مش مهم أبو حماد تغرق .. المهم النَفَسْ

غرقت أبو حماد فى مية الأمطار.. فطار إلى هناك محرر هريدى نيوز ليغطى الأحداث، وبالطبع كان معاه كل معدات التغطية من بطاطين وخلافه ، لقى عمال النظافة يعينى لسة بيشتغلوا بالجروف والكريك أدوات خلصت وانتهت من قرون.. وهم لسة فى أبو حماد فاكرينها بردو العشرة حلوة، ماهو كلنا عارفين الشراقوة ناس كريمة وعشرية ، المهم محرر الوكالة سأل ياسر رشدى رئيس المدينة فين ياعم الحاج المعدات فين تجهيز الشوارع أصلا للأمطار ، أوم إيه ياعم.. يرد رئيس المدينة يقول سيبك سيبك أهم ما فى الموضوع السعادة اللى أنا فيها ، سأله المحرر سعادة إيه ياعم الحاج البلد غرقانة، قال رئيس المدينة مش مهم تغرق بس شوفت تعاون أعضاء حزب الحرية والعدالة، لإزالة آثار الأمطار بشوراع المدينة ناس كلهم بركة واتشالت الطين من الشوارع والناس ماشية زى الفل وكله بيتنفس هوا نقى نضيف"!!!.