بَغير عليكى

بَغير مِالنسيم لو هل صِيفك
بَغير مالغيوم لو ده خريفك
بَغير مالمطر لو جِه شتاكى
بَغير مالورود لو عاد ربيعك
بَغير من اي حاجة شايفاكي
أى حاجة عارفاكي لمساكي
أغير مالشمس لو تدفيكي
وأغير مِالنغم لو يسليكي
وأغير مِالدمع علي خدك
وأغير من ابنك لو يناديكي
بَغير لو حد قال فيوم إسمك
واغير من أُختك لو تواسيكى
بَغير عليكى حتى من نفسك
من اسمك عشان مِحَليكى
أغير مِالقمر عشان شايفك
وأغير مِالأحمر فى شفايفك
بَغير مِالتوكه فوق شعرك
بَغير من أثر الدبله فإديكى
بَغير من حَلَقِك ومن خاتمِك
بَغير من شنطه فوق كِتفك
بَغير من عُقد فِرقبتِك
بَغير مالكُحل فِعنيكى
بَغير عليكى