"عيب".. قصيدة لنجلاء سمير

أطلت علينا الشاعرة نجلاء سمير بقصيدة بعنوان "عيب"، قالت فيها..
"طب ازاي أنا هنجح وهفتخر إني مصري
وانتي كل يوم بتكسري ضهري
أرفع قامتي ازاي وسط العالم
واحكلهم عن ناجحي وعن أصلي وفصلي
وافتخر إني ابنك وأحتفل جوا حضنك بنصري
بتقمعي فيا وبتقتليني
كل ماشد حيلي
بإيديكي بتحنيني
لحد ماجبتي رأسي الأرض
دلوقت عايزه ترفعيني
ده انا اتقتل فيا الامل
وخلاص زاي النعامه
مسكتي رأسي ودفنتني
انتي وحشه لا مش كفايه
انتي قاسية برضه مش كفايه
انتي ناسيه ايوه ايوه ناسيه
اني انابس مستقبلك
اني انا اللي راح اقبلك
بحلوك بمرك بقرفك هقبلك
لاني مليش غيرك هقبلك
لاني لو طلعت براكي
هندفن ايوه هندفن
زاي ما انتي كده بتعملي
انا شاب ايوه شاب
مش مصدق اني شاب
طب قولي ليه هو اناشبت
والله شبت ؟؟؟؟
طب ذنبي ااايه
انا كنت زهره بتحلم بالربيع
موهوب بلون في ليلي البديع
ببدع وبرسم الضحكة على الوش الفظيع
بيقولو عليا انا الامل الوديع
اللي اتودع جوا بطن امي
قبل ماانزل على الدنيا وابقي رضيع
ويتحول مستقبلي لوادي كله خريف
وانا ماسك حلامات امي بضيع
يابني ماتقولش كده انت الوطن انت الامل
ضحكت ضحكة صفرة وقولتلها
تفتكري الزهرة بعدما تنشف وتعجز
بترجع تاني ترعرع في الربيع
لا يامي ده كلام ربوكم انتم عليه
إنما انا جيت عارف كل الالعيب
اسكت ياواد متنضقش عيب
لا ياما اللي انت بتقوليه
ده اللي اسمه عيب
تبقي شايفه اخويا بيموت وتقولي عيب
تعيشني في رعب السمع والطاعة وتقولي عيب
انكسر ويموت حلمي وتقولي عيب
انهدم ويندفن املي وتقولي عيب
ياشيخه بقي انتي اللي عيب
يامصر عيب يامصر عيب
انا لحمك ودمك عيب
انا نيلك وهرمك عيب
ماتهدمنيش ياامي وتقولي عيب