكر غزة
طب فاكر إيه
ووصلت لفين
لسه نيرون بيخرب روما
لسه نيرون قاعد عل التل
لسه الدم بيروى ف أرضك
لسه سلاسل جره الحلم
آه لو ترجع
وتهدها جدران أوهامك
آه لو يمشى الحلم ف ضلك أو قدامك
آه لو ترجع
وتمسح من عمرك سنين
لكن مفيش حاجة تقدر
ترجعك..... سنيتين
( سلام الناس والأرض )
وأنا بشترى علبة كبريت
كان البقال بيدندن مع الليلة الكبيرة
يا أم المطاهر رشى الملح سبع مرات
ضحكت..... وبعت سلام الناس والأرض
لصلاح جاهين
اللى عاش ضحكه ف قلوبنا
اللى مات ..... بين دمعتين
*طالب بالفرقة الثالثة بكلية الآداب جامعة بنى سويف