اتكلم

لميس الحديدى/ مساء الخير صور ازيتنا كتيرعلى مدى الايام القليلة حادث العياط حادث العياط حادث اتكررقبل كده وهيتكرر تانى ليه ؟ لاننا لانهتم باللانسان نفس الحادث ده حصل سنة 2002 قطار الصعيد 350 واحد ماتوا وكان الاسوا فى تاريخ السكك الحديدية 2006 حادث المنصورة تالت حوادث المنصورة واسكندرية وقتلى وجرحى ليس لديا عددهم 1999 نوفمبر قطار القاهرة - اسكندريه اصطدم باشحنة نقل وخرج عن القضبان ومصرع 10 كمان اكتوبر 98 برضه قطر اسكندريه خرج القطار نحو احد الاسواق المزدحمة ومات 50 واحد 93 قاطرين خبطوا بعض قرب القاهرة 12 واحد ماتوا واصيب 60 97 شمال اسوان وقتا احد عشر مواطن طالما نحن ى نهتم بالمواطن بالانسان بالموارد البشريه هيتكرر هذا الحادث مرة ومرات وعشرات المرات النهاردة النيابة العامة استكملت تحقيقاتها فى الحادث وتم استدعاء رئيس هيئة السكة الحديد ونائب رئيس الهيئة لاستماع اقوالهم وتم حبس السائقين سائق القطارالاولانى وسائق القطار التانى سائق القطار الاولانى قال هو وقف بس 6 دقايق اعتبر ان هو وقف بس 6 دقايق لكن الحقيقة تقول او التحقيقات تقول انه توقف او تعطل لمده 18 دقيقة هو اعتبر ال18 دقيقة 6 دقايق مش مشكلة المشكلة ان ال18 دقيقة دى اودت بحياة 18 واحد السواق التانى اللى اتحبس ما شافش الاشارة الحمرا بيقولوا ان السنافور عمل اشارة حمرا لكن هو ما شفش الاشارة الحمرا تم ايضا حبس عامل البرج التانى لان عامل البرج الاولانى ساب الشغلانه بدرى بدرى وركب القطر ربنا افتكره مع 18 واحد وعشرات الجرحى ممكن الوزير يمشى ممكن الحكومة كلها تمشى ممكن حاجات كتيرة تحصل لكن النتيجة هتكون ايه ؟ لو لم نهتم بالموارد البشريه مفيش حاجه فى مصر كلها هتتغير لو خدنا فلوس الدنيا وانفقناها على قطرات وسكك حديد واشارات بالاسلكى واسوار معرفش عاملة ازاى ؟ واعلانات عن قطارت احنا اللى بنخربها ماشى لكن لو ما اهتمناش بعامل القطار بالموظف بكل المنظومه دى الموادرد البشريه لو اهتمناش ازاى نعلمهم ؟ وناخد بالنا منهم ونثقفهم ونحاسبهم عمر ما فى حاجة هتتغير ممكن الوزير محمد منصور يقدم استقالته او يقال اليوم لكن يعنى فى منظومة السكك الحديديه فى 6 رؤساء هيئة مشيوا وفيه اعتقد 3 وزرا من ساعة الوزير الديميرى ما قدم استقالته فى حادث الماضى 2002 على ما اعتقد مرورا بعصام شرف وما بعده الوزرا هيتغيروا ممكن الحكومة كلها تقدم استقالتها الدكتور نظيف وحكومته يقرروا ان هم يعلنوا مسئوليتهم طبعا دا غير وارد معندناش اى حكومة ولا اى وزير بيتحمل المسئوليه السياسيه anyhowوعفوا لاستخدام اللغة الانجليزية ولكن فى النهاية طالما لا توجد رؤية للاهتمام بالموارد البشريه بالانسان المصرى ان احنا نصرف على الانسان نصرف على المواطن نعلمه وبيعدين نحاسبة هيفضل هنا عامل يخطا فى استخدام الاجهزة لو جبتله احدث الاجهزة هيبوظها واحساسه بالمسئولية مش موجود ويعنى هو كمان بصراحة غيرمتعلم لو مهتمناش بتعليم الانسان ثم الاهتمام بى ثم محاسبته دى منظومة متكامله لو ما اهتمناش بكل ده يبقى لو الحكومة كلها راحت ةالنظام كله اتغير وجه حزب الوفد او جه حزب التجمع او جه الاخوان المسلمين او جه اى حد يحكمنا هنفضل عندنا نفس المشاكل وهتفضل القطارت تقع وهتفضل الدويقة توقع وهى تفضل كل المشاكل يعنى تحدث بنفس الشكل لاننا لا نهتم بالمواطن المصرى نحن نهتم فقط بالاله الماكينة نقول هنصرف على الماكينة هنجيب احدث قطار هنجيب اللاسلكى لكن الحقيقة هذه المليارات يجب ان تنفق اولا على المواطن المصرى النهاردة فى مجلس الشعب كان فيه جلسه مهمه جدا واجه فيها الوزيرمحمد منصور وزير النقل عدد كبير من اعضاء مجلس الشعب اعتقد لجنة النقل كان فيها 45 عضو وكان فيه الوزيرمفيد شهاب ايضا هنحاول نتعرف من النائب علاء عبد المنعم على مجريات هذه اللجنة مساء الخير سياد النائب
النائب/ علاء عبد المنعم :مساء الخير يا استاذه لميس
لميس الحديدى:يعنى باختصار كده عايزة اعرف ماذا قلتم للوزير وماذا قال لكم ؟
النائب/ علاء عبد المنعم :هو الوزير بدا حديثة باسفه على الحادث وقال ان احنا احالنا 34 مسئول للتحقيق منهم كمساريه ومنهم مفتشين وحاجات كده وبعدين ابتدى يحكى الانجازات اللى عاملها طوال الفتره اللى فاتت الحقيقه اعترضت عليه وقلتله خليك فى الموضوع اللى احنا بنتكلم فيه الانجازات والحاجات ى وبيقول احنا جاتلنا مليارات هقولكم بالمليم احنا صرفناها فى ايه فانا استشعرت ان الجلسه هتروح فى اوجه الصرف يعنى الكلام الغير مترتب مع المناسبه او الكارثه اللى احنا قدامها فاعترضت على هذا الحديث وطلبت منه الالتزام باسباب الكارثه وايه اللى حصل بالظبط الكارثه يا استاذة لميس كارثة الوزير ارجعها لى العامل البشرى انا اعترضت تماما على هذا الكلام لانه الاساس انه فيه فساد فى المنظومة بكاملها لانه هذا حادث لا محتاج تطوير و محتاج مليارات ولا محتاج اعلانات فى التليفزيون تتكلف 12 مليون جنية قطرتوقف من البديهى والمنطقى ان فيه قطارات تانيه هتيجى تخبط فيه مش محتاجه علم ولا تكنولوجيا ولا فتاكه
لميس الحديدى:محتاج بس اللى يبلغ ان القطر وقف
النائب: علاء عبد المنعم :كويس فيه غير انه يبلغ فيه اجهزة تحكم الى موجودة فى خطوط سكك الحديد كلها لو كان القطر التانى سواقه نايم بيوقفوا القطر اوتوماتيك هذا الكلام كان مش شغال مفيش وسائل اتصال ما بين السواقين وما بين بعضيهم
لميس الحديدى:طب فيما انفقت الاموال بقى ؟ فيه 4 مليار اخذتها الحكومة او الحكومة ادتها لوزارة النقل اتصرفت فى ايه يعنى ؟
النائب/ علاء عبد المنعم :المشكله مش مشكلة اموال احنا فى حادث لا يحتاج الى اموال كان القطارات ماشية فى مصر من 1800 وشوية ولما بتعطل حاجة زى كده اكيد هما ليه طريقة بيضربوا كابسولات كده يعنى يعنى المسالة مهياش محتاجة الى تكنولوجيا عالية احنا النهاردة الوزيربيقول انه الاخطاء البشرية هى السبب انا طبعا هذا الكلام مرفوض تماما لانه الاخطاء البشرية هى السبب فى انه النيابة تحاسبة انما احنا بنحاسب الوزيرفى مجلس الشعب على مسئوليتة السياسية مسئوليتة السياسية انه مسئول عن هذا الحادث.
