عينى يا ولدى

عينى على اللى كان إنسان
عايش متهنى وحاسس بالأمان
دلوقتى تايه مش لاقى مكان
مش عارف بكره مخبى له ايه الزمان
عبنى عليك يا ولدى مطرود من دارك
مش عارف تعمل ايه اتبدل مشوارك
عمك وخالك قالولك تعال خد تارك
رفضت تغضب ربك وقبلت أقدارك
مالك كدا حزين تايه هتروح لفين
قلبك مليان حنين لاهلك وصحابك
انسى اللى كان وعيش خليك يا ولدى بعيد
سيب الدم والهم لصاحب النصيب
دور على أهل تانى دور على أهل بجد
الأهل مش بالأمانى دول حب من غير حد
وبكره يعدلها المولى وتقابل فى يوم حبيب
اللى بحياتك اولى ويتوحشك لما تغيب
وسيبك بقى من زمان
ومن الجرح اللى كان
وعيش كون انسان
صدقنى بإذن الله هتلاقى الفرح قريب
عينى عليك يا ولدى مطرود من دارك
مش عارف تعمل ايه اتبدل مشوارك