رغم فشل مخططاتهم لشل الطرقات وإحباط مخطط احتلال "المترو".. "الإخوان" يواصلون دعواتهم الشيطانية ل"عكننة" الشعب واستفزازه.. يدشنون حملة "إاقفل موبايلك" و"رن وما تردش".. و"الفيس بوك" يكتظ بسخرية النشطاء

رغم الفشل الذريع الذى باءت به دعوات تنظيم الإخوان المسلمين لإصابة الطرقات والشوارع الرئيسية فى القاهرة بالشلل التام، وإحباط مخططاتهم لاحتلال محطات المترو الرئيسية.
دشن عدد من أنصار جماعة الإخوان المسلمين حملة "إاقفل موبايلك" اليوم الأربعاء، فى محاولة منهم لإلحاق الخسائر بأصحاب شركات المحمول، للمطالبة بالإفراج عن المعتقلين، ودعا الإخوان أعضاءهم لإغلاق الموبايلات غدا الخميس، كنوع من العصيان المدنى.
بينما دشن أعضاء آخرون، حملة تحت عنوان "رن وما تردش"، فى محاولة منهم لإنهاك قطاع الاتصالات متمثلا فى شركات المحمول الثلاثة، معلنين تنفيذ الحملة بدءا من يوم السبت القادم.
كانت دعوات "الإخوان المسلمين" المتتالية للاعتصام والإضراب والتكدس بالمناطق الحيوية كالدعوة للاعتصام داخل محطات الوقود والامتناع عن دفع فواتير الكهرباء والدعوات الشيطانية لتعطيل حياة المواطنين، بتعطيل سياراتهم على الكوبرى، وحملة "اكتب على أنبوبة الغاز قبل ما تغيرها يا تلزق عليها علامة رابعة" ردود فعل النشطاء على موقع التواصل الاجتماعى "فيس بوك" وأطلق النشطاء موجة ساخرة من التعليقات على حملات الإخوان.
ودشن النشطاء هاشتاج ساخر على "الإخوان" بعنوان "لو حملات الإخوان جنان اتجنن" والذى احتوت تعليقات ساخرة من أبرزها "سيب البلد وهاجر عشان تعاقب الشعب ده وتحرمه من اشتغالك والتريقة على أفكارك الجهنمية يا جهنمى، وولع فى الشارع إللى أنت ساكن فيه عشان الجزيرة تيجى تصورك".
وأضاف النشطاء: "خلصوا كل البامبرز اللى فى البلد عشان الناس ترجع للكوافيل تانى وتلعن الانقلاب، هد البيت على دماغك أنت وأهلك واعمل تكدس طوب كبير أوى ف البلد للانقلابيين، ماتاكلش واعمل كساد فى سوق الأطعمة وخلى التجار يخسروا".
وتابعت التعليقات، "شغل كل الأجهزة الكهربائية إللى عندك ومش مهم النور يقطع أو الشبكة تقع من الضغط عليها، عادى بس مرسى هيرحع!، سيب عربيتك مفتوحة والمفتاح فيها وروح القسم واعمل محضر سرقة، أمتنع عن شراء العيش عشان القمح يبوظ فى الصوامع".
وعلق أحد النشطاء قائلا: "حط صوابعك العشرة فى كبس الكهرباء لحد ما الكهرباء كلها تتسحب فى جسمك والنور يقطع على الانقلابيين وميلقوش كهرباء، لم كل المبيدات الحشرية إللى فى البيت ورشهم على عيالك وهما نايمين فيتخنقوا فتتهم السيسى أنه موتهم بغازات سامة".
وأضاف آخر: "ماتروحش تقبض مرتبك عشان تعمل للحكومة تكدس للأوراق النقدية وما يلاحقوش على احتياجاتهم من الخزائن وتبقى عرضة للسرقة، اشغلوا كل القهاوى إللى فى البلد عشان الناس ماتلاقيش مكان تقعد تشيش فيه، وارمى فلوسك ف الشارع عشان تقلل قيمة عملة الانقلابيين الوحشين ابقى ارميهم ف بيت جارك الانقلابى".
وأشار النشطاء إلى أن الإخوان فى كل حملاتهم يركزون على معاقبة الشعب مع إن معركتهم مع النظام وليس الشعب، قائلين: "اعمل مراكب ورق كتير وسد بيها قناة السويس، بلغ عن نفسك بجريمة ما عملتهاش واعترف واتسجن ظلم عشان توديهم النار، ولما غانا تيجى تلعب فى مصر روح شجعها عشان مصر متصعدش كأس العالم ويبقى إنجاز لحكومة الانقلاب".
كما اقترح النشطاء على "الإخوان" حملة ساخرة بعنوان (زحلقهم): "كل موز وارمى القشر فى الشارع وزحلق الانقلابيين واعملهم أزمة فى المستشفيات".
وقال آخر فى إطار الهاشتاج: "غز نفسك بمطواة أو اعمل ف وشك 111 وقول الانقلابيين البلطجية هما إللى عملوها، ادخل بعربيتك فى عمود ودغدغها وخليها ما تنفعش وروح اعمل محضر للسيسى أنه زنق عليك، وفى العيد الكبير قاطع الخرفان منها توقف الاقتصاد ومنها تكسب ثواب فى إخواتك".
وتابع آخرون، "اعتصم قدام باب حمام بيتكم وبكده تضمن أن الجيش الانقلابى مش هيقدر يفض اعتصامكم، اشربوا كل المعسل والسجاير اللى فى البلد فى سبيل الله وساعتها الناس هتبوس إيديكوا ترجعوهم، وخلى مراتك تعمل ضدك قضية خلع وفى يوم الحكم تقول إنها خلاص سامحتك عشان المحاكم تتزحم على الانقلابيين".