السيسي يفتتح مشروعات شرق القاهرة.. أبرزها مطارا سفنكس والعاصمة . ويكلف بإطلاق أسماء الشهداء والأطباء على المحاور والكباري

قال الرئيس عبد الفتاح السيسى إنه يتم العمل فى كل قطاعات الدولة بكفاءة عالية، من خلال توفير نفس المستوى من الجهد والتكلفة مثل شبكة الطرق وغيرها.
وأشار إلى أن قطاع الطاقة تكلف 650 مليار جنيه، حتى يصل إلى مستوى جودة يليق بالمصريين.. مضيفاً: "نفس الكلام فى قطاع الزراعة.. وإزاى بنقدر نطور الترع وغيرها.. وكيفية حوكمة الحسابات المالية للصرف وغيرها من أجل إعادة بناء الدولة المصرية".
جاء ذلك خلال افتتاح الرئيس السيسى ، مجموعة مشروعات تطوير منطقة شرق القاهرة، وقصر البارون بعد ترميمه، وكذلك مطارى سفنكس والعاصمة.
ووجه الرئيس السيسى، رسالة إلى المسئولين قائلاً: "لازم نفكر إزاى نحل المشاكل.. اوعى تفتكر كمسئول هتحل مشكلة إلا لما تشوف وتفكر فى الحل.. وفى الروبيكى نفذنا مدينة الجلود.. وليه نلاقى عشوائيات جوه المدينة.. والموضوع ده انتهى.. حتى تصل الدولة إلى مجابهة التحديات.. ولن نقبل الفوضى.. ومن الأول اتفقنا اننا نبنى بلدنا مع بعض".
توسيع الطرق
وأضاف الرئيس السيسى أنه تم توسيع الطرق: "لازم تخلى بالك من اللى اتعمل واللى بيتعمل.. وفى أحد الكبارى لم تكن المشكلة فى تنفيذ الكوبرى.. حيث تم توسيع الطريق بشكل كامل أسفل الكوبرى.. ومن ثم بدأنا تنفيذ الكوبرى.. وأنا بقول للناس عاوزين نتصور حجم التكلفة المالية.. وازاى هتكون المشكلة ازاى؟".
وفى سياق تعليقه على صورة توضح حجم الزحام المرورى الكبير فى القاهرة، قال الرئيس إن الزحام المرورى ينتشر فى العديد من المحافظات فى القاهرة والإسكندرية، وغيرها من المناطق فى القاهرة الكبرى، متابعا: "ليه المصريين سكتوا كده.. وليه المسئولين فضلوا لحد الشوارع ما بقت كده".
وأضاف الرئيس السيسى، أن الشوارع المزدحمة لن يجدى معها المرور، متابعا: "قولت من 6 سنين.. نبنى الدولة معا وإيدنا فى إيد بعض، ونتحرك مع بعض لحل المسائل، واتكلمت مع الدكتور مصطفى مدبولى، وقلت له هنفتح فى المريوطية والجيزة من أجل تسهيل حركة الناس.. ولما قلت لم يجد من يحنو عليه أو يرفق به، الحنية مش طبطبة.. الحنية الحقيقية توفر للناس كل اللى اللى بيحتاجوه.. حل مشاكل الناس..الحنية شغل وتطوير".
وأكد الرئيس السيسى أن البعض يتصور أننا ضد مصالح الناس عندما تم وقف البناء، مضيفًا: " علشان لما تلاقونا بنوقف البناء تفتكروا إننا بنوقف مصالح الناس..اربط بين مصلحتك الشخصية وبين المصلحة العامة للناس وللدولة".
رفع كفاءة الطرق
وأضاف الرئيس:"رفع كفاءة شبكة الطرق فى مصر 250 مليار جنيه يعنى معناه فى 4 سنين نعوض الخسائر دى بما فيها الوقود والتلوث..بنوسع الطريق من 3 سنوات نجد نفسنا عاوزين نضاعف التوسعة مرة تانية طيب ده ليه علشان حجم الحركة المتزايد ويتم استيعابه".
