"مرسى" يستعين بمؤسس "فيس بوك" فى كتابة خطاباته !

من يكتب خطابات مرسى؟...
سؤال طرحه الشباب فى عدة مناسبات، ولكن مع تقدم علم تحليل المضمون أصبح من الممكن التنبؤ بمن يكتب الخطابات، ولأن "مارك زوجر برج" صاحب موقع التواصل الشهير "فيس بوك"، هو أكثر من يستخدم الحظر عبر موقعه، فأكد بعض الشباب أن مرسى يستعين به فى كتابة خطاباته.. "فيتو كافيه" رصدت تعليقات الشباب...
محمد مندور: "طوارئ وحظر تجوال وخطاب.. كده فاضله فى ذمتنا خطابين و15يوما ولم أكن أنتوى".
محمد نبيل: "وبعد تويته للتعزية، راح عامل بلوك للسويس وإسماعيلية وبورسعيد، وبعت أدد لجبهة الإنقاذ.."صايع نت" سلفيو كوستا".
عبد الله القشاوى: "مرسى فرض حظر التجول! كده مش هقدر أنزل الشارع عشان جالى تجول لا إرادى".
سمير الأسيوطى: "أحلى حاجة فى الخطاب رفع صباعه وقال سأفعل!! وسكت ثانية وبص فى الورقة وشاف كاتبين له هيفعل إيه!".
منال الديب: "عايز تنيم بورسعيد والإسماعيلية والسويس من المغرب؟!، يا راجل ده فرنسا وبريطانيا وإسرائيل معرفتش تعملها"!.
أحمد الأسمر: "الرئيس يقصد من خطابه.."الطيب أحسن فبلاش نعاند بعضنا".
محمد نعيم: "كل الخطاب حظر حظر.. هو مارك بتاع الفيس بوك اللى كتبهولك؟!.