السيسي يحرج وزير الزراعة لهذا السبب

مؤتمر حكاية وطن، أحرج الرئيس عبد الفتاح السيسي، وزير الزراعة السيد القصير، بعد تجاهل الأخير حجم المشروعات الزراعية التي يتم تنفيذها والتكلفة الضخمة لتلك المشروعات.

السيسي، قال السيد القصير وزير الزراعة:"القطاع يواجه تحديات مزمنة منذ قديم الأزل منها محدودية الرقعة الزراعية ومحدودية المياه وتفتت الحيازة الزراعية والنمو السكاني المتزايد الذي جعل نصيب الفرد 2 قيراط بدلا من فدان للفرد في السنوات الماضية".


مشروعات استصلاح الأراضي
وأضاف خلال مؤتمر "حكاية وطن":"الدولة عملت استراتيجية لتحقيق التنمية الزراعية لزيادة الرقعة الزراعية وتحقيق الأمن الغذائي وتوفير فرص عمل وبناء أنظمة زراعية قادرة علي الصمود وفق التغيرات المناخية والتوسع الرأسي في الزراعات وزيادة تنافسية الصادرات الزراعية ورفع كفاءة استخدام المياه وتنمية الثروة الحيوانية والداجنة والسمكية".

مشروعات زراعية بمساحة 650 ألف فدان
وتابع:"لدينا مشروعات في التوسع الأفقي منها مشروع إعادة هيكلة تنمية الريف المصري الجديد ومشروعات بمحافظات الصعيد والوادي الجديد حوالي أكثر من 650 ألف فدان".

تكلفة استصلاح الفدان الزراعي
وأشار:"لدينا مشروعات استصلاح الأراضي قيمة استصلاح الفدان تصل إلي 250 ألف فدان، ومنها مشروع الدلتا الجديدة العملاق بحوالي 600 ألف فدان المرحلة الأولى والمرحلة الثانية 450 ألف فدان، ومشروع تنمية جنوب الوادي توشكى الخير وإعادة إحياء هذا المشروع، ومشروع تنمية ووسط سيناء نستهدف 460 ألف فدان وعندنا إعادة إحياء الريف المصري 1.5 مليون فدان، وعندنا مشروعات أخرى في الصعيد والوادي بحوالي 650 ألف فدان".
السيسي محذرا: بمليار جنيه ممكن البلد تتهد بالترامادول وكرتونة و100 جنيه
السيسي: لو خفضنا أسعار تذاكر القطارات والمترو هنضيع الأصل، ودول أفريقيا مبتقدمش دعم لمواطنيها
السيسي يوجه وزير الزراعة لحقيقة وضع المشروعات
من جانبه علق الرئيس عبد الفتاح السيسي:"نرجع للكميات فيه كميات انا كاتبها يا وزير الزراعة ليه انت مش كاتبها؟ يعني ال60 ألف فدان مبيتحسبوش عندك؟ انت قلت توشكى وشرق العوينات وسيوة؟ فين كوم امبو وباقى المشروعات اللي بتتفذ؟ انت في الأرقام اللي ذكرتها بتاعت الإصلاح المتعلقة بتاعت الاستصلاح انت بتقول الفدان بيتكلف 250 ألف فدان وانت بتكلم في 4 مليون فدان يعني كام؟ يعني تريليون جنيه، وانت كاتبهم ليه قليل كده في العرض ومش عايز تشير ليهم وتقولهم؟ صحيح انا بكلمك بجد، ارجع كده معلش، يعني انت النهاردة عندك في اللاهون وبني سويف والمنيا وكوم امبو مقلتش تلك المساحات يعني 4 مليون فدان، انا بقول الكلام ده انا عارف انك عارف حاجتك بس هو بيتكلم علي اللي هيدخل حيز الإنتاج خلال العام الزراعي فقط لكن احنا بنتكلم عن اللي مخططين له خلال عامين، لما انت تتكلم انك تضيف 4 مليون فدان في أرض ظروفها مفيهاش مياه ممطرة علي مدار العام ومش مهيأة، احنا علشان نعمل مشروع توشكى هناك حائط صخري في 7 كيلو فضل موقف المشروع ال20 سنة اللي فاتوا، يبقى لازم يا وزير الزراعة تذكر رقم تكلفة التريليون جنيه، ولما انت مقولتش الرقم انا اتخضيت قلت هو مش عايز يقول لي؟".

ورد وزير الزراعة:"احنا عندنا منطقة اخرى فيها 600 الف فدان و1.1 مليون فدان مستقبل مصر في طريق الواحات وعندنا أكثر من 250 ألف فدان في كوم امبو".

وعقب الرئيس السيسي:"انا محطتش بالمناسبة ال1.5 مليون فدان لإني اعتبرت إن القطاع الخاص هو اللي بيقوم بيهم فالبتالي استثماراته هو اللي بيدفعها، ولكن انا بتكلم عن ارقام ضخمة تصل الي تريليون جنيه في مشروعات زراعية الدولة بتقوم بيها، ولو انت جيبت الأفلام بتاعت شق الترع ومحطات المعالجة المياه ومحطات الرفع العرض بتاعك هيبقى في حتة تانية خالص، عارف انا بقولك كده ليه علشان بنقول للناس فيه امل وثقوا فينا وانتوا أصحاب الأمل وده اللى اتعمل خلال 4 سنين الأخيرة مش من أول ما بدأنا، احنا بنتكلم في 4 مليون فدان خلال 4 سنين أيوا ممكن ينتجوا مشكلتنا في عملية تسويق القدرات اللي الدولة بتقوم بها، مش علشان تقولوا الحكومة بتشتغل كويس ولكن علشان نقول للناس اللي موجودة في مصر لأ بصوا، ال4 مليون فدان يشغلوا ناس كتير حوالي 8 مليون اسرة، والقطاع بتاع التعليم في كليات الزراعة تطلع ناس علشان يشتغلوا والمدارس الزراعية تشتغل برضو، ولكن انا اتخضيت لما لقيتك بتتكلم في ارقام قليلة".
نقدم لكم من خلال موقع (فيتو) ، تغطية ورصد مستمر علي مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.