الإنس خاوى الجن خلاه معلم من كتر ما علمه مع روحه يتكلم يا إخوانا مين فهمه ومين علم سألت ياما كتير وتعبت أتكلم ده الجن لو شاف الإنس بيسلم ويستعيذ بالله من شره يتألم . طب نبتدى منين الحكايه ونقول كلام ده الإنس من بدئ كونه رافض سلام سرقه وجرايم والأكاده قتلوا الحمام أنا قصدى طبعا ...حمام السلام طب كل ده والجن برده هو الى بيهمهم ؟؟ . خلينا كده نقرا التاريخ ونشوف عبر ده الإنس من فجرهم طلعوا القمر ما الأرض من شرهم ضجت خلاص وإن كنا لسه عليها ... ربك ستر وإن كان فى ناس جواها خير اهو كله بيلملم . وعايزنى بعد الكلام ده اطاطى واسلم دى الحرب الى جايه اكيد مع إنسى ومعلم مبقاش يا جنى الخوف منك ... لأ عليك الخوف خلاص بقى من بشر سلامها بيعلم