لميس الحديدى:هل تحمل الوزيروتحملت الحكومة كان فيه الدكتورشهاب بيمثل الحكومة وهو وزير مجلسى الشعب والشورى الحكومة تتحمل مسئولية سياسيه ازاى يعنى ؟
النائب/ علاء عبد المنعم :هقول لحضرتك اللى حصل ان الدكتورمفيد شهاب بحسه الدستورى والقانون العالى جدا اقر بمسئولية الحكومة وقال ان الحكومة مسئوله عن هذا الحادث لانها مسئولة عن حماية المواطنين وطالما ارواح المواطنين ازهقت تولدت لدى الحكومة مسئولية ايه الجزاء بعد كده انا عايز اضيفلك انه بالاضافة للاهتمام بالموارد البشريه هو مفيش مسائلة كل اللى بيعمل حاجة بتعدى الغريب انه مثلا فى حادث الدويقة وقف محافظ القاهرة والجثث فى الارض والناس احياء مش عارفين نطلعها ويقول فى اللجنة احنا عملنا مدارس ومراكز شباب زى النهاردة الوزيرمنصورما بيقول برضه احنا عملنا محطات وجبنا جرارات ايه علاقات هذا بذاك ؟ انت مسئول مسئولية كامله امام الله وامام الوطن وامام الشعب عن هذه الارواح التى ازهقت هل انا اتجاوز هذا واقول ان احنا جميعا مسئولين بما فينا اعضاء مجلس الشعب اغلبية ومعارضه كلنا دم الناس دى فى رقبتنا ليه ؟ لانه فى سنة 2002 زى ما حضرتك ذكرتى فى حادث الصعيد الاولانى المجلس كان له توصيات وتوصيات يجب على الحكومة ان تنفذها لم تنفذ اى شىء وانا معايا المضبطة اللى هى فى يوم 29 مايو 2002 المجلس اوصى بتوصيات لو كانت تحققت لما وقع اليوم ما حدث .
لميس الحديدى:طب ما هو فى النهاية بصراحة يعنى يا فندم ان فيه ديمقراطيه افتراضيه بصراحة يعنى انتوا بتقولوا اللى انتوا عايزينه والحكومة تنفذ ما تريد ولا توجد محاسبه والناس بتموت والموضوع بيخلص وبعدين بيقولوا علينا بنسخن الدنيا واحنا نيجاتيف واحنا سلبيين واحنا بنضايق الناس وبنكد عليهم وحاجات كده يعنى
النائب/ علاء عبد المنعم :انا قلتلهم النهاردة ان احنا دى مكلمه وبعد ما نخلص الكلام كله كل واحد هيروح بيته وعزائنا للمتوفين وفى انتظار الكارثة القادمة
لميس الحديدى:وهنتخانق هنديهم 30 الف ولا نزدود شويه ولا 20 الف ولا الكلام ده
النائب/ علاء عبد المنعم :ان هذا الكلام كلام مرفوض جدا
لميس الحديدى:يعنى سياد النائب يعنى انت اللى قدمت مشروع قانون طبعا لن يرى النور اللى هو عن محاسبة الوزراء تفتكر انه ان الاوان لمحاسبة الحكومة انا عايزة من راس الحكومة الحقيقه يعنى اللى افهمه انه الحكومة يعنى فى حادث زى ده مش الوزير بس اللى مسئول الحكمة كلها مسئولة مش كفاية ان رئيس الوزرا يبقى زعلان شوية
النائب/علاء عبد المنعم :هذا الوزير مسئول مسئوليه كامله والمسئلة مش مسالة امكانيات وتطوير وفلوس ومليارات فى حاجات بديهيه يعنى انا مثلا متاكد والشكاوى ان الفيران بتجرى فى عربيات الركاب
لميس الحديدى:غير بقى صور القطارات اللى احنا شوفناها فى الاعلانات اللى هى ان احنا اللى بنخرب الحاجات يعنى احنا اللى قاعدين نقطع فى الكارسى والحاجات وهى الحقيقه اهانة للشعب المصرى مريعة الحقيقه يعنى
النائب/ علاء عبد المنعم : دكتور ذكريا عزمى النهاردة قال الاعلانات اللى انتم عملتوها طلعت الشعب حراميه وطلعت الناس حراميه لكن انا عايز اسئل القزاز اللى ما بيركبش فى شبابيك القطار دا محتاج تكنولوجيا ومحتاج خبرات اجنبيه ؟ الحشرات اللى بتجرى وبتزحف هل محتاج تكنولوجيا ففى اهمال واهمال جسيم ولابد من الحساب الحساب سياسى وجنائى انا لا افهم انه تمرالامور هكذا وكان شيئا لم يكن فى حادث الدويقة لم يقال حتى رئيس الحى يا استاذه لميس
لميس الحديدى:يعنى الحقيقه مش بس الدويقه احداث كثيرة اخرى يعنى المهم سيادة النائب علاء عبد المنعم انا اشكرك وارجو ان مجلس الشعب يعنى فى هذه المرة لا يترك هذه القضية ومتبقاش بقى يعنى ملف وعدناه وملف ونسناه ودخانا فى ملفات اخرى ارجوكم يعنى احنا اساس صحيح فى الاعلام لكن انتم ممثلينا فى مجلس الشعب ارجوكم كونوا اصواتنا على الحكومة اذا كانت الحكومة مش ناوية تسمع غير صوتها بس النائب علاء عبد المنعم النائب المستقل اشكرك شكرا جزيلا والناس ممكن ما تركبش قطارات او اوتوبيسات او تاكسيات نركب الحمارعادى جدا نعود او التوكتوك او كده لكن الناس لازم تتعالج لازم تاخد دوا وقضية النهاردة مش عن القطارات لان دا موضوع بيضايقنى بشكل فظيع مش عايزة اكون يعنى شديدة التاثر بيه فقررت اعمل قضية اخرى تماما الناس لازم تتعالج ويبدوا ان المرحلة القادمة فيها مشكلة فى العلاج سواء لقانون التامين الصحى الجديداو تكلفة العلاج وانا مش عايزة اصدر احكام مسبقه ولكن صدر قرارمؤخرا من السيد وزير الصحه دكتور حاتم الجبلى بدا تنفيذه يوم 25 سبمتبر هذال القرار باعادة تسعير الدوا والحقيقة تسعير الدوا فى مصر كان ماشى بطريقة يعنى ما كانتش مظبوطة قوى مصر تعد بالرغم ان في ناس كتير ممكن تختلف مع ده ارخص الدول فى بيع الدوا بالرغم ان المصريين امكانياتهم قليله جدا كثيرين منهم ما بيقدروش يدفعة هذه الارقام لكن هذا النوع الجديد من التسعير بيقوم على ان صاحب كل عقاربيشوف اسعار العقار دا مثلا الشركات يعنى بتشوف اسعار العقارات فى 36 دوله منها دول فى الخليج منها فى الهند منها فى دول اخرى بتشوف الاسعار قد ايه وبنزل منها 10 % طبعا دا معناه ان اسعار الدوا هترتفع دا لصالح مين وضد مين ؟ الوزارة بتقول ان دا لصالح منتج الدواء مصر لديها 62 شركة دوا فيه منها حكومى ومنها قطاع خاص الاكبرمنها قطاع خاص ومنها شركات اجنبيه كل دول بيشغلوا عماله صناعة الدوا مهمة وبتشغل عمالة بتدر ربح وبتدر يعنى دخل لى الناتج القومى الاجمالى المصرى نيجى على الناحية التانيه الجمعيات الحقوقيه ونقابة الصيداله بتقولك لا انا الموضوع ده بالنسبة لى مضرجدا لانه فى النهاية المواطن المصرى مش هيقدر يدفع تمن الدوا ده اذا كان اوردى مش قادر يدفع تمنه دلوقتى هيقدر يدفع مع الارتفاعات يعنى هيقدر يدفع تمنه بعد كده ؟ والجمعيات الحقوقية بتقول والله يا جماعة احنا عندنا نسبه فقر 40 % يعنى نسبه كبيرة من المصريين يقل دخلهم فى اليوم الواحد عن 11 دولار 50 جنية او 60 جنية مصرى هيقدر يصرف على الدوا ده منين ؟ قبل ما اخش فى هذا النقاش تعالوا اقولكم الصين عملت ايه ؟ والهند كمان الصين عملت فى ابريل الماضى قرار مهم جدا قالتلك عندى 500 ، 400 صنف دوا دول بره الحسبة دى الادوية الحيويه طبقا (للدبليو سى اتش اوو) منظمة الصحة العالمية الادوية دى انا اللى هسعرها وانا اللى هدعمها وانا اللى هوزعها توزع فى الصيداليات وتوزع فى المستشفيات والحكومة المركزية ستقول يا جماعه سعر الدوا ده كام يعنى ادوية سكر وقلب وضغط و صداع الادوية الاساسيه للمواطن الصينى الصين الهند عملت كده اختارت 200 صنف دوا طبقا للدبليو اتش اوو قالت ان الادوية دى بره الحسبه باقى الادوية خلاص الناس تشتريها بالغالى بالرخيص هناك امراض ممكن انها تتعامل مع الادوية الغالية وناس تقدر تتعامل مع الادوية الغالية عايز افكركم ان موضوع التامين الصحى ده مش شغال معانا قوى يعنى احنا بندفع 62% من المصريين يتكلفون فاتورة دوائه وان حكاية ان فيه تامين صحى والكلام ده وان الادوية دى بتجلينا ببلاش دا فئة قليله جدا من المصريين ازاى هنقدر نعيش بدوا غالى دا سؤال مهم جدا هل نضحى بالصناعه ؟ ولا نضحى لامواطن ؟ والحقيقه دى معادلة انا مش عارفه احلها ممكن فعلا ما نركبش قطر بس لازم نتعالج معايا فى هذه الحلقه الاساتذه الدكتور اشرف بيومى المستشار العلمى للادارة المركزية للصيدلة بوزارة الصحة والدكتورمحمد عبد الجواد وكيل نقابة الصيداله والدكتور الهامى المرغنى المدير التنفيذى لجمعية التنميه الصحية والبيئية قبل ما اسمع راى الناس لما نزلنا وشوفنا ارائهم فى الشارع احب اسئلك دكتور اشرف فى البدايه ليه القرار دلوقتى ما الادويه عمالة تغلى بقالنا مثلا كذا سنة الادوية بتغلى وصلت الزيادات لى 400 % تقريبا يعنى الزيادات مستمرة مستمرة طب ليه دلوقتى بتعيد منظومة تسعير الدوا فى مصر ؟
د/ اشرف :بسم الله الرحمن الرحيم طبعا اشكر حضرتك على المقدمة اللى حضرتك قلتيها بالنسبه لقرار تسعير الدوا الل نزل بس هو قرار تسعير الدوا اللى نزل مفهوش اعادة تسعير الدوا هو احنا بنبص لتسعير الدوا اللى نازل
لميس الحديدى:يعنى الادوية الجديدة فقط
د/ اشرف :اه الادوية الجديدة دى نقطة النقطة التانية احنا كنا شغالين بنظام من سنة 91 حتى هذه اللحظة وبعدين فى مقترح جديد او قراروزارى نزل فى اغسطس 2009 دا اتعمل بعد دراسة حوالى 8 تشهر لغاية لما وصلنا لدراسة تقدرتوصل فيها فى الاخر ان سعر الدوا للمواطن المصرى هيبقى ارخص من اللى حضرتك تفضلتى بيه دلوقتى من اغلب الادوية المصرية الموجودة هى ارخص من اى دوا فى العالم القرار الوزارى الجديد لو قريناه صح وقدرنا نفهم ايه النقط اللى فيه هنقدر نتوصل ان سعر الدوا هيبقى مش زى السعر اللى موجود دلوقتى هيبقى ارخص من السعر اللى احنا اى حاجه متوقعة
لميس الحديدى:لا لا لا تانى تانى سعر الدوا هيغلى بس مش هيبقى زى بره
د/ اشرف : محدش قال ان السعر هيغلى بعد اذنك انا بقول ان سعر الدوا ده لو هو موجود فى اى حته فى العالم وحطينا ال36 دولة زى ما حضرتك تفضلتى ال36 كاسترشادية بس الدوا ده لو اتسجل فى الفلبين او اتسجل فى بنجلادش اى اتسجل فى اى دوله ب10 دولار يعنى فى مصر 55 جنية مصرى انا فى مصر هسجله ب 50 جنية
لميس الحديدى:طب انت ليه بتقارنى بالدنيا انا عندى 40 % نسبة فقر انا دولة غلبانه يعنى بتقارنى بالدنيا ليه ؟
د/ اشرف :انا ما بقارنش حضرتك بالدنيا انا بحط اساس لى تسعير الدوا الدوا السلعه الوحيده المسعره جبريا
لميس الحديدى:صالح مين ؟ قولى لصالح مين هذا القرار ؟
د/ اشرف : دا لصالح المواطن المصرى وبعدين انا عندى وزارة الصحة اكتر مستهلك للدوا لان احنا
لميس الحديدى:طبعا التامين الصحى
د/ اشرف : فانا يهمنى ان الدوا يكون ارخص من اى حته كويس النظام اللى كنا شغالين بيه يمكن كان الدكتور محمد عبد الجواد يصححلى بيقولوا ان سعر الدوا عالى اللى هى الكوست بلاس دلوقتى النظام الجيد ان انا هقول سعره للجمهور زى ال50 جنية وهبدا انزل بنسبة ربح الصيدلى نسبة ربح الموزع كل الكلام دا هبدا انزل بيه ولذلك فى الاخر هتلاقى السعر بالنسبة للمواطن المصرى فى الاخر هو ارخص من اى حته تانيه
لميس الحديدى:طيب هقف هنا دكتورعبد الجواد ليه انتم بتعارضوا القرارده ؟ علشان ربحكم هتقل ولا ايه ؟
د/ عبد الجواد: لم يطرح ابدا ان نسبة الربح تقل وانا فى لقاء مع الوزير ومع الدكتور كمال سمرا فى عدة مرات هو زى ما حضرتك قلتى انا كنت بسعر الدوا بتاعى بنظام الوست بلاس الكوست بلاس هو ان المنتج بيتقدم لوزارة الصحة بيقول فيها انا الخامات بتتكلف كذا ومواد التغليف كذا والعماله والكهربا والميه والضرايب وغيره وغيره اوصل فى الاخر بشكل ما الى سعر بيع المصنع وبعدين احط عليه الارباح المتعلقة بالعملية التجاريه واوصل فى الاخر لسعر البيع ماعاب هذا النظام على حسب كلام وزير الصحة وعلى حسب كلام السيد زميلى مساعد وزير الصحة انه عمل مشاكل انه ماكنش فيه (ستراس بيرنسى) الحقيقه انا مش موافق على هذا الكلام اطلاقا انا علشان اقارن بالنظام الجديد انا لازم ابص للنظام القديم انا كنت بسعر داويا بنفسى بلدى لجنه فى وزارة الصحه بتسعر بمعطيات ثابته انا ارى انها شفافيه
لميس الحديدى: فين المشكله بقى فى نظام التسعير ده ؟