وتساءل الرئيس السيسي: "لو شايفين أن القاهرة كانت هتبقى جراج كبير هل وقفتوا البناء فى القاهرة؟.. لأ، فلو من 2002 وقفنا البناء وبدأنا التطوير ما وصلنا لهذه الحالة".
وقال الرئيس السيسى، إن الدولة تعمل منذ 6 سنوات لتطوير الطرق فى مختلف المحافظات مثل تطوير السويس حيث كان عبارة عن حارتين فقط، وكان يشهد طوابير طويلة من السيارات فى ألماظة، متابعا: "نتحرك من اجل التطوير.. وتم إضافة 9 حارات.. وده بكام؟.. وباعتبارى مسئول كنا رفقاء بيكم ولا ؟".
وأضاف الرئيس السيسى: "الحنية اللى اقصدها انى أحاول أحل المشكلة والحنية مش طبطبة.. والحنية للشعوب هى حل المشاكل وازاى نحلها".
وتابع الرئيس السيسى:" للمسئولين.. لازم نفكر ازاى نحل المشاكل.. وفى الروبيكى نفذنا مدينة الجلود.. وليه نلاقى عشوائيات جوه المدينة.. والموضوع ده انتهى.. حتى تصل الدولة إلى مجابهة التحديات.. ولن نقبل الفوضى.. ومن الأول اتفقنا اننا نبنى بلدنا مع بعض".
من جهة أخرى، قال الرئيس السيسى، إن تعويض المواطنين فى الجيزة من أجل تنفيذ المحاور والطرق يحتاج إلى أموالاً طائلة، مضيفاً: "الكيلو يتكلف مليار جنيه.. والطريق اللى طوله 6 كيلو يتكلف 6 مليارات جنيه.. ومش هنسيب الناس تمشى".
وأوضح الرئيس السيسى، أن إزالة الأجزاء الخضراء وإعادة تأهيل شوارع مدينة نصر تتكلف من 500 إلى 600 مليون جنيه، لتسهيل الحركة على الناس"، مضيفا: "لو انت احترمت الارتفاعات المطلوبة فى مدينة زى مدينة نصر التخطيط كان بيقول 4 أدوار وجراج، مبقاش 3 اربع أدوار وبقى 13 و14 دور والجراج بيتعمل بشكل معين ميبقاش صالح للاستخدام والعربيات تقف فى الشارع، يضطر عربية صغيرة تدخل الشارع"."
مخالفات البناء
ووجه الرئيس السيسى حديثه للمخالفين، قائلاً: "فرحان انك بتبنى 14 دور علشان يبقى لك عائد ومكسب، لكن انت بتأذى بلدك، بقول الكلام ده مش نظرة سلبية، لا احنا زى الفل وهنعمل حاجتنا وبس خالوا بالكم مش هاسيبكم وكل حاجة غلط هصلحها بفضلك يا رب وكل حاجة مش مظبوطة هترجع مظبوطة زى الدول تقديرا واحتراما ومحبة فيكم يا مصريين تعود مصر دولة كما ينبغى أن تكون".
وداعب الرئيس السيسى وزير الأوقاف الدكتور محمد مختار جمعة قائلا: "وزير الأوقاف لازم يأخد مقدم 3 شهور، وعندك الأراضى الزراعية، فيه ناس فيهم مش بتدفع خالص بقالها سنتين تلاتة.. جاى على الحتة بتاعة الغلابة، وتقوله لازم تدينى 3 شهور"، وهو ما رد عليه اللواء إيهاب الفار رئيس الهيئة الهندسية: "نزلهم لشهر".
وجه الرئيس السيسى، بإطلاق أسم الفريق محمد العصار، وزير الإنتاج الحربى، على محور "أبو بكر الصديق - تحيا مصر" بطول 18 كيلو، حيث يضم 18 كوبرى، أبرزهم "الماظة - سفير - ابن الحكم - الحلمية - المطرية - عمر المختار – الأميرية".
كما وجه الرئيس خلال كلمته، باحتفالية افتتاح عدد من المشروعات القومية الكبرى، بإطلاق أسماء الشهداء والأطباء، على الكبارى الموجودة على المحور .
وقال الرئيس السيسى، أن حجم الأراضى التى اتخذت من الوحدات العسكرية والهيئة العربية للتصنيع من أجل محور طريق السويس، تقدر ب 3 مليارات جنيه.
