طظ ف إللي وإللي

طظ ف إللى وإللى وإللى
وإللى حاسب نفسه عالم
إللى مش بآين لأهله يوم معالم
وإللى متكهون وعامل يوم مسالم
طظ فيه
طظ ف إللى لسة ماسك ف النظام
وإللى واقف من الخوف يدى التمام
وإللى متشعبط بمد الأيد سلام
طظ فيه
وفي الصحافة إللى ما ليهَّ راجل
والنيران خشبة ف مراجل
كله عندك يبقي عاجل
طظ فيكِ وطظ فى إللى يقف قصادى
إللى محتار دا شهيد ودا مش شهيد
إللى ناسى كلهم يبقوا ولآدى
والحكاية عندى عادى فمن الساعة دى
طظ فيكم وطظ ف إللى هَيكتر معايا
وإللي فاهم الحكاية وإللي مش فاهم
يكتب روايا
وإللى بيكرر كلام البغبغان دايماً ورآيَّ
يبقي جبان
وإللى بيهتف تحيا مصر ومصر مش فاهمة الحكاية
طظ فيكم وفي الجميع
إللى موت شباب زهر الربيع
وإللى قال ليكِ ياأمَّ مش هبيع
وإللى كدب وقال ( مصر لن تضيع)
طظ فيكم وطظ فيَّ
ما الحكاية م البداية تمثلية
قتلوا حلمك ويا حلمى
وبيتنكروا في أيد خفية
فَّ طظ فيكم وأمسحوا الغلطة فيَّ