مصر المدفونة

في مقابر الامام الشافعي لفتت انتباهي سيدة تجلس وتشرب شيئا ذا لون مميز ذهبت اليها وسألتها عن اسمها؟ فقالت‮: الحاجة فتحية شعبان حجاج،‮ سألتها عن سنها؟ ردت‮: 50‮ عاماً،‮ وعن اولادها قالت‮:
‬عندي اربع عيال بنتين وولدين،‮ ثم توقفت عن الكلام وقالت‮: اوعي تكوني من التليفزيون او الصحافة،‮ فقلت لها‮: و ما المانع؟ فأجابت‮: انا مش بحب بتوع التليفزون ولا الاعلام،‮ حاولت الخروج من المأزق بادعاء أني باحثة جاءت لمعرفة من يستحقون مساكن بديلة،‮ فقالت‮: واسيب القصر؟ فقالت‮: ايوه طبعاً‮ لا جار يضايقك ولا يتكلم عليكي ولا يقولك وطي التليفزيون شوية،‮ انا كده مستريحة قوي.
قلت لها‮: إيه اللي بتشربيه ده؟ فقالت دي‮ "‬سلامكا‮" أعشاب بنزرعها هنا في المقابر علشان علاج الامراض،‮ لمشاهدة‮ "‬القصر‮" من الداخل دخلت معي ابنتها سماح‮ (‬30‮ عاما‮) سألتها عن ملاك هذا الحوش؟ فأجابت‮: إحنا مانعرفش حد من الملاك احنا الملاك‮.. أصل احنا اتولدنا هنا،‮ وأجدادي كانوا عايشين هنا،‮ بس بيقولوا ان الحوش ده كان بيتاع باشا كبير قوي،‮ ومش عارفين مين هو‮.‬
ذهبنا الي حوش آخر فخرجت لنا السيدة اعتماد عبد الحميد‮ (‬65‮ عاما‮) قالت‮: انا هنا من أيام اجدادي،‮ اتولدت هنا وكبرت في المقابر،‮ وبصراحة العيشة هنا احسن من عيشة القصور،‮ مبارك أهو كان عايش في قصر،‮ ودلوقتي مرمي بين اربع حيطان‮.. راحة البال أهم من أي حاجة‮.‬
سألتها عن ملاك الحوش؟ فأجابت‮: هما مين ملاك الحوش؟ احنا الملاك،‮ احنا عايشين هنا من زمان،‮ لا شوفنا ملاك ولا أي حد فكر ييجي هنا‮.‬
وفي حوش آخر كانت تجلس عائلة صغيرة امام التليفزيون،‮ جلسنا معهم‮ وسألناهم عن ملاك الحوش؟ ميرفت سعيد مافيش حد بيملك الحوش ده احنا اتولدنا هنا انا واخواتي،‮ ولما اتجوزت سكنت في شقة قانون جديد،‮ لكن ماقدرتش علي الايجار،‮ فجبت عيالي وجوزي وجينا هنا تاني،‮ لا مالك يذلنا ولا يطالبنا بحاجة،‮ واجابت شقيقتها انتصار الأم لعشرة ابناء‮: احنا عايشين في مكان محترم.