د/ محمد عبد الجواد:انا حتى سمعت امبارح انهم كانهم بيشتكوا من انه ساعة ما نيجى نتكلم نقدم فاتورة الخامات مفيش منتج علشان يقدم فاتورة الخامات كان بيقدم فاتورة محيرة يعنى جايز مش حقيقيه بس وانا جاى فى العربيه قارى تقارير بتقول ان انا عندى خامات الدوا فى مصر 50% من الادوية المنتجه فى مصر الخامات بتمثل 1% من تكلفتها يعنى حتى لو المنتج زود فى سعر الخامه مداش سعر حقيقى فهى لا تمثل بالنسبه لسعر الدوا شىء على الاطلاق
لميس الحديدى: انا عايزة ابسط دا للمواطن المصرى قولى امثله لادوية كانت بكام وهتبقى بكام ؟
د/ محمد عبد الجواد:بصى حضرتك الدراسة اللى احنا عملناها بتقول ان احنا ممكن نعلى بسعر الدوا ل 40% و 50 %
لميس الحديدى: زى ايه ؟ اكيد انتم عملتوا دراسة يا دكتور
د/ محمد عبد الجواد:يعنى انا معايا اصناف هنا انا مش عايز اقول اسم الدوا
لميس الحديدى: لا قولى اسم الدوا ؟ لحد ما تطلعى اسم الدوا استاذ الهامى انتم كجمعيات اهليه لماذا تعترضون على هذا القرارانتم جمعية تهتم بقضايا الصحة والتامين الصحى وهو الحق فى الحياه للمواطن المصرى
د/ الهامى:بسم الله الرحمن الرحيم طبعا انا بشكر حضرتك على اتاحة الفرصه لى ان احنا نتناقش فى قضية من قضايا الحياه للمواطن المصرى الحق فى الصحة حق معترف به وفقا للعقد الدولى للشئون الاقتصاديه والاجتماعيه الماده 12 منه وبالتالى حق توفيد الدوا هو حق فقراء هذا الوطن مش لاغنياء هذا الوطن فقط الحاجة التانيه فى عنصرين عايز اتكلم عنهم العنصر الاول هو ان احنا مننفعش نتكلم على قرار تسعير الدوا بمعزل عن حوارنا عن سوق الدوا وتنظيمه الخاص احنا عندنا فى مصر بدات صناعة الدوا سنة 39 دلوقتى عندنا 60 او 62 مصنع زى ما حضرتك قلتى منهم 8 مصانع قطاع عام
لميس الحديدى: 7 قطاع عام 7 فروع لشركات اجنبيه والباقى للقطاع الخاص
د/ اشرف : لا اصحح المعلومة هو عندنا 109 مصنع عندنا فى مصر 9 مصانع القطاع العام فيه عندنا 8 مصانع للشركات الاجنبيه والباقى للقطاع الخاص
لميس الحديدى:ودا شىء عظيم جدا اتفضل دكتورالهامى
د/ الهامى:المشكلة الاساسية اللى احنا بناقشها فى سوق الدوا هو ان فيه خطة بدات تتنفذ منذ نهاية السبعينات وبداية التمينينات لتدمير صناعة الدوا فى مصر هذه الخطه فيها مراحل مختلفه منها تصفية جزء من شركات القطاع العام التوسع فى شركات القطاع الخاص شركات القطاع الخاص اللى د: دكتور اشرف بيقول انه 109 مصنع هل زيادة عدد المصانع ادت الى زيادة نسبه المنتج المكون المحلى ؟ ولا ماداش حاجه ؟ دى شركات يتعبى محاليل وبتعبى بودرة فى كابسولات ما بتعملش قيمة مضافه للاقتصاد المصرى الحاجة التانية 65% من مكونات هذه الصناعه مكونات مستوردة احنا كانت قدمنا فرصه ان احنا نكون من احد اعمده صناعة الدوا فى العالم ونغطى افريقيا والشرق الاوسط ولكن الخطة اللى اتنفذت عبر السنين اللى فاتت من ضمن الخطه دية انهيار البحوث الدوائية هيئة الرقابة للبحوث الدوائية والمشاكل اللى كانت فيها وموضوع الدكتور محمد رؤوف حامد الموضوعات المختلفه اللى تمت فيها دى اصلا استهداف للباحثين وللبحث العلمى فى مجال صناعة الدوا مين المستفيد من هذا الوضع ؟ المستفيد من هذا الوضع هو الشركات الاجنبيه ووكلاء الشركات الاجنبيه فى مصر اللى هما هتعود اليهم هذه الارباح احنا عندنا مصر بتصدر ب386 مليون جنية ادوية وعندنا 109 مصنع زى ما الدكتور اشرف بيقول الاردن عندها 18 مصنع بس وبتصدر ب400 مليون دولار يعنى عندهل 2،2 مليون صادرات احنا عندنا عدد بس عدد فى الليمون للاسف زى ما بيقولوا ماهواش عدد حقيقى بيقدم منتج فى متناول المواطن الفقير المصرى زى ما حضرتك تفضلتى فى بداية الحلقه.
لميس الحديدى:طيب انا بس هقف هنا واسمع دكتور عبد الجواد
د/محمد عبد الجواد:انا معنديش الامثله قوى
لميس الحديدى:درستوا ده ولا ؟
د/ محمد عبد الجواد:لا لا درسناه وقدمنا للدكتور كمال دراستنا حضرتك قلتى مين هيستفيد انا متاسف ان انا عندى ارقام بتتكلم على 50% زياده و150%
لميس الحديدى:قول علشان الناس تفهم سعر الدوا هيحصلوا ايه؟ ادينى دوا علشان اسمع وجهة النظر التانيه احنا مش هنقدر ناخد الاشياء على عموميتها
د/ محمد عبد الجواد:هو انا سعرت الدوا الجنريك اللى زى الاميريل فى دوا
د/ اشرف : لا احنا بنتكلم على الانيفت الاول خلينا نتكلم على البراند الاول
د/ محمد عبد الجواد:انا معترض يا دكتور ان احنا بنقول ان النظام التسعير الجديد هيطبق على الادوية الجديده ما يطبق على الادوية الجديده هيطبق على الجنريك وهيطبق على
لميس الحديدى:الجنريك دى الادوية البديلة اللى هى الادوية اللى شبهها شبه الادوية
د/ محمد عبد الجواد:عارفة كلمة جنريك اسهل من الكلمة العربى الحقيقة احنا غيرنا نظام تسعير الدوا فى مصر والنظام الجديد سيطبق على الجديد
د/ اشرف : دكتورمحمد حضرتك من 3 أشهر كنت موافق على نظام التسعير اللى موجود ؟ حضرتك من 3 تشهر قعدتم معانا والدراسة اللى كنتم عملناها بتقول ان نظام التسعير اللى موجود دلوقتى مخلى ان بعض الادويه اسعارها عاليه صح ولا مش صح ؟ خلينا نتفق مع بعض ان حضرتك تنقمت بهذه الدراسة واحنا بنحترم جميع الدراسات اللى حضرتكم بتعملوها وعلشان كده عملنا دراسة ان احنا نوصل الى معادلة نقدر نوصل فيها ان سعر الدوا هيرخص مش هيغلى
د/ محمد عبد الجواد:انا هضرب مثل بتسعير بادوية سعرت بالنظام القديم هتسعر بالنظام الجديد
لميس الحديدى:قولى نظريتك
د/ محمد عبد الجواد:نظريتى انا كنت بسعر دواويا كمكونات
لميس الحديدى:اللى هو ايه ؟
د/ محمد عبد الجواد:اصل احنا بنتكلم على ادوية جديده الادوية الجديده اللى هتيجى لكن انا بقول لحضرتك ان بعد سنة او اتنين او تلاتة الشركات الاجنبيه اللى لها مصانع هنا هتبتدى توقف الاصناف اللى بتنتجها بالتسعير القديم وتدخل فى التسعير الجديد اللى هيرفع سعرها مرات ومرات ومرات
لميس الحديدى:اه هى دى المشكلة
