حرام عليك يا شيخ

نحن دوما طيبات القلب مرهفات الحس نتحمل المسئولية، ويعتمد علينا، وبالبلدى برضه (مابيتمرش).
الواحده منا حلوه ( ونغشه ودمها شربات زيى كده لكن ملهاش حظ لا راجل يقَدر ولا جوازه تنصف، وعلى رأى المثل ((جوه وبره فرشتلك، وانت مايل وايه يعدلك)).
يعنى لا كلمة حنينة، ولا هديه تسر القلب، ومع ذلك (( اقرع ونزهى وشحات وعايز رغيف طرى (( وقال يا جاريه اطبخي..ياسيدى كلف)) وافتكرلك ايه يا بصله كل خرطه بدمعه ) تلاقى الراجل من دول معاه ست زى الفل أميرة جميلة وتنحط ع الجرح يطيب .. ويسيبها ويجرى ورا واحدة زرقاااا ومعصعصة وعرقوب رجليها يذبح رقبه الوزة.
لكن نقول ايه لفراغة العين والطبع المنيل، والأصل البطال هى الدنيا اتقل خيرها وانتزعت بركتها من شويه.
يرحم زمان وليالى زمان.. الدنيا كانت حلوووووه ومااخترعوش أحزان
فى يوم شعرت بالغيظ الشديد من زوجى كان لا يكلمنى مكتفيا بتصفح الجرائد، ومراقبة شاشة التليفزيون، وسماع المذياع، فقلت له بعصبيه حرام عليك ياشيخ حرام كلمنى... عبرنى الله يرحم أيام ما كنت تتمنى إنك تشوفنى، ولو خمس دقايق، ساعتها تحمس الراجل ورد على يقولى
انا عند كلمتى ونفسى أشوفك كل يوم خمس دقايق بس ....
شوفوا الراجل يالهوووووووووووووووووووووى.