‬المدافن هنا سكانها نالس محترمين ومتربيين،‮ كفاية ان الاطفال بيتربوا وسط ميتين،‮ لا بيتكلموا ولا بينطقوا،‮ ولا بنخاف علي عيالنا من حاجة،‮ بالعربي كده دي دولة ملهاش ريس فاسد زي مبارك،‮ رئيسنا هو ربنا العادل،‮ بنخاف منه وبنحبه ومش عاوزين‮ غير كده‮.‬
عبدالله محمد رزق‮ (‬24‮ عاما‮) يقول‮: انا اتولدت هنا وامي وابويا اتولدوا هنا،‮ وخلاص اخدنا علي العيشة هنا ومضي يقول‮: فيه احواش ماحدش يعرف عن ملاكها حاجة،‮ وفي احواش ملاكها بييجوا يزوروها في الاعياد،‮ ويدونا اللي فيه النصيب واحنا هنا بصراحة عايشين مرتاحين،‮ لا فيه ظلم ولا فساد‮.‬
اهالي المقابر لايتزوجون الا من نفس المنطقة،‮ ولهم عاداتهم وتقاليدهم ايضا،‮ فلابد من أن تسكن العروس في حوش ليس له ملاك،‮ ربما كشرط يماثل لمبدأ الشقة التمليك ولابد من قيام أهل العريس بعمل دي جي لمدة ثلاثة ايام متواصلة‮.‬
فهم يمارسون حياتهم هنا بشكل طبيعي ولا يشعرون بالخوف ولا القلق‮.‬
في الإمام الشافعي‮.. دش وسيراميك وناس بتقول‮: "‬إحنا مرتاحين كده‮"‬
غرف نوم قيمة وأجهزة كهربائية باهظة الثمن،‮ في مقابر الإمام الشافعي،‮ وهي أقدم المقابر التي عرف المصريون طريقا إلي العيش بها‮. ومن هؤلاء سيدة وشقيقتها وأبناؤهما يجلسون لمشاهدة الدش،‮ وهم يضحكون بصوت عال،‮ سألنا السيدة عن سبب اقامتها في المقابر رغم مظاهر الحياة العادية عندها؟ فقالت‮: إتولدنا هنا،‮ ومش هانخرج من هنا،‮ وإحنا مرتاحين قوي كده‮.‬
تركناها وذهبنا إلي عائلة أخري،‮ واستقبلتنا سيدة تدعي عائشة محمد،‮ تعيش هي وأبناؤها وزوجها بمقبرة من‮ غرفتين في‮ غرفة نوم قيمة جداً،‮ سألناها عن سبب عيشتها في المقابر،‮ فقالت‮: مش بالفلوس،‮ لو معانا فلوس الدنيا كلها،‮ مش هانسيب المقابر،‮ لأنها أصلنا،‮ ومن نسي أصله نسي نفسه‮.‬
فتحية حفظي تعيش مع والديها وزوجها وأبنائها،‮ لديها بوتاجاز‮ 5‮ شعلة ماركة عالمية،‮ وثلاجة‮ 14 قدم،‮ والحوش الذي تعيش فيه مبلط بالسيراميك،‮ وهي تقول إن تكاليف تجهيزه كانت توفر لهم شقة في مكان راق،‮ لكنها تؤكد ما قدرش أعيش في مكان‮ غير هنا،‮ خلاص إحنا أخدنا علي هنا‮.‬
في حوش آخر تعيش إبتسام السيد علي‮ (‬خمسين عاما‮)‬،‮ كانت ترتدي مصوغات ذهبية كثيرة قالت‮: إحنا هنا مرتاحين،‮ لا مالك يطالبنا بإيجار،‮ ولا جار يضايقني،‮ وبصراحة كده إحنا مانعرفش نعيش بعيداً‮ عن الحوش بتاعنا،‮ بينما تقول جميلة السعيد‮: أنا اتولدت هنا،‮ ولقيت أهلي كلهم هنا،‮ يعني ماينفعش أعيش بعيداً‮ عن أهلي،‮ وجوزي من هنا،‮ وكلنا عارفين بعض،‮ ولا في بلطجة ولا كلام فارغ‮ زي اللي موجود في الأحياء الراقية،‮ وهنا ناس معاهم فلوس كتيرة قوي،‮ ومش بيفكروا يسيبوا هنا خالص‮.‬
عندما يصبح عنوانك في بطاقة الرقم القومي‮ "‬قرافة‮"‬
