شباب فيس بوك ينشرون خريطة قطع الكهرباء في القاهرة

عبر برنامج الجرافيك الشهير فوتوشوب قام أدمن صفحة أنا إخوان أنا مقطف بودان بعمل تصور لخريطة قطع الكهرباء بالقاهرة، وذلك بعد تكرار انقطاع التيار الكهربائي يوميا، الجدول رصد ساخرا ساعات وصول التيار الكهربائي، ولاقت الصورة إعجاب شباب فيس بوك وكانت أبرز التعليقات:
محمد حمودة: وبعدين ف الكهربا اللي كل شويه عماله تيجي دي
عادل إلهامي: مرسي أقر قانون الضرايب الجديد في الوقت اللي انشغل بيه الناس بمشاكل خطف الجنود ومشكلة الكهربا وكل عام وأنتم بخير
المهندس نور: فين أيام زمان أيام النور كان يقطع نص ساعة كل فين ومكانش عجبنا
روبرت وليام:
لقطع النور 7 فوائد:
1-الهدوء مما يتيح لك الفرصة للنوم.
2-يتيح لك الوقت للتأمل.
3-يتيح لك الوقت للاسترخاء واستعادة نشاطك.
4-يتيح لك الفرصة لمراجعة أخطائك اليومية.
5-قطع النور يتيح لك الفرصة للتكفير عن ذنوبك أو ارتكاب ذنوب أخرى بالشتيمة.
6-يعطي لك سببا قويا لعدم المذاكرة.
7-تقفل الجهاز وترتاح من الفيس بوك شويه أو تقفل في وش حد بتكلمه ومش طايقه وبعدين تقوله النور قطع بطريقة مفاجئة.
محمد فتحي: أجمل حاجة في الشعب المصري إنه خايف ميدفعش فاتورة الكهرباء ويتمرد عشان ميقطعوش النور عنه. ده على أساس إن فيه نور أصلا!