د/ محمد عبد الجواد:هى دى المشكلة وانا عندى فى شركات الادوية حتى المحليه من حقها اللى هى اسعارها متدنية جدا جدا جدا من حقها ان بعد 3 ، 4 سنين تقول انا هوقف الدوا ده وهعمل جرعة مضاعفة او واضيف ماده اخرى وهطلب ان انا ادخل فى تسعير الدوا الجديد تسعير الدوا الجديد انا بجيبوا منين ؟ تسعير الدوا الجديد انا بجيبوا من 36 دولة لو هو دوا جديد وغالى انسى حضرتك ان هيبقى فى الدول الفقيرة
لميس الحديدى:انا بس هقف هنا فاصل علشان اسمع راى النا لكن انا عايزاك تقولى مثل واحد لواد
د/ اشرف :مثل واحد فى النظام اللى احنا كنا شغالين عليه الدوا اللى هو بيتكلف 12 جنية اللى هو بتاع سيولة الدم اللى هو البلزسكس دلوقتى بالنظام الجديد بدل ما يبقى ب12 جنية هيبقى ب 9 جنية
لميس الحديدى:يعنى انت بتقول ان الادوية اسعارها هتقل
د/ محمد عبد الجواد:انا متاسف من اختيار هذه الامثله هذا الدوا مسجل بقاله 20 سنة البلزسكس مسجل فى مصر بقاله 12 سنة الشركة اللى بتعمل البلزسكس لا يعينيها ان سعر البلزسكس ينقص انا بتكلم على قائمة من الادوية فيها عدد كبير جدا بيدخل كل سنة هذه الادوية ستصبح خارج امكانيات المواطن المصرى
لميس الحديدى:زى ايه ؟ بس خلينا اطلع فاصل اسمع راى الناس استاذ الهامى عايزاك ترد على المنطق ده هقولك الحقيقة انا حاسه يعنى للاسف انى انا لا متفق مع منطق الدكتور ولا متفقه مع منطق الدكتور انا عايزة اسمع وجهة نظرك انت كيف احمى المواطن ؟ لازم فى طريقة لحماية المواطن فين هنا دور الدوله ؟ يعنى هنا انا شايفه ان فيه صراع ما بين مصالح صيادله ومصالح شركات وفى النهاية انا كمواطن هخرج فاصل اسمع وجهة نظر الناس وارجعلكم
فاصل
مواطنة1: فى ناس بتقدر على اسعار الدوا وفينا ناس ما بتقدرش يعنى فيه ناس غلابه قوى
مواطن 2:اسعار علاج السكر القلب الضغط الكبد الكلى كل دى اسعار غالية جدا فالناس اللى هى كمان بتطلع على المعاشات هتجيب العلاج ده منين مش هتقدر
مواطن 3:مش هقدر اجيبها اجيبها منين؟ انا عندى بنات عندى بنات عايزة اجوزها
مواطن 4: عاوزلى ب 150 علاج انا طب ولادى يكلوا منين ؟ ولادى يكلوا منين ؟ مش حرام الشهر اللى فات اشتريت طب واللى بعده واللى بعده الحل ايه ؟
مواطن5:لمرتب انا مش هقول لحضرتك يعنى حاجة ما بتعديش ال 500 فازاى يعنى ابقى عايش بدول واعالج نفسى ؟
مواطنه 6 :ب75 جنية الحقنه والدكتور الصيدلى قاللى مش هتلاقيها وصلت 300 دلوقتى 300 جنية الحقنه وبديله حقنتين فى الشهر ب600 جنية طب ناكل ازاى ونعيش ازاى ؟ ونعمل ايه يعنى ؟ نعيش ازاى ؟ الحياه صعبة
مواطنة 7: احنا على المعاش ومعاشنا قليل يغلولنا كمان العلاج وبيتخصم من التامين نفسه
مواطن 8:لا ماينفعش حرام لان احنا مش لقينا ناكل اصلا
مواطن 9:يبقى الواحد يموت بقى
لميس الحديدى:فى اليات هذا القرارانه سيعتمد على سعر الدواء فى 36 دولة ما هو ال36 دولة دى مستوياتها الاقتصاديه مختلفه وممكن صاحب العقار صاحب شركة العقار يحصل فيه تلاعب بقى انه يقول ارقام غير الارقام لا توجد عقوبات فى هذا القرار وهى تانى انا بلعب لصالح الشركة وليس لصالح المواطن استاذ الهامى
د/ الهامى:هو انا بس عايز اقول حاجة الانفاق الصحى فى مصر 65% منه بيتحمله المواطن من جيبه والدولة بتدفع 35% الانفاق الصحى ده 35% او 37% بيروح على الدوا وبالتالى الدوا شىء حيوى بالنسبة لمصر وبالنسبة للمصريين الحاجة التانية ان التسعير نظام التسعير فى اى مكان فى العالم هو نتاج تفاعل قوى السوق المحلى من العرض والطلب تفاعل قوى العرض والطلب المنتجين والبائعين بيعرضوا المستهلكين بيستهلكوا كميات على اساس العلاقة ما بين استهلاك الكميات وما بين العرض الموجود بنحدد السعر دا فى اى دوله فى العالم دور الدولة هو الرقابة والتنظيم على اسعار الدوا بحيث ان لاالمنتجين يغيروا فيها ولايحصل فيها سوق سودا اولا فى 10% من الادوية المتداولة فى السوق ادوية مغشوشه تمام دا بالتصريحات الحكومية نفسها
لميس الحديدى:احنا عندنا تحقيقات ن النائب العام مستمرة فى قضية الادوية المغشوشه
د/ الهامى:فى عندنا مشكلة الدكتور محمد عبد الجواد اتكلم عنها اللى هى موضوع اتفاقيات الادوية
لميس الحديدى:هل مصر انها وقعت على اتفاقية الجات وبالتالى اتفاقيه استربس بتضغط علينا بتعويم سعر الدوا بتحرير سعر الدوا؟
د/ الهامى:ودا لا ينفصل عن القرارات الخاصة بان مساحة الصيداليات تبقى 40 متر و50 متر و25 متر دى منظومة على بعضها هدفها دخول الاستثمارات الخارجية والاستثمارات الدوليه لى سوق الصيدلة فى مصردكتور عبد الجواد هو اللى لازم يعلق على هذا الموضوع النقطة الاخيرة اللى انا عايزة اتكلم عنها ان فيه ارتفاع متوالى فى اسعار الادوية وفيه تقارير موجوده عن ان فيه ارتفاعات مستمرة للتسعيرهذه الارتفاعات بالاضافة الى ان نص الشعب المصرى خارج مظلة التامين الصحى وان التامين الصحى نفسه من فترة صدر قرار فى 85% من ادوية السرطان ادوية الغسيل الكلوى والادوية المكملة بدات تخرج من التامين الصحى وبالتالى انا هتعامل فيها بسعر السوق العالمى عايزين تعاملونا بالسوق العالمى وتعوموا الدنيا وتغرقوه الفقرا فى البلد ديا غرقوا الفقرا ولكن ادونا الاجور العالميه احنا عايزين الاجور العالمية ادونا الاجور بالدولار زى المواطن بتاع امريكا الدكتور بياخد كام والباحث الامريكى بياخد كام قبل ما تدينى اسعار الدوا زى امريكا وزى الفلبين لا اسعار الدوا مرتبطة باليات الطلب والعرض فى مصر عندى قد ايه انتاج ؟ عندى قد ايه استهلاك ؟ لكن انت تقولى امثله فى دول اخرى دا مرفوض المنطق ده منطق لا يخدم الفقراء المحتاجين للدوا
د/ اشرف :ممكن اسال سوال حضرتك قريت القرار كويس؟
د/ الهامى: قريته
د/ اشرف :قريته ايه المحصلة