‬وداد‮: الدكتور رفض إجراء عملية جراحية لي عندما قرأ البطاقة وقال‮: "‬ازاي أعمل عملية لواحدة ميتة‮"!‬
محمود‮: لما حد بيشوف بطاقتي ويقرأ العنوان يسخر مني ويقول لي‮: "‬اتفضل يا مرحوم‮"‬
صباح إمام عاشور إمام‮.. العنوان قرافة عبد القادر‮.‬
سماح سيد محمد‮.. العنوان‮: قرافة عزت عرابي‮.‬
سناء السيد ابراهيم‮.. العنوان‮: مقابر الامام الشافعي
زينب حسن‮.. العنوان‮: قرافة حفيظ باشا
هؤلاء السيدات ولدن في المقابر ولم يعرفن وطنا‮ غيرها‮.. بل ان الحكومة نفسها قامت باستخراج شهادات ميلاد وبطاقات رقم قومي لهؤلاء مسجل فيها عنوان قرافات ومدافن،‮ في تأكيد منها علي أن هذه الحياة علي حافة الموت هي قدرهم الابدي‮.‬
الحاج محمود محمد‮ "‬65‮ عاما‮" يقول‮: لما بروح أي مكان،‮ والناس تقرأ البطاقة،‮ بيضحكوا علينا ويسخرون منا،‮ ويفضلوا يقولولي‮ "‬اتفضل يا مرحوم‮" ولد استطيع أن أتفوه بكلمة واتركهم وامشي،‮ وتقول وداد السيد عابد‮: أنا رحت المستشفي أعمل عملية،‮ ولما الدكتور شاف البطاقة فضل يضحك ويقول لي‮: انتي ميتة وجاية تعملي عملية،‮ دا انتي بتفولي علي نفسك‮"‬،‮ فقلت له‮: قدري يا دكتور،‮ فقال‮: قدرك انتي بس مش قدري أنا أعمل عملية لواحدة ميتة ازاي،‮ وتركني ومشي‮.‬
وتقول فاطمة محمود عباس‮: انا طالبة في الجامعة ولما رحت اقدم في التنسيق،‮ كان واقف مجموعة من الطلبة بجواري لملء الاستمارات وكانوا لطاف جداً‮ معايا،‮ ولما قرأوا عنواني اخذوا يضحكوا عليا،‮ ثم تركوني وذهبوا بينما يقول حسام مجدي عباس‮ "‬19‮ عاما‮" كنت فرحان لما طلعت البطاقة بس كل ما حد يشوف بطاقتي يستهزأ بي،‮ فقررت أمشي من‮ غير بطاقة‮.‬
الحاج محروس‮: المقابر خرّجت دكاترة ومهندسين ونوابا كمان
سعيد‮: أنا لحام وافتخر بحياتي داخل المقابر وابني ليس لديه عقدة منذ ذلك
عندما تعيش قريبا من الموت تدرك اكثر قيمة الحياة‮.. لذا يهتم كثير من سكان المقابر‮ - علي‮ غير ما نظن‮ - بتعليم ابنائهم ومستقبلهم،‮ والحاقهم بالمدارس والجامعات حيث تخرج الكثير من هؤلاء اطباء ومهندسين وعلماء أيضا‮.‬
نعيمة حسن تقول‮: بنتي سوزان دكتورة في الجامعة وبنتي الثانية مدرسة،‮ وابني طالب في الثانوية العامة،‮ واتولدوا هنا واتربوا هنا،‮ ومن وقت للتاني بيجوا يزورونا،‮ لأنهم اتجوزوا واحدة اتجوزت في مدينة نصر والتانية في جسر السويس‮.‬
وتقول سمية صابر‮: أنا حاصلة علي معهد كمبيوتر،‮ وجوزي مش متعلم وعايشة هنا لأساعد زوجي في دفن الموتي،‮ حيث يعمل‮ "‬تربي‮" تركناها وذهبنا الي الحاج محروس النجدي لنسأله عن خريجي المقابر؟ فأجاب‮: مش اطباء ومهندسين فقط،‮ دا كمان اعضاء مجلس شعب وضباط ايضاً،‮ ويقومون من وقت الي آخر بزيارة الاحواش هنا،‮ كما يقومون بنحر الاضحية هنا،‮ ويتبرعون ويعطون الفقراء،‮ ولا ينكرون ابداً‮ أنهم خرجوا من هذه الأحواش ومن المقابر،‮ بل يفتخرون‮.‬
