مفيد فوزى : انا مش متعود اقول ايه اهلا وسهلا لحد ومتعود ادخل فى الموضوع على طول محسنة توفيق : لأ لأ لأ مفيد فوزى : ليه انتى من مجاذيب السينما المصرية فى عرف يوسف شاهين والا انتى حالة خاصة؟ محسنة توفيق : انا من المجانين الحقيقة مفيد فوزى : مجانين؟ محسنة توفيق : مجانين السينما المصرية لأ مجانين بمعنى ايه؟ الناس اللى هما هو حقيقة لما قالها قالى انت واحدة من مجانين السينما القليلين فى العالم انا معرفش وصلتك ازاى دى لان انا مقلتهاش هو قالها لى فعلا لانى كنت باقول له انا ملخومة قالى انت مش عارفة انتى بتعملى ايه للكاميرا قلت لأ قال لى انت واحدة من مجانين السينما القليليين فى العالم مفيد فوزى : طب ايه رايك تعملى مجاذيب؟ محسنة توفيق : هقول لحضرتك جنون الفن يبقى ازاى مفيد فوزى : هو دروشة؟ محسنة توفيق : لأ هو ابداع هو ابداع خاص جدا يعنى انت ادام كاميرة السينما تبقى فى دنيا ثانية خالص 00 انا كده بس انا فى الفترة الاخيرة فى حاجة ظريفة جدا بتحصل معايا مفيد فوزى : ايه هى محسنة توفيق : اقول لك .. ان انا باستعيد اللى عشته واشوفه تانى يعنى كأنى لما حد يقول مثلا من الاطفال انا جوايا طفلة ومراهقة واول الشباب وفى نص الشباب والمراة والمراة الناضجة واروح واجى عليهم بمعنى ايه ان انا اعيشهم تانى لان انا المدخل بتاعى دائما الاحساس لان الاحساس هو الاساس يعنى انت بتحس بالالم فا بيبقى ده اللى بيخليك تدور ليه مفيد فوزى : سيدتى الشعلة المتوهجة غابت ليه عن الفن فهمينى وايه اسبابها محسنة توفيق : يعنى الحقيقة الرد مش عندى انا مفيد فوزى : لآ عند مين امال امال تعتقدى انت مش مسئولة عن ده او مسئوليتك لاية محسنة توفيق : اقول لحد مفيد فوزى :هل انت اختفيتى بارادتك والا هو سوء عرض وطلب ؟ محسنة توفيق : لأ لأ لأ هقول لحضرتك انا الخطأ اللى حصل من عندى انا ان انا الحاجه اللى بتحبها قوى فا بتخاف منها فا انا كنت باحب السينما قوى يعنى انا عشقت السينما وانا طفلة وزوغت من المدرسة ورحت السينما يعنى انا عشت فى حالة فنية وانا فى صالة السينما فى كرسى المتفرج عشت الحاله بتاعت السينما يعنى وانا طفلة اصغر بنت زوغت من المدرسة علشان تروح السينما انا بحثا عن الحاله دى يعنى هى بدات مثلا حالة مختلفة مع الراديو يعنى مع الاغانى انا غنيت قبل ما اتكلم بمعنى قبل ما احسن نطق الكلام مفيد فوزى : وضحى لى ازاى محسنة توفيق : يعنى بيحكوا لى باقول كلام الغنى ازاى مفيد فوزى : احكى لى ازاى محسنة توفيق : يعنى قبل ما اقول نطق الكلام واضح انه قبل ما اعرف انطق كويس يعنى قبل ما اجيد نطق الكلام كنت باغنى يعنى انا باوعى على نفسى لما باعيط بالليل لان ماما مش معايا يا اما باغنى يعنى حكاية الغنى فى حياتى كانت ودانى طول الوقت ملاينة باغانى الراديو بالبرامج الغنائية مفيد فوزى : كنت بتتمنى تبقى مغنية محسنة توفيق : انا عشت لحاجة ملهاش علاقة ان انا اعلمها انا اعملها مع نفسى يعنى انا دخلت الكنسرفتوار وبعدين جبت البيانو وبعدين باخذ دروس غنا علشان حياتى انا انا باستمتع بالغنا طبعا انا لما اغنى سوسونار مفيد فوزى : مش متوقعه سؤالى وردك عليه لماذا الغياب الطويل قلت لى محسنة توفيق : الحقيقة انا مسئولة عن حاجة واحدة انى ما بقتش نجمة سينما بمعنى انى ما فهمتش قانون السينما يعنى لما يتعرض عليا دور صغير فى السينما وانا لسة طلعة احس انه ايه قلة القيمة دى وقفت بطولى على المسرح وبعدين انا اتعقدت اول ما طلعت لان انا خد بالك مع اول التليفزيون تقريبا فكانت اضاءة التليفزيون بيجوا من الفنون التطبيقية بيعملوها باحس اول تصوير سينما صعقنى لانى كنت باهرب من السينما لان اللى بتطلع دى مش انا اللى بتطلع فى التليفزيون دى مش انا يعنى لو انا دى مش مشكلة دى مش انا لدرجة مثلا كان عندى واحد وعشرين 22 سنة 3 باخد التليفزيون دول عوانس. لغاية ما بالغلط كدة عملت السينما التليفزيون فيلم اما ما بقتش عارفة مين دى فساعتها وبعدين حادثة شرف اللى عملته سنه 70 اولا وانا امام كاميرة السينما كأنى فى بيتنا يعنى كان ده مكان حميم بالنسبة لى هو طبعا حميم بالنسبة لى انا علاقتى بالسينما من وانا طفلة صغيرة حميمة جدا كاواحدة بتفرج عن السينما وباعيش فى الحكاية دى مفيد فوزى : قولى لى غياب يوسف شاهين أزاكى؟ محسنة توفيق : لأ الحقيقة ما ازانيش لان انا غبت عن سينما يوسف نفسها مفيد فوزى : كمان؟ محسنة توفيق : امال ايه يعنى انا عملت العصفور مفيد فوزى : ليوسف شاهين محسنة توفيق : اه واسكندرية ليه ليوسف شاهين وبونابرت وبعدين غبت مفيد فوزى : ليه؟ محسنة توفيق : رايى انا ان الاحتياج لي مبقاش موجود قوى عند يوسف ،يعنى اية فترة ما يوسف كان فى حاجة بتطلع منة تبقى محتاجة لحد زى محتاجة لحد زى المليجى مثلا يعنى انا اكتشفت المليجى وانا باشوف الارض ليوسف شاهين لان حسيت ان المليجى ده اكثر واحد اتظلم فى السينما المصرية لانه لما طلع فى دور الحج سويلم فى فيلم الارض بكل الموهبة المتفجرة الرائعة الجميلة المبدعة ودى بالمناسبة وراها شخص هو نفسه مدهش يعنى محمود المليجى كان جواه غصة من السينما لان السينما وظفته فى ايه الشرير بتاع الشاشة اللى بيتأمر يعنى حاجة امكانياته هو اكبر منها بكثير مفيد فوزى : ارجع لك واقف عند جملة سينما يوسف شاهين ما بقتش فى احتياج ليا ولذلك قلت لك بعد غياب يوسف شاهين ازاكى؟ محسنة توفيق : لأ يوسف نفسه يعنى لما عمل العصفور ولما عمل اسكندرية ليه هو كان بيدور على حاجة وهو نفسه هو انا لما راجعت نفسى لبهية مع يوسف اقوله دايما انا فى الادوار عايز اعرف مين دى ولما اسال السؤال ده للمخرجين يتغاظوا قوى طب مين دى حعملك انا ايه يعنى وبعدين مره قلت له قال لى انا كده مش انا اللى هقولك بهية انت تعمليها ازاى انا مش بهية يعنى انا محسنة توفيق مش بهية لكن بهية احساسى بيها اولا انها انسانيا اغنى كثير من محسنة وانا عايشتها من خلال حكايتها فاصل مفيد فوزى : يعنى انت ما شفتيش مسارح القطاع العام ولا القطاع الخاص ولا مسارح التليفزيون؟ محسنة توفيق : هقولك فى حاجة المسرح فى حاجة مهمة قوى انا كان لازم فى المسرح اعمل حاجة حقيقية يعنى قيمة حقيقية مفيد فوزى : انت مش حاسة بده فى المسرح؟ محسنة توفيق : لأ انا اتعرض عليا مرة يعنى فايز حلاوة الحقيقة زعلت ان انا معملتهاش بس حصل ان الناس اتخضت ان انا هعمل دور واحدة راقصة مع فايز حلاوة فا انا اتخضيت فا انا رحت انا مفيد فوزى : هل كان عندك الرغبة تعمليها ؟ محسنة توفيق :هو فايز حلاوة كان من الناس اللى بتحبنى قوى وانا الخضة منى هى اللى خضتنى فا قلت لأ بلاش فا انا الحقيقة يعنى ايه مفيد فوزى : اه بس ده كان فى الزمانات القديمة يعنى منذ فايز حلاوة ما اتعرضش عليكى حاجة محسنة توفيق : قطاع خاص لأ مفيد فوزى : قطاع الدولة؟ محسنة توفيق : قطاع الدولة بردوا لانه انا اوى خذ بالك اموت فى الكوميديا وانا عايزه اقول لك فى دور انا عملت فى مسلسل المسلسل تهريج كان اسمه الفلوس انا كنت عملت تمثيلية فى سنة من السنين اسمها دلال انا اكتشفت من دلال يعني اية كوميديا مفيد فوزى : ما بتطلعيش ليه فى برامج التليفزيون المتعدده الكثيرة فى الاذاعة والتليفزيون منك؟ محسنة توفيق : مش منى فى عندنا حاجة مفيد فوزى : يعنى ايه مش منك ؟ محسنة توفيق : اقول لك ازاى انت عارف حكاية الرايج بيفضل رايج يعنى اول ما اشتغلت مفيد فوزى : امال انا ليه دورت على محسنة توفيق ولازم اقول للناس انا انا جيت وراكى وعملت محاولات غير عادية وكلفت ناس يشوفوكى واتحملت رفضك واتحملت مزجاتك محسنة توفيق : لأ مفيد فوزى : واتحملت ملك واتحملت كل المحاولات اللى فيها عايز تطلى وتهربى محسنة توفيق :لأ مفيد فوزى : وعاوزة تيجى لدرجة ان انا لاخر لحظة اقول هل محسنة توفيق صادقة ما باشوفش فى محسنة توفيق غير الصدق محسنة توفيق : لأ ما انا مش كدابة خالص حقيقى لأ مفيد فوزى : سؤال فضولى بتعيشى من فلوس الفن؟ محسنة توفيق : لأ انا الحقيقة ده سؤال كويس مفيد فوزى : واللى فات مكنش كويس؟ محسنة توفيق : لأ قصدى اقول مهم مفيد فوزى : اه محسنة توفيق : ليه اقول لك ليه انا وانا صغيرة كان عندى هواجس لو بقيت حد مترف هيفقد احساسة الانسانى بالناس؟ مفيد فوزى : ولازال الاحساس ده عندك ؟ محسنة توفيق : هو انا مش محتاجه له لان انا باعانيها بس يعتى انت لما تبقى عايش فى ضائقة انا لما جيت انتعزلت سنه 73 ففعلا عشنا فى ضيق يعنى انا مثلا وديت اولادى مدارس حكومة بدرى بقكرة واحده محدده واحده فيهم ان هما يبقوافى الجو اللى انا عشت فيه فى غمرة لان الاحساس بالندية مع حد جنبك فى الدرج يعنى اللى جنبك ند فا لما تبقى بسيمة جنبى فى الدرج تبقى بسيمة مؤثرة فى حياتى جدا لدرجة ان هى الاسم الوحيد اللى فكراه فى زميلى التلامذة يعنى انا دائما يلفت كان نظرى فى الناس منطقة العنين يعنى الاقى نفسى باتشد مش 000 البنى ادم شكلة ايه هو انا بابص على عينية مفيد فوزى : العنين بتشوفى منها العنين قاع قاع الانسان من الداخل؟ محسنة توفيق : غالبا عند الناس الحقيقية العنين بتشع باللى جوا الانسان مفيد فوزى : استاذه محسنة هل انت ممثلة سياسية هل انت محسنة توفيق : انا باكره كلمة سياسية مفيد فوزى : انا باحترم صرحتك وبتكرهى انك تبصى لاى شئ من خلال ايدولوجيات معينة محسنة توفيق : لأ بالعكس الحكاية بالمقلوب مفيد فوزى : بمعنى ايه بالمقلوب؟ محسنة توفيق : اقول لك يعنى احساسى بالظلم احساس انسانى خاص بيا انا خلانى ابقى حساسة تجاة مظاهر الظلم هتوجعنى فا ابقى رافضة فكرة الظلم مفيد فوزى : ده شئ انسانى محسنة توفيق : اه فا ده الاحساس الثانى بقى الاحساس بالوطن ده ملوش دعوة بالسياسة يعنى لما يبقى فى اعتداء على مصر ابقى انا هتجنن مفيد فوزى : لماذا يرى صلاح ابو سيف انه من الممكن تسيس الفن ؟ لماذا يرى دريد لحام ان الفن يمكن ان يسيس محسنة توفيق : انا عايزه اقول لك حاجة مفيد فوزى : حضرتك تردى على اللى باقوله ده محسنة توفيق : انا عايزة اقولك الفن اصلا كلمة كلمة الفن يعنى احساس بالدنيا يعنى الفن فى جملة سمعتهاوانا صغيرة انا باقول ان الجملة دى غلط يعنى يقولك الفن للحياة والفن للفن يعنى ايه الفن للفن الفن نفسه تكثيف للحياة اكتشف اكتشاف لعمق الحياة مفيد فوزى : جميل محسنة توفيق : اكتشاف لحقائق الحياة مفيد فوزى : صلاح ابو سيف رأيه ايه ؟ محسنة توفيق : انا معرفش راى صلاح مفيد فوزى : ما انا باقولك هل يمكن تسيس الفن ؟ محسنة توفيق : انا اصلى مفيد فوزى : ارفضى راى صلاح ابو سيف؟ محسنة توفيق : لأ ما اقدرش ارفضه لان هو اقولك هو ايه مفيد فوزى : ما هو دريد لحام عمل اعمال يا استاذة محسنة؟ محسنة توفيق : لأ دريد لحام عمل سياسة مباشرة يعنى هو بيعلق مباشرة على اللى هو عايزة انما مش ضده مفيد فوزى : على مهلك انا عايز نبقى نتحاور بحلاوة الموجة بمعنى ايه ان انا لما اقول لك هل دريد لحام بالمباشرة محسنة توفيق : جميل جدا مفيد فوزى : شوفى لحظة سؤال تانى هل صلاح ابو سيف لما بيقول تسيس الفن فيه مبالغة منه محسنة توفيق : انا مش فهماه مفيد فوزى : جميل هل فى مرة حاجة حضرتك ظهرتى فيها حضرتك فنيا مش عايزة تقوليها محسنة توفيق : هقول لك كانت المرسى والبحار مفيد فوزى : تقريبا كام سنة ؟ محسنة توفيق : كام سنة 3 / 4 سنين والغريبة ان انا عشت الحالة المسرحية فى المسرح وعشت حالة الفقد فى المسرحيات الاخيرة الحالة المسرحية اكتشفت انها بقت ايه اكتشفت انها عملة ازاى ان انا والناس دى بعد فترة من معايشتى للحياة بتاعت المسرح دى حياه وحكاية بتعيش معايا على خشبة المسرح مفيد فوزى : ايه الاثر النقسى عليكى اذا كان للجغرافيا تاثير على الانسان من حياتك فى السويس وميلادك وشواطئ السويس ؟ محسنة توفيق : طبعا ما انا حكتها بردوا يعنى انا السويس مفيد فوزى : تمثل ا يه بالنسبة لك ؟ محسنة توفيق : هقول لك هى طفولتى عشتها فى السويس يعنى كنت باسفر كل شهر طفولتى كمان فى السويس مرتبطة بان ده مكان باشوف فية امى وانا لما كنت باشوف امى كان بدب فيا الحياه كده مفيد فوزى : وانت يا استاذه محسنة ثمرة خلافات بين الاب والام فى بدء حياتك محسنة توفيق : لأ لأ يعنى هما اخلفوا وانا وعيت مع ابويا لكن الغريبة ان هو الفترة الواحد وهو صغير يقولك انا شفت برنامج البنى ادم بيتكون فى الخمس سنين الاولى مفيد فوزى : سيادتك كان عندك كام سنة سعتها محسنة توفيق :لما افترقوا كان عندى 3 سنين والغريبة بقى ان ده حافر فى ذاكرتى صورة البيت اللى كنا فية قبل ما ينفصلوا ولايمكن تقول مش ده البيت لان ده بيت على سلطان اللى كنا فية فى دور عالى والدنيا كان بيبقى لونها ابيض فى البيت كان الدنيا بيضة فاصل مفيد فوزى : ترك فى نفسك اية الافتراق بين الاب والام؟ محسنة توفيق : الوضع كان شديد على امى انا يعنى امى انا مفيد فوزى : صاحبك هذا الاحساس طول حياتك ؟ محسنة توفيق : طول عمرى ليه بقى لان هو بالضبط كانى حد انتزع من على صدر امة وهى امه العلاقة الوحيدة به فى الحياة يعنى انا علاقتى بالحياة كانت علاقتى بامى مفيد فوزى : يعنى العلاقة بالاب اقل؟ محسنة توفيق :لأ انا علاقتى بيها بس انا كانت علاقتى بالدنيا علاقتى بيها مفيد فوزى : بالام محسنة توفيق : بيها هى ولما اناكبرت شوية واملتها لما انا خلفت عرفت العلاقة دى جت ازاى لان امى حد انسانيتة غير عادية وعلاقتها بالاطفال غير عادية مفيد فوزى :هل عندك ولاد؟ محسنة توفيق : عندى ولد وبنت الولد عنده ولد والبنت عندها بنتين مفيد فوزى : هل حد فى دول يعنى الفن محسنة توفيق : الثلاثة يعنى كان ايه موهبة فنية حفرت اسمة مفيد فوزى : تمثيل والا غنى ؟ محسنة توفيق : لأ بص بقى غنى وتمثيل وعزف واخراج وتاريخ مريم بتعزف وبتألف قصص بتخرج نادية بتمثل وبتغنى هما الاثنين بيغنوا بيعزفوا بيعزفوا بيانو بيعزفوا مفيد فوزى : كل دول؟ محسنة توفيق : اه مفيد فوزى : يعنى فن احفادك؟ محسنة توفيق : كتلة الاثنين يعنى مريم بتكتب قصة قصيرة بتخرج بشكل مفيد فوزى : بمناسبة القصة القصيرة انا لو سألت ما عبقرية احمد رجب لوسالتها هقول ان هو عبقريتة انه بيرسم ابتسامة على شفاة المصريين لو حد قال لى ايه عبقرية مصطفى محمود هقول تاملاتة اناعايز ادخلك فى حاجة هى معرفش وجة نظرك فيها ايه ايه عبقرية سميحة ايوب قدرتها على الاستمرار والبقاء والدأب دؤبة كدة مفيد فوزى : ايه عبقرية سهير البابلى ؟ محسنة توفيق : دمها خفيف جدا مفيد فوزى :يعنى عبقريتها فى خفة دمها ؟ محسنة توفيق : اه لأ لأ لأ هى ممثلة حلوة قوى بس هى اذا كانت فيها خاصية انها مبدعة انت عارف ان اصعب وارقى اشكال الابداع من وجهة نظرى الابداع فى كونيتى مفيد فوزى : goodما عبقرية سهير المرشدى؟ محسنة توفيق : معرفش مفيد فوزى : متعرفيش ما عبقرية شويكار؟ محسنة توفيق : انها ضحكتنى قوى مفيد فوزى : كده محسنة توفيق : اه مفيد فوزى : يعنى كوميدية؟ محسنة توفيق : الكوميديا بتاعت شويكار يعنى طابع شويكار عبقرية شويكار فى الكوميديا مفيد فوزى : ما عبقرية كرم مطاوع؟ محسنة توفيق : مخرج لما اخرج حاجات عظيمة اصل الفن الفنان المبدع ما يقدرش يبدع الا فى قيمة يعنى لازم تكون فى ايده قيمة مفيد فوزى : كرم مطاوع كده ؟ محسنة توفيق : لما تبقى فى ايده قيمة مفيد فوزى : لما تبقى فى ايده قيمة ؟ محسنة توفيق : اه يعنى وبعدين عايزة اقولك من اللى شدونى جدا كرم لان اولا انا ما درستش تمثيل انا كان عندى مشكلة ان انا بافضل مخضوضة مخضوضة قوى ان اللى بيحصل ما ببيقاش عارفة حصل ازاى مفيد فوزى : نفسى اقولك ملحوظة كده فى الكورة محسنة توفيق : ايه مفيد فوزى :تصورى انك انت قلتى كلمة مخضوضة 9 مرات وكانك اسمك مخضوضة توفيق محسنة توفيق : لألألأ لألألأ اقولك اقولك لانك انت اذا ولدت مرة دور انت مش عارف ولدتة ازاى يعنى انا كان لازمنى تجارب مفيد فوزى : يعنى هل كرم مطاوع محسنة توفيق : لما جه يوريه خد بالك الوقت اللى انا جيت اعمل معاه يرما .. كان هو زعل مع سهير وعايزنى اعمل الدور مفيد فوزى : سهير المرشدى؟ محسنة توفيق : لأ سهير البابلى وعايزنى اعمل الدور فا هو مضغوط فى الوقت فاهو بيعمل ازاى بيمثل لى بيمثل ازاى بالضبط انا باعمل كده ساعات لما اعلم حد حاجة يطلع منى اروح ممثلاها له مفيد فوزى :هو كان بيعمل كده ادامك؟ محسنة توفيق : لأ هو لما عمل كده عمل ايه هو عشان كده لو تاخذ بالك من اللى ماقلدوش كرم ولا قلدوا يوسف شاهين ان انا كنت لما قال الجملة ادامى هو نقل لى كل المشاعر اللى جواه هو نقل لى كل الاحاسيس اللى جوا الشخصية طب الاحساسيس دى اتنقلت لى هو ازاى انا نسيت فالاحساس كرامتى البرم قوى والذكى قوى والموسيقى كمان فى يرما كسرلى ده انا معرفش هو قال ايه بس الحاجة اللى قالها فتحت لى ورتنى مش ورتنى حسستنى بنبض الشخصية دى عملة ازاى اللحظة دى عملة ازاى فكرم كان عظيم لما عمل حاجات عظيمة مفيد فوزى : هو ليه عندى احساس ان انت جواكى شخصية مناضلة ثائرة ويمكن انت عندك اعجاب شخصى بجين فونداويمكن لديا احساس انك احيانا ممكن تبقى عندك درجة من الزعامة عندى شعور انك ممكن تمشى فى مظاهرة هل ده كلة صحيح ؟ محسنة توفيق :هقولك مفيد فوزى : هل انطباعى ده صحيح ؟ محسنة توفيق : بصدق هقولك حاجة فى حتة الزعامة انا لا اؤمن بالزعامة مفيد فوزى : لا تؤمنى بالزعامة؟ محسنة توفيق : لكن انا كثير اولا انا باحس بنفسى كثير فى ناس فى السينما الامريكية فى احتلال العراق انا عايزة افتكر لانه فيهم اسامى كثير قوى مفيد فوزى : يعنى انت حبتيهم علشان عملوا لا للعراق؟ محسنة توفيق : لأ انا حبتهم انا باحبهم بس لحظة ما احتجت هوليود على غزو العراق انا حسيت ان الفنانين دول اجمل ناس فى الدنيا الفنانين فاصل مفيد فوزى : اللى بيسمعوا تامر حسنى وهيثم ومش عارف ايه يعرفوكى ؟ محسنة توفيق : هو الغريبة بقى ان اللى يعرفنى الصغيرين بحساسية اكبر وذكاء اكبر من الكبار انا كان عندى كام فكرة مفيد فوزى :انت عرفتى يقصد السؤال؟؟ محسنة توفيق : اه مفيد فوزى : يعنى هل انتى؟ محسنة توفيق : الصغير اللى بيحبنى مفيد فوزى : هل الغياب الطويل ده ماثرش على احساس الناس بيكى ؟ محسنة توفيق : اقول لك لحسن حظى ان انا عندى حاجات بيشوفوها فى السنيما اسكندرية ليه بونابرت ذئاب الليل الزمار ليالى الحلمية قعدت اد ايه تتذاع فا فى اجيال وبعدين انا عايزة اقولك انا الاجيال باتابعها ازاى مفيد فوزى : الاجيال بتبعيها محسنة توفيق : هقولك الصحفيين اللى بيجوا لى يعنى اول صحافيين جولى فى اول عمرى كانوا الاكثر سذاجة والاقل عمقا اللى بيدور عليا خد بالك اللى بيدور عليا يقول انا عايز اعمل مع فلانة بيكون حد له سمات خاصة بة بتكون تناسبنى وانا بناسبة يعنى انا باكون لفتة نظرة كممثلة باكون حببنى مفيد فوزى : هل اثروا فى حياتك الفنية ؟ محسنة توفيق : بس الناس انصفتنى مفيد فوزى : الناس محسنة توفيق : طبعا مفيد فوزى : يعنى ايه الناس يعنى تقولى الناس؟ محسنة توفيق : بس اقول لك حاجة مفيد فوزى : اه محسنة توفيق : الناس اللى جمهور كان فى صالة المسرح فى كل المسرحيات العظيمة اللى انا وقفت عليها مش بس كان منصف ده كان مبدع ده كان مبد ع عظيم مفيد فوزى : النقاد محسنة توفيق : النقاد انا هقول لك حاجة بردوا هتستغرب انا ما باتابعش ما يكتب عنى انا باعرفه باثر رجعى مش عارفة ليه يا انا باكون مهمومة ايه اللى بيحصل فى العالم ان انا هنا فا انا باقى غرقانة انا باعمل ايه فى المسرح مفيد فوزى :عايز اسالك سؤال .. من هم الخمسة الكبار فى السينما ؟ الله ما دام فكرتى كده يبقى شئ جميل جدا محسنة توفيق : ليه مفيد فوزى : من هم الخمسة الكبار فى السينما؟ محسنة توفيق : اقول سعاد حسنى اقول رشدى اباظة اقول فى ناس كثير محمود المليجى اقول اقول مين مفيد فوزى : دول ثلاثة محسنة توفيق : ثلاثة دول ثلاثة فاتن حمامة بس سعاد حسنى قبلها مفيد فوزى : قبلها حاضر فاتن حمامة سعاد حسنى محسنة توفيق : لأ سعاد حسنى فاتن حمامة مفيد فوزى :سعاد حسنى فاتن حمامة؟ محسنة توفيق : اه لان سعاد دى عبقرية يعنى مفيد فوزى : كويس الخامس مين خلاص كفاية 4 ولو افتكرتى قولى لى من هم الخمسة الكبار فى الاخراج؟ محسنة توفيق : يوسف شاهين كرم مطاوع عاطف الطيب حاتم على فى سوريا مفيد فوزى : حاتم على اللى عمل مسلسل الملك فاروق؟ محسنة توفيق : اه بس هو مش اعظم مسلسلات الملك فاروق مفيد فوزى : ok محسنة توفيق : عمل احلام كبيرة عمل مفيد فوزى : مين الخامس فى هذا الزمن ؟ واضح ان مفيش محسنة توفيق : بس هقولك حاجة غريبة شوية الميدان الفنى اللى انا مش عايزة اتفرج علية فا هتوجع فا ما بشوفوش مفيد فوزى : طب من الخمسة الكبار فى المسرح ؟ محسنة توفيق : صلاح سرحان الله يرحمة عبد الله غيث مفيد فوزى : عبد الله غيث اثنين محسنة توفيق : اصل على فكرة مش خمسة كبار هو فى ناس كثير كبيرة الواحد ساعة ما يجى يفتكر اسامى الناس تروح منه مفيد فوزى : خلينى اعمل معاكى مراجعة علانية للذات محسنة توفيق : اه بس على فكرة فى حتة مهمة قوى فى حتة السويس انا لما رحت ساعة 67 مفيد فوزى : فى حتة ايه محسنة توفيق : السويس مفيد فوزى : السويس اه محسنة توفيق : لان ما خلصتش مفيد فوزى : اه قولى بشكل مركز فى سطر واحد ايه السويس بالنسب لك؟ محسنة توفيق : السويس لما رحت بعد النكسة بعد 67 وجيت اطلع على القنال اللى كنا بنتمشى علية فا قالوا لى لأ اليهود الناحية الثانية فا بكيت وحسيت يعنى ايه احتلال مفيد فوزى :هل حصل لك انزعاج شديد لما سافرتى الدنمارك من غير ما اخش فى التفاصيل اكثر ورحتى تشوفى بنتك ورجعتى لقيتى محجوز على شقتك محسنة توفيق : لألألأ دى حاجة لازم احكيها بقى لان دى اولا انا علاقتى بالفن ايه ما ينفعش يكون انا ما باحترمش فنى ليه مفيد فوزى : ده السطر الاول خشى فى الحدوتة محسنة توفيق : السطر الاول الحدوتة ان فى فيلم تليفزيونى بيصوروا يا اما فى استديو يا اما فى مدنية الانتاج الاعلامى يا فى استديو مصر يعنى فى استديو فا رحت احنا كنا فى اخر الشتاء وفوجئت ان احنا بنصور فى الشارع فا انا كنت لبسة جلابية قلت لهم انا لبسة خفيف انتوا ما قلتوش لى ان ده خارجى قالولى ما انتى ما سالتيش قلت لهم انتوا بتقولوا استديونحاس او استديو يعنى انا فى استديو لما هكون خارجى هروح لبسة حاجة صوف من جوا فا انا خيفة امشى انا مش عايزة امشى يعنى انا بيجلى رعب من التشهير ما احبش حد يقول اعاده فا جيت فى الاخر قلت له مفيد فوزى :كويس محسنة توفيق : فا جيت قلت له انا بردت جدا انا حسة انى انا باسخن وهعيا كانت الساعة عدت 12 بالليل قلت له واحنا مش هنخلص وانا حسة انى انا سخنت اناروحت طبعا ما نمتش طول الليل لانى عبال ما روحت البيت فعلا حرارتى بقت 39 مفيد فوزى : ثم محسنة توفيق : ليه بقى هقول لحضرتك حاجة مهمة هقول لك حاجة انا وانا فى الاضاءة باعرق بتتطفى الاضاءة الهوا بيخبط فيا انا روحت سخنة فا انا من كثر ة الانزعاج بتاعى ما نمتش خالص وعلى الصبح كنت بقيت محمومة فكلمت الاستاذه نجوى ابو النجا مديرة القناة الساعة 8 صباحا قلت لها حصل كذا كذا نجوى ابو النجا كانت معايا كورس فى حاملات القرابين 00 وفى جننى كورس مش كورس يعنى كورس لأ الكورس ده الجراه اللى كانت معايا فى المسرحيتين مفيد فوزى : وبعدين خلينى فى الصورة نفسها محسنة توفيق : هى ساعتها كانت مديرة القناة فا كلمتها هى قال لى طب عايزة تستريحى كام يوم قلت لها يعنى قولى يوم مثلا 3 بالكثير بالضبط كان الحوار ده مفيد فوزى : كويس كلموكى قالوا لك ايه؟ محسنة توفيق :ما اتكلموش هى بعد ما قفلت معاها العربية لان العربية ده كان شىئ اتوماتيك انها جت خليتهم يقولوا لأ انا بلغت ادارة القناة ان انا عييت الاسبوع اللى بعده مفيش حس وانا طبعا لماسبتة قلت الله كويس اخف لوحدى فبعد فات اسبوع اثنين ثلاثة فرحت متكلمة كلمت المخرج قلت له هو فى ايه قالى احنا كملنا الفيلم مفيد فوزى : احنا ايه ؟ محسنة توفيق : كملنا الفيلم مفيد فوزى : كملنا الفيلم اه محسنة توفيق : قلت له ازاى قالى عملنا للاخر قلت له ازاى باى حد ازاى انا هنا حسيت من المشكلة ان انا اتاخد منى حقى القعد اقطعة وارمية فى الزبالة لان مفيش توثيق العقد على راى المرحومة امينة الصاوى تقول العربون هو توثيق العقد فا احنا فى الجهاز الحكومى مفيش حاجة بتهضم حقنا خالص حتى لو قرات العقد بتعنا بفطس من الضحك مفيد فوزى : بصى يا استاذة محسنة الناس اللى بتشفنا على هذه الشاشة لا تستطيع ان تعيش التفاصيل المطولة بشده محسنة توفيق : لأ بالضبط هو مفيش تفاصيل هو ضحى بفترة سافرت الدنمارك رجعت لقيت حد جاى يحجز على البيت مفيد فوزى : ماتقولى كده محسنة توفيق : فقلت له يعني ايه قالوا لى فى قضية مفيد فوزى : سيبك بقى يعنى ايه فى قضية خلاص انتى عملتى ايه فى القضية؟ محسنة توفيق : قلت للاستاذ نبيل الهلالى مفيد فوزى : كويس حصل ايه؟ محسنة توفيق : هستانف وانا مسافرة جه حد يحجز تانى مفيد فوزى : الله يعنى انتى موعوده بالحجز على شقتك محسنة توفيق :اه فى نفس القضية مفيد فوزى : فى نفس القضية اه محسنة توفيق : واحمد لدرجة ان انا اتجننت منه قال لى طيب انتى هتروحى مع الاستاذ مفيد قال بس فى حاجة مش عايز اقولها لك مفيد فوزى : ايه هى؟ محسنة توفيق : انهم جم يحجزوا تانى مفيد فوزى : الله يعنى انتى معايا وفى ناس يحجزات على بيتك ؟ محسنة توفيق : لأ لما جم مشيوا اصل الشقة دى مش باسمى يعنى دى باسم احمد خليل جوزى انا المدهش والغير مصدق والغير منطقى والعيب قوى ان محسنة توفيق اللى قدمتة للفن ماشى مش فى شئون قانونية تحقق معاه مش فى حد يقول ايه اللى حصل يعنى انت قبل ما تحولة للشئون القانونية تحقق معايا انت رافع عليا قضية واخذ حكم غيابى فاصل مفيد فوزى : وعندى رغبة وحرية فى ان انا اطرح عليكى بعض القضايا مراجعة علنية للذات اسئلة سريعة هى كلها انا نفسى اعرف متى كان شعورك بالندم محسنة توفيق محسنة توفيق : لما شفت حادثة شرف وحبيت اللى انا شفتها على الشاشة وحسيتك ان انا لو لان انا عينى نقاده جدا مفيد فوزى : اه لو ايه؟ محسنة توفيق : ان الوش ده لو قعد يمثل من اول ما اتعرض علية يمثل فى السينما كانت بقت وضمة كبيرة فى السينما مفيد فوزى : لكنك شعرتى بالندم لانك بعدها ما كملتيش والا محسنة توفيق : لأ هو الفرصة اقولك الرواج التجارى اللى بيجيلك او ما بتطلع وانت موضه بتتعرض عليك فرص ما بتجيش تانى مفيد فوزى : ايوة انتي ندمانة بايه؟ محسنة توفيق : لان فى التوقيت اللى اتعرض عليا فيه السينما اول حياتى الفنية مفيد فوزى : ما قابلتيش ؟ محسنة توفيق : انا ما قبلتش مفيد فوزى : بس سؤال اخر تفكير كان خاطئا فى حياتك محسنة توفيق :ان انا مش هبقى حلوة فى السينما مفيد فوزى :انت ده كان تفكير خاطئ؟ محسنة توفيق : خاطئ جدا فى حياتى مفيد فوزى :حاجة انتى بتقولى بالنسبة لك انا مسئولة فى نهاية الامر محسنة توفيق : سلبا والا ايجابا؟ مفيد فوزى : سلبا محسنة توفيق : لأ حرام ان انا كان لازم اقبل بس ما كنتش هتكون انا يعنى اللى بيسعى وهو بيمثل بيدور على حقيقة انسانية مفيد فوزى : هى الحقيقة ليه فيها كلمة انا المسئولة محسنة توفيق : هقولك انه فى ادوار طالما مافيهاش كذب ومفيهاش زيف كان لازم اعملها مفيد فوزى : انتى المسئولة عن كل.. محسنة توفيق : مش كل مفيد فوزى : مش كل محسنة توفيق : لأ مفيد فوزى : مش كل مش كل محسنة توفيق : لأ خالص المسئول حاجة فى الحركة الفنية مفيد فوزى : ماشى تسرعتى فى الحكم حالة تسرع فى الحكم متى تسرعتى فى احكامك ؟ محسنة توفيق : لأ ماتسرعش لأ مفيد فوزى : هل كل احكامك محسنة توفيق : لأ لأ قصدى اقول خد بالك انت بتتعامل مع نفسك انك ابن السن ده عملت اية هل فى الوقت ده كان يطلع منك حاجة مختلفة مفيد فوزى : ايوا يعنى هل تسترعتى فى الوقت ده فى حكم من الاحكام ؟ محسنة توفيق : لأ على اد سنى على اد احساسى على اد صدقى عملت اللى انا كنت حقيقية فيه يعنى نية اندفاعى يعنى انا لا اندم على اندفاعى ليه مفيد فوزى : هو ده السؤال... هو ده المعنى ا نا لا اندم على اندفاعى محسنة توفيق :لان المخاطرة بيها اللى كونتى المخاطرة دى مفيد فوزى : يعنى انت المخاطرة؟ محسنة توفيق : مخاطرة عرفتنى مفيد فوزى : المخاطرة والمشاغبة محسنة توفيق : لأ مشاغبة لأ مفيد فوزى : مفيش مشاغبة محسنة توفيق : لالالالأ مفيد فوزى : مخاطرة؟ محسنة توفيق : المخاطرة يعنى ايه بأمانك المخاطرة بفرصك مفيد فوزى : ليكى صداقات يا ست محسنة كتيرة ؟ محسنة توفيق : يعنى انا ممكن تكون انا باصادق ناس مش عارفنى مفيد فوزى : لأ انا باتكلم على صدقات تقعدى ماهم تتكلمى معاهم ؟ محسنة توفيق : لأ بص فى علاقات انسانية انما الصداقات العامية عميقة قليلة مش كثير مفيد فوزى : مش كثير ؟ محسنة توفيق : اه مفيد فوزى : سؤالى الاخير هسألك سؤال بسيط جدا ولكنه معقد جدا محسنة توفيق : ه ه مفيد فوزى : عايزة ايه ؟ محسنة توفيق : انا عايزة امثل وامثل وامثل مسرح واعمل سيدة الغجر اللى انا بقيت اخرج كل ادوارها تمثيلا وعملت عارف كلمة كعب داير فى مسرحيتين لفيت وراهم كعب داير الام شجاعة بتاعت برخت كعب داير وسيدة الفجر بتاعت اليخاندوجاسونا مفيد فوزى : سيتك عايزة تمثلى بس محسنة توفيق :ح عايزة امثل على المسرح عايزة امثل فى السينما عايزة امثل امام كاميرة التليفزيون عايزة امثل لانى لدرجة اقول لك حاجة انا باستمر بالتمثيل وانا باشوف تمثيل يعنى انا باستمر انا اكتشفت ان انا مثلا المسلسل معلش من غير حساسية معلش عندنا حساسية للتانين مش عارفة ليه انا وانا باشوف مسلسل عاصى اكتشفت ان انا باشوفة ليه علشان اعيش تانى الادوار دى كانى بامثلها فا نا لحسن الحظ الحمدلله ان فى حاجات بامثل معاها وانا باشوفها محسنة توفيق : انا لازم امثل انا لو ما ممثلتش همثل برة همثل وانا باشوف نفسى همثل الشخصيات اللى انا باشوفها بتمثل وتلهمنى هى بتمثل ازاى يعنى انا اقدر اقول لك الست دى كانت لازم تمثل ازاى مفيد فوزى : قولى يا استاذه محسنة هو الجنون جزء من الفنان ؟ محسنة توفيق : الجنون بمعنى الحب الزائد الالحاح فى الاحتياج مفيد فوزى : ده الجنون محسنة توفيق : يعنى اذا كان ده الجنون انك ماتقدرش تعيش من غير حاجة ليه ما تقدرش تعيش من غيرالتمثيل كانه كان روحك محرومة من حاجة اساسية جدا فى الحياة وحرمانك منها كأنه جزئية من حرمان الحياة كأنة حرمان من ان انا اشوف بنتى كأنه حرمان من مريم ونادية كأنة حرمان من روحى روحى يعنى روحى روحى اللى هى وجدانى اللى هى قلبى فا كأنى باتحرم من ولادى من شوفة ولادى لما باتحرم من التمثيل لان التمثيل هو اعمق تعبير عندى عن الحياة. لمشاهدة الحلقة كاملة " فيديو"
