بالفيديو.. طالبة عن نظام الثانوية الجديد: الحكومة عايزانا نسيب البلد

هاجمت طالبة تدعى «زينب» من القاهرة، نظام الثانوية العامة الجديد، قائلة: «المفروض اللي بيبني عمارة بيحطلها أساس والوزارة لا يتضمن نظامها الجديد حلا لمشكلات الثانوية العامة».
وقالت في مداخلة هاتفية لبرنامج «العاشرة مساء»، تقديم الإعلامي وائل الإبراشي، المذاع على فضائية «دريم»: «إحنا مش بناكل علشان نقدر ندفع فلوس الدروس الخصوصية والحصة الواحدة مكلفة، والطلبة بيدخلوا الامتحان وهم حافظين مش فاهمين فيحطوا المعلومة وبمجرد الخروج من الامتحان بينسوها».
وتابعت: «ليه الدولة مش عايزة تحسن دخل المدرس علشان يقدر يشرح كويس وتقضي على الدروس الخصوصية.. الحكومة عايزانا نسيب البلد ونمشي».
يذكر أن الدكتور طارق شوقي وزير التربية والتعليم، أكد أن نظام الثانوية العامة الجديد سيكون بنظام التقديرات التراكمية بدلًا من الاعتماد على درجات الصف الثالث الثانوي فقط كما هو متبع حاليًّا، وأن شهادة الثانوية العامة ستكون صالحة للالتحاق بالجامعات لمدة 5 سنوات منذ حصول الطالب على الثانوية العامة.