باقية يا مصر

باقية لآخر الزمن رغم العدا
ومهما ندفع التمن ليكى فدا
دأنتى ياغالية أرضنا وعرضنا
وأنتى يا مصر أغلى حاجة ف قلبنا
****
دمى عشانك لو يسيل ميهمنيش
وأدفع حياتى أنا وولادى وما تطاتيش
وأن يوم يهزك أى ريح لأ متخافيش
أسمك هيفضل يا بلادى ف السما
باقية لآخر الزمن رغم العدا
ومهما ندفع التمن ليكى فدا
****
يأم الحضارة والهرم يأم الجنود
مليون شهيد واقفين عشانك ع الحدود
وبقيت ولادك كلهم زى الأسود
ياكلوا عدوك لو يفكر وأعتدى
باقية لآخر الزمن رغم العدا
ومهما ندفع التمن ليكى فدا
شمسك هتفضل للنهايه نار ونور
تحرق عدوك مهما كان باغى وجسور
ويدفى نورها وينزرع جوه الصدور
برد وسلام على كل عاصى أهتدى
باقية لآخر الزمن رغم العدا
ومهما ندفع التمن ليكى فدا
****
قومى يا مصر وكملى دورك عظيم
دانتى منارة البشر والمظلومين
وأنت اللى ذكرك ربنا ف كتاب كريم
فجرك ظهر خلاص ونوٌر وأبتدى
وباقية لآخر الزمن رغم العدا