"المغير" يصف الثوار ب"السذج"

قال أحمد المغير الناشط الإخواني على صفحته الرسمية على موقع التواصل الاجتماعي "فيس بوك" اليوم السبت: "عرفت أن المتآمرين على مصر من تحالف الفلول وجبهة الخراب معتبرين أن إخلاء سبيل قتلة خالد سعيد النهاردة خطأ جسيم في الخطة بتاعتهم؛ لأن الخطة الأصلية كانت تقتضي تأجيل أي محاكمة مرتبطة بنظام مبارك لشهر يوليو عشان يكونوا يعني قال إيه أسقطوا النظام الشرعي في مصر يوم 30 يونيو بمعاونة الثوريين السذج الحمقى اللي فاكرين إنها ثورة وبتاع، وفيه تخوف عندهم دلوقتي إن ممكن.. ممكن خبر النهاردة يِفَوَّق بعض اللي كانوا مغيبين طول الفترة اللي فاتت وفاكرين أنهم بيتظاهروا ضد الإخوان مش ضد الثورة اللي كانوا جزءا منها.
ملحوظة: كل القضايا المرتبطة بالدكتور مرسي والإخوان تم تأجيلها إلى شهر 6 وكل القضايا المرتبطة بالنظام السابق تم أو هيتم تأجيلها لشهر 7 عشان يقدروا حسب تخيلهم يحكموا فيها براحتهم.
وفي النهاية: "ويمكرون ويمكر الله والله خير الماكرين".