تويتر : الفيس وتويتر: اللي أوله حظر أخره تنحي!

أثار قرار الرئيس محمد مرسي بفرض حظر التجول بمدن القناة غضب الكثير من المصريين، وانعكس ذلك الغضب على مواقع التواصل الاجتماعي "الفيس بوك" و"تويتر"..
وسادت منذ ليلة أمس حالة من السخرية من القرار ونقده، من خلال تعليقات الأعضاء..
وكانت أبرز التعليقات التي انتشرت على الموقعين كالتالي:
عاجل: أنباء عن الاتجاه لإلغاء حظر التجول بمدن القناة نتيجة ضعف الإقبال عليه.
بورسعيد والسويس و الإسماعيلية هم أول ثلاث محافظات تنفصل عن حكم محمد مرسي.. لقد فعلها بنفسه !!
مرسي بيقول اطلع على الدستور وبنائا عليه اتخذ قرار اعلان حالة الطوارئ طيب نشوف كده الماده الخاصه بحالة الطوارئ:
البورسعيديه نازلين بموتسيكلات وعربيات مشغلين كلاكسات بيحتفلوا بحظر التجول :)
الساويسه نازلين ف الشارع بيعملوا باى للكاميرا بتاعة on tv وبيحتفلوا بالحظر :)
الله دا الحظر ده طلع حاجة حلوة احنا عايزين حظر احنا كمان اشمعنى همه ؟؟
شعار أهالي مدن القناة الآن: ساعة الحظر ما تتعوضش
ثوار المحلة يطالبون بتطبيق حظر التجول بالمدينة تضامنا مع مدن القناة
وبعد تويته للتعزية راح عامل بلوك للسويس واسماعيلية وبورسعيد ،، وبعت أدد لجبهة الإنقاذ
خلاصة خطاب الرئيس امبارح: الرئيس عمل بلوك لمدن القناة و un like لباقى المحافظات وlike للشرطة والجيش والناس هتعمله add للثورة وتعمله share مع مبارك في طرة
- رئيسكم يمنع صلاة في الفجر في الجامع لمدة شهر..أفلا تكبرون؟!
- عايز تنيم السويس و إسماعيلية وبورسعيد من المغرب؟ .. دي بريطانيا و إسرائيل و فرنسا ماعرفوش!
- ردا على فرض حظر التجوال بمدن القناة ، شباب السويس يعلنون تنظيم مظاهرات يومية تبدأ من الساعة التاسعة مساء،
محدش يقدر يسجن مصر.
- هو الرئيس إيه غير طؤارى وحظر وخطابين وتنحي!!
- مرسي فرض حظر التجوال من 9 مساء إلي 6 الصبح ..الضرب أساسا شغال من 1 ظهراً إلي 9 مساء.
- وعلى رأي المثل "اللي أوله حظر أخره تنحي" .. واخدليش بالك انت ياللي في بالي؟!.