اه....اسمعونى بقى !!!

نفسي اتكلم كإنسانة، بعيدا عن جماليات الخطابة والألفاظ الرانانة، بصوا أنا مش عارفة أقول ايه بس كل اللى أقدر أقوله إنى عاوزة أبكى من قلبى، البكاء وحده مش كفااااية...أرجوكم اسمعونى ،عاوزين نفوق أنا بموت كل يوم فعلا ؟ أما أشوف مريض قدام عينيا المرض بياكل في جسمه وبيقطع فيه، آلام وآهات وأنات باينة في عينيه.
البكاء مش قادر يوصف اللى المريض ده فيه !، أهله حوليه مش عارفين يساعدوه، شوفت حالة لشاب في عز شبابه وزى القمر وفقد كل الجمال والحيوية اللى فيه !! سقط شعره، اصفر وشه، وبيتألم والكل واقف حوليه مكتوف الأيدى ومش عارف يساعده بايه..عرفت مين ده ؟؟(مريض السرطان )مش هتحس بيه إلا لو شفت حالات قريبة منك بتترجى أي دكتور ولو حتى صغير ياخدها حتى لو تجاربه وأبحاثه حتى لو التجارب دى بيعملها عالحيوان.
عارفين المرض بيذل قد إيه ؟؟؟؟طب أنا أعمل إيه ؟؟مفروض إنى هبقى دكتورة أقدر أعمل ايه !!!هتخرج زى أي دكتور ، و بردو لا عنده علم ولا إمكانيات يساعد المريض ده.أسوا حاجة في الدنيا إنك تشوف بنى ادم بيتعذب قدامك وانت واقف ومش عارف.
طب لو أنا أم وشايفة ابنى هعمل ايه !!طب لو أخت ؟طب لو زوجة لمريض سرطان ؟؟؟احنا بشرر!، ارحموا عزيز قوم ذل ،لحد امتى هنفضل أسوأ مستشفيات وأسوأ بحث علمى وعمالين نفكر في تفاهات وسلبيات والناس بتموت من الوجع والموت بالنسبة لها رحمة !.
ااااااااااااه على اللى حصلى ،عندما استمعت لمكلمة هاتفية دارت أثناء إحدى الزيارات اسمعوها وقولوا يا ناس
الأم:أبوس ايدك يا ابنى ابنى مريض بسرطان المخ ساعده يا دكتور اترجاك يا ابنى
الدكتور:و الله مش عارف أعمل ايه يا امى ،أنا عاوز أساعده بس أنا لسه في أول السكة مش عارف أعمل ايه ؟؟
الأم:اعتبره حيوان عندك وجرب فيه أي حاجة أنا موافقة
الدكتور:ازاااى يا حجة تقولى كدة !!!ابنك عندى أغلى من نفسي بس أنا والله مش في إيدى حاجة
الأم:اااااااه يا ولدى ااااااه يا ابنى إنا لله وإنا إليه راجعون
ها هتلوم مين ؟ الاتنين ضحية مجتمع مهمل للأسف للطب والعلم....طب إيه الحل ؟
أنا فكرت في حلول أتمنى تتنفذ وفعلا موجودة لكن ولا بتتطبق ولا نيلة..
1)فكرة مستشفى 57357 فكرة رائعة والله بس عاوزة دعم باستمرار وبعدين مفكرتوش إنها دى للأطفال فقط ؟؟طب بالنسبة للكبار ؟؟هنسيبهم كدة ؟؟!!!
2)عاوزين نفتح حساب لدعم المرضى مش بس مادياا كماان معنويا عن طريق دعوات في كل الكليات والجامعات بالمساعدة بالفلوس.الأفكار ،المساعدات ،أعمال تطوعية ،العمل على الجانب النفسي وده شديد الأهمية ،تدعيم مشروع زويل ،نفتح من جديد الأفكار اللى اتركنت...
3)يا وزير الصحة ،يا وزير التعليم ،البحث العلمى ارجوك ;ارجوك كفااية ارحمنا بقى شبعنا مش عاوزين سلبية.يا شبااب اللى هتقروا المقالة أنا لا ..بلاش سلبية ارجوكم.