ساخرون.. ننشر نص رسالة ابنة المعزول لمرسي!

وحشتني قوي يا ببايا.. كل ما أشوفك في القفص أقول مش أنت..فين أيام ماكنت ريس وأكل البط والوز والفطير المشلتت كان باين عليك..وإيشي حرس وأبهة..واحنا كنا بنتنطط على خلق الله لما أنت كنت في الاتحادية..أمال ايه..مش أنا بنت الريس..حتى أخويا كان بيشتم ظباط المرور ومحدش كان يقدر يرفع عينه فيه.. دلوقتي يا ببايا بقينا ملطشة..أخويا لما كان بيحشش في العربية مع واحد صاحبه مسكوه وحبسوه وعرضوه ع النيابة..اه يا ببايا..ياللي ماكنتش حارمنا من أي حاجة..كنا بنبرطع ف القصور الرئاسية وبنصرف زي ما احنا عايزين..واللبس ييجي لنا من تركيا وباريس..
وبعد ما قلت أبويا مش هوه اللي ف القفص ده واحد شبهه قام نط واحد وقال "إن البقر تشابه علينا".. شوفت يا ببايا.. بيشبهوك بالبقر وأنا عارفة انك عصفور كناريا.. طب أرد عليهم أقول لهم ايه..مش هارد لأنك ربيتنا كويس في مدرسة الخرفان..وأديني اهوه اتخرجت وبقيت معزة أد الدنيا..ااااه يا ببايا..