وأضاف السيسى: "محور طريق السويس كان يستحيل توسعته إلا لو خدنا أراضى من القوات المسلحة والهيئة العربية للتصنيع، حجم الأراضى اللى اتاخدت على طول الطريق قيمتها أكتر من 3 مليارات جنيه.. خدنا وشلنا أسوار ودخلنا داخل الوحدات العسكرية بمساحة 25 مترا بطول الوحدات بالكامل".
وتابع الرئيس: "لكن لو فيه مساكن ناس كنا هنضطر نعوض الناس كلها .. بقول وأكرر ذلك عشان تساعدونا لأن الأموال التى تنفق لإصلاح ما نحن فيه أموال ضخمة جدًا ولن نتردد فى إنفاقها بس انتوا ساعدونا".
وواصل السيسى حديثه: " طريق السويس كان حارتين، وكان يكلف المواطنين وقت ووقود ووجع قلب.. والرفق أننا نسهل حياتكم على كدا ما نقدر.. لو عاوزين نحل المسائل الموجودة فى مصر عاوزين أرقام هائلة جدًا.. عاوزين تريلونات كتير أوي.. عشان نقدر نحل كل المسائل فى كل حاجة.. وإحنا متحركين وناجحين وبأمر الله هنكمل ونشوف.. ومنظومة مراقبة سرعة السيارات لازم نعملها عشان نحكم حركة الناس".
و أكد الرئيس السيسى، أن الدولة تسعى لاستخدام أحدث النظم التكنولوجية على الطرق والمحاور الجديدة، مشيرا إلى أن هذا النظام يهدف إلى حماية المواطنين ومراقبة الحركة المرورية لمنع المخلفات المروية.
مخالفات السائقين
وأضاف الرئيس السيسى، أن النظام الجديد يساهم فى تحديد مخلفات السائقين على الطرق بحيث تم التأكيد على عدم التجاوز مرة أخرى.
وداعب الرئيس السيسى الحضور: "النظام الجديد يرصد حركة السائقين على الطرق الجديدة.. ولو خالف كل 5 كيلو يتم رصد المخالفة.. واحنا هنستفاد ونحاسبه أول بأول.. بس الأهم حياة المواطنين والحفاظ عليهم".
و استفسر الرئيس السيسى عن عدد من الأبراج السكنية بجوار أحد الكبارى، وقال الرئيس: "عاوز أقول حاجة عن العمارة دى نقطة مهمة هى مش بس فكرة إنها مشوهة الكوبرى، لا، أنت عاوز تعمل حركة سطحية مستريحة، لأنها منطقة مكتظة بالسكان".
وواصل الرئيس السيسى حديثه عن المبانى المجاورة للكباري: قائلا: "بصوا على العمارة دى، وغيره، الناس دى هتقعد فين وهتتحرك ازاى، ولو عندها عربيات هتحطها فين، كام دور مين إداله الترخيص؟ ده هو ملوش ذنب، هل الناس اللى موجودة فى الحى مش فكرة فساد الموضوع مش فساد الموضوع أن الناس مش عارفة هى مين؟، سواء كان رئيس حى أو محافظ، انا بتكلم بصفة عامة مش على القاهرة بس، محتاجين نتعلم نواجه مشاكلنا ازاى؟، الكلام ده انا بشوفه لما انزل اتمشى بالعربية وأشوف الدنيا فيها ايه فى بلدنا انا مش بعيد عنكم، بشوف احنا اللى عاملين المشكلة لنفسنا احنا اللى ساكتين بتديله ليه ترخيص وبالحجم ده ليه، مش فيه استيعاب وعلم بيقول انك لازم تعمل حسابك للحركة للناس اللى هتسكن المنطقة".
واستعرض اللواء إيهاب الفار رئيس الهيئة الهندسية للقوات المسلحة، شبكة الطرق الجديدة بشرق القاهرة، وما تم تنفيذه من محاور وكبارى جديدة، وكيف تسهل هذه الكبارى والمحاور الجديدة الحركة الجديدة فى منطقة شرق القاهرة.