حورية فرغلي تكشف قصة بيتها المسكون بالأرواح وترد على زوجة حسن شاكوش (فيديو)

قالت الفنانة حورية فرغلي: "اشتريت شقتي في 2013 وكانت مقفولة سنين لأنها كانت بتاعت الموسيقار محمد عبد الوهاب وسكنت في نفس العام اللي اشتريتها فيه، وكان بيتهيألي حاجات فيها ومرة لقيت بنت صغيرة ولابسة أبيض ومرة شوفت ولد على السفرة قاعد وقتها حسيت إن البيت مسكون بالأرواح وخوفت".
أحداث غريبة في شقة حورية فرغلي
وأضافت خلال لقائها ببرنامج "العرافة" المذاع على قناة "النهار": "الأحداث الغريبة في شقتي اتكررت كتير، والخدامين مشيت من عندي بسبب إن البيت مسكون بالأرواح، و2 سواقين شافوا الموضوع ومشيوا".

حقيقة تناول حورية فرغلي للمهدئات
ولفتت حورية فرغلي: "أنا مش باخد مهدئات ولا منومات ومستغربة من اللي بيحصل في شقتي وساعات الجرز بيضرب لوحده".
وأكملت: "لما سألت حد عن اللي بيحصل في شقتي اتقالي إن ده حد بيحميكي مش بيأذيكي ودى حاجة كويسة، وسألت دكتور وشيخ، وفعلا مش بتعرض لأي أذى علشان أمشي من الشقة، ولما بيبقى القرآن شغال في رمضان مش بحس إنهم بيختفوا ومش هقول عليهم جن ولا عفاريت".

اتهامات زوجة حسن شاكوش
وردت حورية فرغلي، على اتهامات زوجة حسن شاكوش لها بأنه خطفت زوجها منها، موضحة: "شاكوش قصيدة اعتذار على فيس بوك وبرأني من قصة اتهام الخيانة وأنا مش عارف إزاي هي اتجرأت تجيب اسمي في القصة دي".

حورية فرغلي: هيثم أحمد زكي ضربني بسبب غيرته عليا ومات وهو بيحبني (فيديو)
علشان ما عنديش شغل، حورية فرغلي تتخذ خطوة جديدة في حياتها الفنية
ولفتت: "كل الناس اللي عارفين الست اللي كانت متهمة بالخيانة مع حسن شاكوش رفضوا يقولوا من هي وفي نفس الوقت جابوا سيرتي ظلما، وعمري ما شوفت حسن شاكوش في حياتي ولكن خدت رقم تليفونه وكلمته بس بعد لما مراته اتهمتني".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.