نشطاء "تويتر" يطلقون حملة "ارمى زبالتك عند الاتحادية.. حامد: "تفتكروا هياخد باله ولا هيفتكرها زبالة مندسة".. ياسر أحمد: "ليه ترمى زبالتك فى الشارع لما ممكن ترميها عند الاتحادية"

"ارمى زبالتك عند الاتحادية".. حملة لنشطاء "تويتر" تهدف لحل مشكلة القمامة فى القاهرة.
الحملة لاقت تجاوبًا كبيرًا جدًّا من النشطاء، وسجلوا العديد من التعليقات الساخرة، "فيتو" ترصد أبرزها خلال السطور القليلة القادمة.
قال "السيد مانكى": "أول حملة تقدم حل عملى لمشكلة الزبالة فى القاهرة.. جبها وارميها هناك، والحكومة حتشيلها".
فى حين قدمت "أمل عمرو" شرحًا لكيفية تطبيق أهداف حملة "ارمى زبالتك عند الاتحادية" وقالت: "لم زبالتك كلها فى كيس كبير أو كيسين، مش هتفرق، يا ريت تكون رايح فى عربية أو تاكسى"، لو الحملة دى نجحت هنعمل معاها فى نفس الوقت حملة تفاعل.. انشر.. شارك.. انزل .. ارمى".
بينما ناشد "هشام شيكو" النشطاء قائلًا: "اللى يقولك عيب ترمى الزبالة عند الاتحادية رد وقوله: ومش عيب هو يقتلنا ويسحلنا؟".
واقترح "ياسر أحمد" شعارًا جديدًا للحملة يحمل عنوان "ليه ترمى زبالتك فى الشارع لما ممكن ترميها عند الاتحادية؟".
فى حين نصح "فادى صادق" المواطنين قائلًا: "ارمى زبالتك عند الاتحادية.. المكان الوحيد اللى بينضف فى مصر، العربية دى كانت مرمية هناك أول امبارح واتشالت نفس اليوم".
أما "ياسر أحمد" فقال: "أى واحد عنده زبالة مش عارف يوديها فين بلا تردد روح شارع المرغنى وارمى زبالتك عند الاتحادية".
وأشار "محمد سعودى" إلى أن الإخوان أول من بدأ حملة "ارمى زبالتك عند الاتحادية"، ورموا زبالتهم جواه والبادى أظلم".
وقالت صفحة "سياسة بالبلدى كدة": "مفيش أسهل من كدة، ولا أكثر سلمية من ذلك.. وبعدين 3 *1، 1: رسالة لمرسى، 2: حل مشكلة الزبالة، 3: اعتراض سلمى".
وقال "حامد": "تفتكروا هياخد باله.. وهيحس إن فى مشكلة، ولا هيفتكرها زبالة مندسة".
ومن جهته قال "هيثم سيد": "يمكن لما يروحوا بتوع النظافة ياخدوا الزبالة اللى برة واللى جوة كمان".
وقال "عمرو خالد": "ويبقى شعار أى مظاهرات بعد كدة: عيش .. حرية ... زبالتنا فى الاتحادية، اشمعنا يعنى مكتب الإرشاد رمى زبالته جوه القصر وخلوه رئيس .... هم مش أحسن مننا".