بعد اعلانهم حماية الشعب... المغير يهدد ضباط الشرطة: احسم أمرك إنت وهو.. الملفات هتتفتح والعداد بيعد! ..و نشطاء يردون : انت محرمتش من العقلة اللى فاتت

عد العلقة الساخنة التي تلقاها المغير رجل الشاطر والإخوان إثر تحريضه على اعتصام وزارة الثقافة، وتوجهه للاعتداء على المعتصمين، يواصل تحريضه ولكن هذه المرة على ضباط الشرطة.

بعد أن أعلن ضباط الشرطة وقوفهم مع الشعب في تظاهرات 30 يونيو ورفضهم تأمين مقرات الإخوان، نشر رجل الإخوان على صفحته الشخصية على الفيس بوك تحريضا على الضباط ووصفهم بالسذج قائلا: احسم أمرك إنت وهو لأن الملفات كلها هتتفتح والعداد بيعد!

كتب المغير على صفحته الشخصية بالفيس بوك:

بعض ضباط الشرطة ساذج بدرجة تخليني مشفق عليهم جدا ، البهوات فاكرين قال ايه هيرجعوا حكم مبارك عشان سيطهم يرجع وشايفين ان بتوع تمرد اللي هما بتوع شفيق هيحققولهم ده !!

يابني انت وهوا انتوا ورق اتحرق خلاص ومش ممكن يرجع تاني انت ناسي مين اللي كان بيضربك وبيحرقك في الاتحادية والتحرير؟

الإخوان ولا تمرد لما كان اسمهم البلاك بلوك؟

طب خد التقيلة بقى ....فيه كشف ب 2000 ضابط محضرينه البهوات اللي انتوا حابينهم اوي هيتم تقديمهم كشف فداء عشان يقولوا للناس احنا مش زي مبارك ولا حاجة وهننفخلكم الشرطة والناس تقعد تصقف طبعا لانكم عارفين قد ايه الناس بتحبكم (طبعا ده في الخطة الخزعبلية اللي فاكرين انهم هياخدوا بيها الحكم يوم 30 الجاي) ، يا ترى مرسي لما حكم انتقم من حد فيكم؟ أذى حد فيكم؟ ولا تناسى هوا واحنا جراح وآلام كتير تسببتوا فيها لينا ؟

احسم امرك انت وهوا واختار لان الباب هيتقفل يوم 30 والملفات كلها هتتفتح والعداد بيعد .