شاذلي دنقل : فاكره يا مه

يوم ما كنا ايد واحده
اد ايه كنا اقويا
ساعتها قدرنا نصنع حلمنا
رجعنا تاني مجدنا
من ادين محتل غادر
يومها احمد كان يصلي
كان بشاره ف ايده دانه
أما سيد كان بيخطب
كان منير بيجيب غدانا
كنا واحد روحنا واحده
طب قولي لي فاكره لما حميده مات
مين بأيده شاله وعينه تدمع
والصراخ جوااااااااااه سكات
واما صالح كان مسافر
كان سمير وصاه يجيب له
اكله حلوه من بتاعة الأمهات
طب وسيد لما حب يجوز اخته
راح أمير اداله سلفه
قاله اختك تبقي اختي
يومها كان القلب واحد
والجرس ويا الأذان
كله قال الله اكبر
يومها نصر الحق بان
احنا دايما يامه واحد
ف الألم والحزن واحد
حمدي جوا ف قلبه ماجد
ف الاخوه مفيش اسامي
ف الدمار الكل جاني
رغم ان الجاني واحد
هتقولي لي الجاني مين
انتي عارفه الجاني مين
هوا خوفنا لما شفنا
أيدين بتقتل فرحنا
ولا قولنا لأ
لما عشنا بقهرنا
وعشنا نحلم بالأمل
والضحك غاب
بس رغم الظلم يا مه
حمدي لسه ف قلبه ماجد
غصب عن كل الأعادي
مواضيع ذات صلة
1. شاذلي دنقل : النوبة الفردوس المفقود
2. حمدي جمعة: الله الله “يا شاذلي” جاب اليسرى
3. شقيق أمل دنقل يترك “الوطني” وينضم لقائمة “الوفد” في قنا
4. مروة أبو ضيف تكتب: عن ولد