د/ الهامى:انا رافض المنطق على بعضه وانا شايف ان المنطق ده جزء من منظومة تدمير سوق الدوا فى مصر
د/ اشرف :حضرتك دلوقتى قلت بعد اذنك من 10 دقايق قلت ان سنة 70 ان كان فيه منظومة لتدمير الدوا فى مصر الكلام دا بعد اذنك كلام خطير جدا هقول لحضرتك حاجة ان الدوا اللى بينتج فى مصر بيمثل حوالى 94% من الدوا اللى بيتعمل فى مصروال 6% اللى بيستورد هل تعلم هذا ؟ سنة 70 اللى حضرتك بتكلم عليها كان قد ايه الدوا اللى بنستورده من بره اكترمن 40 و50 %
د/ محمد عبد الجواد:الوزير ادى فرصة فى القرار الجديد الادوية الجنريك او الادوية المثيلة بتصل الى حد 70% من سعر الدوا الاصلى انا مش بحب ان احنا نستعمل كلمة الاصلى انما انا اقدر بدوا اسمه اليوناسين 1500 الدوا الجنريك بتاعه دا تمنه للفايل الواحد 17 جنية الحقنة الواحده المحلى او الجنريك اللى زيه تمنه 9 و نص يعنى 9ونص بالنسبة لل17 تمثل 55% من تمن الدوا الاصلى القرار الجديد هيتيح رفع الدوا من 9 ونص الى 11 ونص انا هضرب مثل ب 3 ادوية بس السبروباى وهو برضه مضاد حيوى سعره ب 65 جنية الدوا الاصلى السعر المنتج محليا ب 20 جنية النظام الجديد هيخليه ب 45 ونص معنى كده ان السعر هيزيد 28% لو جيت بقى للادوية الجديده
د/ اشرف :انا دلوقتى بعد اذنك القرار ده ليس قرار انى انا هزود الادوية اللى موجودة
لميس الحديدى:ما هو بيقول لحضرتك انه هو حتى لو الادوية الجديدة بس اللى زادت طب ما هو اللى بينتجوا دلوقتى هيقولك الله طب ما انا مش هكسب كده انا لازم اخش فى النظام الجديد فهبطل انتج اللى فات علشان انتج اللى جاى
د/ محمد عبد الجواد:انا من سنة 91 بطبق نظام انا ارى ان هذا النظام يحقق بقدر الامكان سعر الدوا اللى احنا بنتكلم عنه ان هو من ارخص اسعار الدوا فى المنطقة انا بغيره بانى باخد 36 دولة لو فرض ان انا خد ادوية جديدة متقدمة عاوز استوردها مثلا انا هاخد سعرها من السويد واخد سعرها من انجلتر واخد سعرها من فرنسا ومن السعوديه ومن الامارات
لميس الحديدى/دكتورمكرم معانا على التليفون نائب رئيس غرفة صناعة الدوا مساء الخير يا دكتور باختصار شديد هل هذا القرارلمصلحة صناعة الدواء فى مصر
د/ مكرم :استاذة لميس مساء الخير ومساء الخير لضيوفك القرار لو قريناه كويس وانا ارجوا الدكتور محمد عبد الجواد وهو انسان رزين وصديق يقرا الفقرة اللى بتتكلم عن 95% من الادوية احنا بننتج 8 تلاف صنف مسجل حاليا اى دوا هيتسجل غير ال 8 تلاف جديد هيطبق عليه اقل سعر موجود مش هيزود سعر الدوا اذا قلنا ان هناك ادوية جديدة هتدخل مصرلا تزيد عن 2 لى 3 % هذه الادوية مش هتاخد السعر بهذه ال35 ال 35 دى مجرد مرجعيه لكن هتاخد السعر بتاع اقل دولة فى العالم
لميس الحديدى:امال 35 دولة بناءا على ايه ؟
د/ مكرم :حضرتك خليهم يقروا القرار القرار بيقول اقل سعر قى العالم ومش بس الشركة تقدمه دى الادارة العامة للصيدله بتعمل شيك للاسعار المقدمه ليها وبياخدوا 90% من اقل دوله فى هذا الدواء ولذلك بياخد 60% من ال 90 %
لميس الحديدى:خلينى اسئلك السؤال بالعكس ازاى بقى يساعد صناعة الدوا يعنى ؟
د/ مكرم :انا هقول لحضرتك راضين بهذا القرار رغم ان احنا كان لينا طلبات اكتر من كده لكن احنا بنرضى بهذا القرار لما فيه من شفافية احنا كنا شغالين قبل كده بنظام اللى سبق اكل النبق يعنى اللى بيقدم مستحضر النهاردة ياخد 10 جنية اللى يقدم تسعيرته بكره ياخد 8 جنية النهاردة الصناعة مدركة راسها من رجليها وعارف انه بيقدم دوا النهاردة هياخد اقل سعر موجود فى السوق وصل لى
لميس الحديدى:خليك معايا يا دكتور معايا الاستاذ حسام بهجت مدير المبادرة المصرية للحقوق الشخصية استاذ حسام اعتقد انتم رفعتم قضية على وزارة الصحة فى هذا الخصوص ؟
حسام بهجت:مظبوط احنا رفعنا قضية فور نشر قرار التسعير الجديد فى جريدة الرسمية
لميس الحديدى:ليه ؟
حسام بهجت:انا هقول لحضرتك انا حاسس ان فيه بعض الخلط على المشاهدين بشان الاثار العملية للنظام الجديد احنا عندنا 3 بت مع النظام الجديد ده المشكلة الاولانية متعلقة بالانتقال من النظام القديم الى النظام الجديد خلينا نتفق الاول والوزارة ما بتنفيش ده ان فى النظام القديم كنا بننطلق من سعر التكلفة الحقيقية للدوا ده وبتزود عليه مصروفات ادارية ومصروفات تصنيع ومصروفات ابحاث وبعدين ربح الموزع وربح الصيدلى وربح الشركة الالى صنعت يعنى نقطة الارتكازالاصلية كنا بننطلق من الدوا ده بيتكلف قد ايه الاول المادة الخام حتى لو كانت مستوردة او محلية الناظام الجديد دلوقتى زى ما حضرتك قلتى بالظبط حصل تحرير لسعر الدوا زى ما بنقولش عليها الميتريكس ولا الجات ولا الملكيه الفكريه بس لو علاقة برضه بالتطورات الدوليه فيه تقارير منشورة على مدى كل السنوات اللى فاتت بتقول ان غرفة الصناعة الامريكية والشركات الاجنبيه المتعددة الجنسيات اللى بتصنع فى مصر وبتشتكى مرة الشكوى من ان الادوية فى مصرمتسعره بتطالب الوزارة على مدى السنين اللى فاتت على مدى 3 وزرا فاتوا بانهم يلغوا تسعير الدوا اللى حصل دلوقتى فعليا بقى انه عنجنا حاجه اسمها نظام تسعير الدوا لكن فعليا زى ما حضرتك اتفضلتى هو تعويم كامل للسعر انه بدل ما كنا بننطلق من التكلفة الفعليه الدوا بيتكلف قد ايه ؟ هنبص بقى للعالم نشوف هو بيتباع بكام بره بغض النظر البلاد دى ايه انظمة الملكيه الفكرية اللى فيها؟ حجم السوق بتعاها قد ايه ؟ الاوضاع الاقتصادية بتاعتها المشسكلة التانية بقى متعلقة بالتطبيق العملى للقرارا اللى احنا بنخدع دلوقتى وبيتقال لينا ان القرار ده هيقضى على انعدام الشفافيه اللى كان فى النظام القديم النظام القديم كان فيه اليه محكمة جدا اللى انا شرحتها دلوقتى للتسعير كانت مشكلة عدم الشفافيه بتحصل امتى ؟ ان بعد ما عملت الاليه العظيمة دى بتعين لجان بقى للتسعير وتقولها تسترشد بالاليه دى وبالتالى تتيح المجال للشركات انها تقدم لها اوراق وتتفاوض وتتصل بالتليفون وتضغط بطرق مختلفه علشان تحصل على اسعار ايه علاقة القضاء على انعدام الشفافية بى ان احنا نحرر سعرالدوا دلوقتى النظام الجديده ده بيقولونا ان هما هيسعروا بيه على اساس اقل سعر فى العالم معتمد تماما بنسبة 100% على معلومات هتقدمها الشركة اللى عايزة تسجل الدوا الشركة دى هى اللى هتقدم المعلومات بتاعه ال36 دولة وطبعا 36 دا رقم مضلل لان ممكن الدوا اللى نتقم ده ما يكنش متسجل الا فى دولة واحده بس ولتكن هى المانيا فاحنا الدوا فى مصر هيتسعر بسعر المانيا ناقص 10 % وكل الادوية المثيلة اللى هتصنع بعديه على نفس السعر ده بس ناقص 20% 30%
