صبى حنوتى.. قنديل ومنديل وشنكوتى

كلفت وكالة هريدى نيوز محررها بأن يرصد ضحايا النحس فى مصر خلال ال6 أشهر الأخيرة، كتب محررنا وقال، من إسكندرية للبدرشين لعيال معهد أسيوط، اللى مات بقطار او عمارة او نبوت، ومبارك وعصره وعزوته وقصره هم السبب، دا كان كلام الجماعة، هم اللى عملوا منه شماعة، وعلق محررنا على بيانات الإخوان، فكتب: الجماعة ورئيسها مبسوطين جدا من الأداء، ماهو أصل المسمى الوظيفى لمرسى، مكتوب فى أوراق الجماعة صبى حنوتى، وقنديل ومنديل وشنكوتى، وندابة فى العروبة، وعلى العرب تلطم، وامشى ياعم طول وعرض واظلم، بس المهم المرشد أو المخبر يكون راضيًا، وحلم السيادة يتحقق، وطظ عاكف حقيقة، والمصريين نمل تدوسه يتكسر، ولو حد سأل نقول هم اللى ما دخلوش الجحور، ومسمعوش كلام ربنا للنملة، واللى يكفر يستاهل يتعمل فيه أيتها عاملة.