«صيدلية تويتر» توفر الأدوية الناقصة للمصريين.. «سها» تطلب ارث فري للروماتويد.. يوسف: «عاوز محلول لغسيل الكلي».. وليد: علاج التشنجات لطفلة.. وولاء: «فكرة رائعة»

دشن عدد من نشطاء «تويتر» حسابا بعنوان «صيدلية تويتر»، لمواجهة أزمة نقص الأدوية في السوق المصري، وكانت الفكرة الأساسية من إنشاء الحساب أن يتم توفير الأدوية الناقصة من خلال توافرها أو تواجدها عند مصريين آخرين، ولذا فقد كان شعار صيدلية تويتر "جميع الأدوية المتاحة متبرع بيها من إنسان إلى إنسان نساعد بعض".
حساب خيري
وصف نشطاء مواقع التواصل الاجتماعي "فيس بوك وتويتر" صيدلية تويتر بالحساب الخيري، الذي يدعم التراحم والخير بين أفراد الشعب المصري الواحد، وكشف الحساب عن نقص عدد من أدوية الروماتويد والأنسولين وأدوية الفشل الكلوي، وأيضًا بعض الأدوية التي تستخدم في العمليات الجراحية.
دواء مطلوب
قالت سها إمام:"حالة محتاجة ارث فري للروماتويد وايفوكس"، وأضاف جورج عبد الله:"ياريت من فضلكم اللى يعرف حد عنده الدواء ده مطلوب ضرورى دانول 200 أنا عارف أنه ناقص بس متاكد أن ربنا هيدبره.. لو سمحتوا اللى عنده دواء اسمه دانول مطلوب بالاسم ومش عارفين نجيبه والدكتور مش عايز بديل بياكد عليه".
وعلق كريم زويش: "متوفر أنسولين لو حد محتاج أي حاجة متعلقه بأنسولين أو أقلام أنسولين ياريت يقول"، ورد يوسف مكاري: "عاوز محلول ملح 9% ضروى لغسيل الكلى"، وتابع وليد أنور: "يا جماعة الدوا ده- سابريل- لعلاج التشنجات لطفلة 3 سنين هو موجود في تركيا أو السعودية".
ساعدوني
وقال محمود خالد: "لو حد يعرف يتصرف في propofol علشان مش موجود ومحتاجينه لعمليات أطفال بمستشفى حكومى"، وأضاف كابتن زيرو: "اقراص ميستينون ساعدوني أرجوكم".
وعلق محمد طارق " Plavix 75 حد عنده الدوا يا ريت يبلغني في حالة غير مقتدره بتحتاج الدوا ده بشكل شبه دائم لتجنب بتر القدم وطبعا غالي تمنه 205."، ورد نظير قائلًا: "لو تعرفوا حد مش لاقى قلم الانسولين دا NovoRapid ضرورى ممكن يكلمنى وهديله من عندى. بس يكون فعلا محتاجة مش للتخزين عشان دول من اقلامى"، وتابعت لولا: "قطرة عين- بلافيميد- مش لاقينها خالص".
شركة أدوية
وكتب محمود ناصر:"أنا محاسب في شركة توزيع ادوية (ابن سينا) واتمني اساعدكم في أي حاجه"، وأضاف محمد علاء: "أنا محتاج دوا اسمه بك ميرز.. أنا من بورسعيد حد يقدر يساعدني".
وعلق عبده موسى: "الدوا ده- كيتو ستريل- من الأدوية المهمة جدًا لمرضى الفشل الكلوي ومش موجود في السوق.. اللي يعرف حد محتاجه يشوف الرقم ده وربنا يشفي الجميع"
وردت سامية الشامي: "اللي عايز أي دوا لاي مريض لفيروس سي مش لاقيها أو محتاج ومش معاه فلوس يبعت رسالة وأنا حوفرهاله"، وتابع محمود ناصر: "صيدلية تويتر فكرة كويسة نحاول نساعد بعض اكتر".
وقالت ولاء زين:"صيدلية تويتر عاجباني الفكرة جدًا، الدوا فيه عجز كتير فياريت ما نبخلش ونساعد بعض يا جماعة، تراحموا"، وأضافت سمر السمان:"انسولين نوفورابيد مش لاقيينوه هو ولانتوس".