لميس الحديدى:انا عايزاك تقول للناس للمواطن ليه انت رافع قضية للمواطن ماذا يعنى هذا ؟
حسام بهجت:الدولة رفعت ايدها عن اسعار الدوا وادت للشركات متعددة الجنسيات كل اللى هى طلباها ان هى دلوقتى الدوا هيتسعر حسب سعره فى بلاد بره مش حسب تكلفة الدوا الحقيقيه انا عايز اقول للمواطن انه الدوا دلوقتى هيتباع زى اسعار الشقق نسيبه كده للسوق ونشوف السوق هيسعره بقد ايه ؟ اخر نقطة عندى لو تاذنيلى من شهر يناير اللى فات والدكتور كمال صبرا والوزير بيقولوا ان هما نظام جديد لتسعير الدوا المنظمة بتاعتنا من شهر 7 اللى فات طلبت 4 مرات تقابل الدكتور كمال علشان نساله انت هتعمل ايه فى النظام الجديد ؟ النظام ده هياثر ازاى على اسعار الدوا وفى كل مرة رفض يقابلنا فاكسات واميلات وتليفونات فى كل مرة رفض ان هو يقابلنا ودلوقتى اصدر قرار ومسابش امامنا غير ان احنا نروح المحكمة
لميس الحديدى:وقالوا ان خلال السنة هيراجعوا هذا القرار اشكرك استاذ حسام بهجت مديرالمبادرة المصرية للحقوق الشخصية ياريت دايما تعلمنا باخبار القضية والدكتور مكرم نائب رئيس غرفة صناعة الادوية هسمع راى الشركات الاجنبية من الدكتوراحمد الحكيم من شركة فايزر فى التقريرالتانى
تقرير
د/ احمد الحكيم:يعتمد على مراعاة قواعد الشفافية وفى نفس الوقت المعايير الثابت عند تقييم سعر اى دوا لوجوده فى مصر اللى يؤخذ عليه لى كتير من الشركات هو انه قرر ان هو يعتبر اقل سعروهو قائمة من الدول تشمل 36 دولة ثم يضاف اليها 10% خصم اخرى فيعنى لها انا لا اعتقد ان الشركات العالمية اللى موجوده فى مصر سعيدة بهذا القرار بالعكس شايفين ان هو بيؤثر بالسلب على امكانيتهم على تسويق مستحضراتهم مش فى مصر بس لا عانت شركات كتير من خسائر فادحة
لميس الحديدى:استاذ الهامى هل رفعت الدولة يدها عن علاج المواطن المصرى ؟
د/ الهامى:هى الدولة رفعت يدها عن علاج المواطن المصرى من زمان بس القرارات اللى صدرت فى الفترة الاخيرة وقرار تعويم سعر الدوا لا ينفصل عنها
لميس الحديدى:انت سميتوا قرار تعويم سعر الدوا ؟
د/ الهامى:ه هو تعويم سعر الدوا وغرق للمواطن الفقير اللى حاصل ان هذا القرار لا ينفصل عن قرار التامين الصحى بتحميل المواطن جزء من تكاليف العلاج وتكاليف الفلوس و لاينفصل عن تحميل المرضى فى المستشفيات العامه باعباء بدءا من كشف الزيارة اللى وصل ل 5 جنية فى بعض المستشفيات ومرورا بالرسوم اللى بيتحملها المواطن وحتى نظام العلاج على نفقة الدولة اصبح هناك تحمل للمواطن 30 % وبيجلينا فى الجمعية عشرات الحالات لمرضى معاهم قرار علاج على نفقة الدولة وعاجزين على انهم يشتروا الدوا وبعدين حضرتك ما نبصش للدوا الادوية العاديه نبص لدوا الامراض المزمنه زى السرطان والفشل الكلوى الدوا يا دكتورة لميس فى نقطة مهمة جدا ان الدوا سلعه غير مرنه مقدرش اقول لمريض الغسيل الكلوى
د/ اشرف :طب هل مريض اللى بياخد الانترفرور بيدفع فيه مليم ؟
لميس الحديدى:اه طبعا الله يخليك موضوع التامين الصحى ده ممكن يخلينى انط بره الشاشه حرام عليك انت بتصدق ان فيه تامين صحى ؟ انت مصدق ان فيه تامين صحى ؟
د/اشرف :ما حضرتك ما ترفعى سماعة التليفون وتكلمى معهد الكبد كمية الناس اللى بتاخد
لميس الحديدى:يا دكتور كم واحد فى مصر؟ احنا 70 مليون حرام عليك
د/ اشرف :كل الناس اللى محتاجة الانترفرور وات ايفر بيشتغل او ما بيشتغلش بيتعالج على حساب الحكومة وبالنسبة لعلاج الكيماوى برضه
لميس الحديدى:لا انا مش مصدقه انك مصدق الحكاية دى دكتور حاتم الجبلى قال بنفسه النهاردة فى جريدة المصرى 62% من المصريين بينفقون على العلاج من جويبهم يعنى انت بتعالج 38 % بس
د/ اشرف :دقيقه واحده انا عندى 8800 دوا مسجل فى مصر فى عندى حوالى 2800 دوا سعرهم اقل من 5 جنية يمكن الدكتور محمد عبد الجواد يعلم وفى عندى 2000 دوا اقل من 10 جنية يعنى الادوية حوالى 500 مستحضر سعرهم اقل من 10 جنية
لميس الحديدى:انا بس وقت البرنامج ومعايا اتصالات هاتفية كثيرة هبه من القاهرة اتفضلى يا هبة
هبه:سلامو عليكم
لميس الحديدى:بسرعة شويه وعليكم السلام
هبه:انا اولا عايزة اقول ان الدوا المصرى مش على نفس كفاءة الدوا المستورد انى انا لما بروح لدكتور بيقولى معلش انا هكتبلك علاج عالى شوية مستورد دى حاجة تانى حاجة دكتور التامين الصحى معاملته سيئة جدا وبيدخل اكتر من واحد فى العياده بتاعته
لميس الحديدى:هو ما يقدرش يعمل غير كده يا هبه فى الحقيقه اشكرك طارق من القاهرة اتفضل يا طارق انا عايزة تليفونات بسرعه يا ريت
طارق :فيه ادويه فعلا كانت غالية ورخصت وانا مستعجب ازاى هى رخصت يعنى زى اقدر اقول اسم الدوا يا فندم؟
لميس الحديدى:اه من فضلك
طارق:لفا وان كنت بجيب ال 10 حبات ب 57 جنية بقى ب 17 جنية بس انا مش عارف هل هو مفعوله نفسه القديم ولا لا ؟ بيتهالى هو نفس المفعول
لميس الحديدى:شكرا يا طارق فهمى من القاهرة اتفضل يا فهمى ايوة سلاموا عليكم