في حين يقول سعيد محمد‮: أنا محامي وساكن هنا ومكتبي هنا أيضاً‮ وافتخر بكوني ولدت وعشت في المقابر،‮ وعندما يمتنع ابني عن المذاكرة أذكره واقول‮: انا كنت اذاكر علي لمبة الجاز،‮ ووصلت لهدفي وحققت حلمي،‮ واصبحت محام،‮ ومخطئ من يقول‮: إن الاطفال الذين يخرجون من جو المقابر،‮ تصبح لديهم عقد كثيرة،‮ بالعكس اولادنا يفتخرون بهذا الشرف ولا ينكرون فضل المقابر عليهم،‮ لأنهم لولا المقابر لما ظلوا احياء في هذا البلد‮.‬
سكان حوش الباشا‮: نرفض استقبال مبارك ميتاً‮ لأنه لم يشعر بنا حيا
‮ مديحة‮: عندما طالبنا الحكومة بشقق قالوا لنا‮ "‬مش عاجبكم المقابر طب هنسحبها منكم‮"‬
‮ أحمد‮: قمنا بتشكيل لجان شعبية لحماية المقابر من البلطجية الهاربين وربنا بيسترها معانا
قامت الثورة في كل مكان في مصر،‮ في الأحياء الشعبية والراقية وفي المقابر أيضا،‮ حيث نظم سكان المقابر ثورة ضد النظام،‮ وقرروا،‮ إذا مات مبارك،‮ فانهم لا يوافقون علي دفنه في أي مقبرة من مقابر حوش الباشا،‮ بمنشأة ناصر،‮ حيث أنهم عاصروا الفساد،‮ وعاشوا الظلم في عهده‮ ,‬وحرمهم هذا النظام من حق العيش كمواطنين علي قيد الحياة حيث تقدموا بأوراق لطلب شقق‮ ،ولكن الحكومة،‮ لم تستمع لهم،‮ وعاملتهم كمواطنين في حكم العدم‮.‬
تقول مديحة ممدوح سعد‮ (‬35‮ عاما‮): إحنا عملنا ثورة هنا،‮ علشان نقضي علي النظام الفاسد،‮ ونمشي مبارك والحاشية الفاسدة بتاعته،‮ لأن اللي شوفناه في عهده كان صعبا فإحساس صعب لما تعيشي وتموتي في نفس المكان،‮ تبقي عايشة في قبر عارفة إنك هاتندفني فيه،‮ ونروح نقدم علي شقق،‮ يقولولنا‮ "‬تعالوا السنة الجاية‮"‬ وبعدها نلاقيهم باعوا الأراضي الفاضية،‮ اللي كنا حطين آمالنا علي إنهم يبنوا عليها مساكن لينا،‮ ونروح نسأل‮ تاني يقولولنا‮ "‬إنتوا مش عاجبكم المقابر اللي عايشين فيها‮.. طب والله نسحبها منكم لو طالبتوا بشقق مرة تانية‮"‬ فنخاف ونمشي،‮ ليرمونا في الشارع إحنا وعيالنا‮.‬
ويقول سيد سيد حفني‮ (‬36عاماً‮):‬ بصراحة شباب التحرير جددوا فينا الأمل،‮ وإدونا الشجاعة إننا نتكلم ونقول لأ،‮ وعلي فكرة أنا وشوية شباب من المنطقة روحنا عند قصر العروبة،‮ وكنا عاوزين ندخل،‮ بس الجيش منعنا علشان مبارك ماحسش بينا وهو عايش ويمكن يحس بينا وهو ميت‮.‬
أحمد محمد‮ (‬29عاماً‮) يلتقط طرف الحديث‮:‬ إحنا كنا بنحرس أمهاتنا وأخواتنا و قبورنا أثناء الثورة،‮ وضبطنا بلطجية كثيرين كانوا يحاولون الإختباء في المقابر،‮ ولكننا بفضل الله استطعنا السيطرة علي الموقف،‮ بينما تقول سناء السيد إبراهيم‮: وضعنا زجاجا علي السور بتاع المقابر،‮ علشان الحرامية والبلطجية لما بيعملوا أي كارثة،‮ بييجوا يستخبوا هنا،‮ بس ربنا بيسترها معانا،‮ والرجالة بيمسكوهم،‮ ودلوقتي مفيش حد يجرؤ ييجي المقابر‮ .‬