هو فى ملايكة بيكدبوا؟

اتعلمت الكدب فين
معقولة فيه كدة
ولا ألف كداب يكدب كدة
معقولة فيه كدة
ولا أستاذ جراح يجرح كدة
اتعلمت الكدب فين يامعلمة
والله ما كنت أعرف إن فيه كدة
أشكرك على كل الكدب دا
بس ياخسرتك الجرح فى القلب علم
ولا عمرى تانى هاسلم
قلبى بالشكل دا
برغم صوتك الدافى
وقلبك الصافى وعيونك الطيبة
كنت بفرح لما أسمع صوتك
كنت من جوايا بغنى
دلوقتى أقدر أقولك ابعدى عنى
وصلنا لطريق مسدود
كدبك ملوش حدود
وأنا من طيبتى بصدق
أى كلام يتقال
كنت كاتبك أغنية كنت رسمك موال
سلام يا أحلى كدبة صدقتها سلام
سلام يا أحلى فرحة عشتها
سلام يا أحلى من كل الكلام سلام
لو كل العالم يكدب إنتى متكدبيش
لو كل العالم يجرح إنتى متجرحيش
كنت بقول إن انتى غيرهم كلهم
أتاريك زيهم وأكتر منهم
اتعلمت الكدب فين؟ ؟