فهمى :سلامو عليكم
لميس الحديدى:وعليكم السلام
فهمى: من فضلك احنا مش فاهمين حاجة من الدكاتره اللى قاعده دى كلها احنا عايزين نفهم اسعار دوا تنزل علشان نعرف احنا اصحاب معاشات وسننا كبير ومش عارفين نعيش لو سمحتى عايزين الناس يحسوا بينا وفى التامين الصحى زى ما قالت الاستاذه دلوقتى ان الدكاترة بيعملونا معاملة سيئة وكاننا بنعامل قياصرة بس
لميس الحديدى:يا ساتر يا رب اشكرك حسام اتفضل يا استاذ حسام
حسام :انا عايز اعرف السعر لما يرتفع هيفيد المواطن دى حاجة الحاجة التانيه الادوية الجديدة اللى الدكتور اشرف بيتكلم عليها الفيلدين والميولوجين دى ادوية قديمه فانا مش عارف الكلام ده قالوا بناءا على ايه ؟ اساسا
لميس الحديدى:شكرا انا سؤالى الناس مش فاهمة حضرتك بتقول الدوا هيرخص وحضرتك بتقول الدوا هيغلى والاستاذ بيقول الدوا هيغلى انا مش قادرة اقول للناس ايه الدوا هيرخص ولا هيغلى ؟
د/ محمد عبد الجواد: الدوا هيغلى بطريقة شديدة جدا لا تمكن المواطن المصرى اللى هو مش قادر يشتريه دلوقتى فى السنين الجاية مش هيقدر يشتريه خالص
لميس الحديدى:استاذ الهامى هذا نفس ما تؤيده ؟
د/ الهامى:سعر الدوا هيغلى واحنا المشكلة الرئيسيه عندنا فى موضوع تسعير الدوال ان احنا نفتقد الى هيئة مسئولة عن تسجيل وتسعير الدوا والغذاء زى امريكا عامولنا زى امريكا هيئة مشارك فيها كل الاطراف البحوث الدوائية وصناع الدوا والصيداله يبقى كل الجهات ممثله فى هيئة بتجيز الادوية
لميس الحديدى:دكتوراشرف انت بتقول سعر الدوا هيرخص ولا هيغلى؟
د/ اشرف :سعر الدوا بالطريقة الجديده هيرخص بعد اذنك لو لقيت فى اى لحظة من اللحظات من دلوقتى قدامك لى سنتين تلاته
لميس الحديدى:وانا لسه هستنى سنتين تلاته
د/ اشرف :مدام لميس بعد اذنك انا بقول لو لقيت ان مستحضر واحد اتسعر اقل او اعلى من اى حته فى الدنيا كلها يبقى ليك الكلام
لميس الحديدى:خليك معايا محمد من القاهرة اتفضل يا محمد محمود اتفضل يا محمود
محمود:انا بس عايزة اقول لحضرتك حاجة حضرتك استاذه فى منتهى الذكاء الجنبين اللى على يمينك وعلى شمالك لا يقولوا الحقيقه الحقيقه انه شركات الدوا المصرى لما بتيجى تاخد التسعيرة بتقدم خامه فى طلب التسعيرة ثما عندما تيجى تصنع فعلا بتجيب خامة اردء بكثير بسعر اقل بكثير لا لسه فيه نقطه تانيه عايزة اقولها لحضرتك انه الناس اللى بيدعوا ان الدوا هيقارن باسعار البلاد التانيه لابد نعرف دخل الاستاذ بتاع الجامعه هناك كام ودخل استاذ الجامعه هنا كام ونشوف السعر بالنسبة لى ده ولى ده
لميس الحديدى:طبعا انا عايزة دخلى يبقى زى دخل لارى كينج كرم من سوهاج اتفضل يا استاذ كرم
كرم: ازى حضرتك يا فندم بالنسبة لى يا فندم مشترك فى التامين الصحى وكان الاول بياخدوا مننا جنية واحد دلوقتى بياخدوا مننا 10 جنية فى التامين الصحى
لميس الحديدى:هل لما بياخد ال10 جنية دى المعاملة اتحسنت العلاج اتحسن ؟ الدوا اتحسن ؟
كرم:هو هو يا فندم مفيش وبعدين بيقولوا العلاج للفقرا وكده
لميس الحديدى:ماشى ابراهيم من القاهرة اتفضل يا ابراهيم
ابراهيم:حنا شاكرين اولا على ذوق حضرتك انا عايز اتكلم براحتى
لميس الحديدى:مفيش براحتك النشرة داخله علينا يالله
ابراهيم:دلوقتى كفانا مزايدات على المواطن البسيط ارجوكم كفاية مزايدات كله كلام بيطلع وللاسف بتلحسه الحكومة كلها احنا رحنا فى الانترفرور الحقيقه كنت بناخده فى معهد الكبد علشان بناخد انترفرور امريكى طلعت هيئة التامين الصحى انها تدهالنا فى مستشفى 6 اكتوبر رحنا لقينا حيوانات عملنا اعتصام اتصلنا يوم السبت اللى فات قعدونا لغاية 4 الظهر مخدناش اى حاجة اعتصمنا وطلبنا رئيس الهيئة وقلنالهم الانترفرور ده مش هناخده اللى هو بتاع شركة فارمر اللى هو اصلا المانى بصفة مصرية ولكن لا حياة لمن تنادى ولكن هما فعلا سهلوا الاجراءات لكن يا استاذة لميس معاملة لا تتخيليها ارجوا ان احنا ناخد الانترفرور الامريكى زى ما كان بيصرفوه فى معهد الكبد قبل كده
لميس الحديدى/ انا معاك يا استاذ ابراهيم يعنى انا متعاطفة معاك منصور من الشرقية اتفضل يا استاذ منصور
منصور:الو سلامو عليكم لو سمحتى انا بتكلم على تذاكر زيارة المرضى فيه بعض المرضى ما بنعرفش نزورهم علشان موضوع غلو التذاكر
لميس الحديدى:يعنى موضوع الزيارة ده اخر حاجة يا عم منصور اشكرك اخر كلام لينا اتفضل يا دكتور
د/ اشرف :يعنى يمكن اخر واحد كان بيتكلم قبل الاخير اللى كان بيتكلم انه كن بيروح معهد الكبد بياخد الدوا الى هو الانترفرور اللى هو الامريكى كان بياخد الدوا ببلاش لما لقينا فى ضغط على معهد الكبد فاتوزعوا فاذا كان فيه هناك خطا حصل فيه 6 اكتوبر فلازم يتصلح
لميس الحديدى: اخر نقطة انت بتقولى الدوا هيرخص انا خلال شهر او شهرين من هذا التطبيق
د/ اشرف :لو لقيتى دوا حضرتك حسيتى ان هو اغلى او هيبقى غالى
د/ محمد عبد الجواد:الكلام ده انا غير موافق عليه اطلاقا وانا بقول ان فيه خلال العام الى احنا فيه الادوية هتغلى بشكل واضح جدا ووزراة الصحة مسئولة انها يجب ان تعود للكوست بلاس وهى المسئولة عن الشفافية
لميس الحديدى:اتفضل يا استاذ الهامى
د/ الهامى:الادوية الاساسيه للامراض المزمنه لازم انها تكون خارج التسعير الدولى وان واجب الدولة هو تدعيم هذه الادوية حتى تصل الى الفقراء
لميس الحديدى:وقت البرنامج خلص هل هذا هو قرار لانقاذ صناعة الدواء؟ ام قرار لاغراق المواطن المصرى؟ ارجوكم لو بصينا بس للمواطن هو دا المواطن اللى بيغرق فى العبارة هو دا المواطن اللى بيقع تحت عجلات القطار هو دا المواطن اللى بيهمل ويسيب القطر هو دا المواطن الى مش لاقى الدوا ارجوكم متسالونيش عن موضوع التامين الصحى دا اشكركم وهذه لميس الحديدى تحييكم وتصبحوا على خير .