نشطاء يقترحون «مش لازم شبكة» لزواج الشباب.. عزوز: نمشيها حظاظات.. الصافي: هات سكر.. راسا: قرص مشبك.. عرابي: اتجوزت بقفص مانجا.. وأحمد: نجيب آي فون 7 و5 كيلو سكر

"مش لازم شبكة"، حملة أطلقها الشباب على مواقع التواصل الاجتماعي "فيس بوك وتويتر"، ودشن النشطاء هاشتاجا بعنوان "مش لازم شبكة"، الذي احتل مركزًا متقدمًا بتراند مصر على تويتر، للمطالبة بإلغاء الشبكة بسبب ارتفاع أسعار الذهب بشكل غير مسبوق، حيث بلغ سعر جرام 21 نحو 650 جنيهًا، وقدم الشباب حلولًا غير مسبوقة لتكون بديلا للشبكة، واستبدالها بالحظاظات والسكر وآي فون 7، أو قرص مشبك.
حظاظات
قال عزوز: "مش لازم شبكة، نمشيها حظاظات".
وأضافت الصافي: "مش لازم شبكة.. هات سكر".
وعلق إسلام عزمي: "يا أخي مش كل ما أقول خلاص هخطب أهو... تغلي الدهب! حراااام مش كده.. مش لازم شبكة".
ورد راسا: "مش لازم شبكة، ونمشيها قرص مشبك".
وتابع أشرف عوض: "وبالنسبة للبنات حاولي تنسي موضوع الشبكة وبلاش تعيشي في موضوع سندريلا علشان الأمير مش معاه غير اللي يفتح بيه بيت.. مش لازم شبكة".
"مانجا"
وقال أحمد عرابي: "أنا كعرابى اتجوزت بقفص مانجا.. والزعامة الشعبية عملت معايا أحلى زفة.. مش لازم شبكة".
وأضاف فارما مان: "مش لازم شبكة مقاطعة الذهب 6 شهور بس هيبقى رخيص وببلاش فلكل بنت متكلمين عليها أو ناويين قوليله مش عاوزة شبكة هيقدرك وبعد6 شهور هيرخص وهيجيب لك".
وعلقت سلمى أحمد: "لو مش لازم شبكة يبقا مش لازم أنت خالص الناس بتتجوز وبتجيب كل حاجة لو مش معاك فلوس اركن ع جنب يا بابا لما يكون معاك".
ورد عمرو توني: "أنا أدفع مهر.. تيجب شبكة تجيب عربية هيا حرة".
وتابع أحمد محمد: "مش لازم شبكة.. ممكن تكون 5 كيلو سكر 3 كيلو رز1 كيلو سمنة ممكن عادي ومش هندقق.. أي ماركة والسلام".
"فرح خزعبلي"
وقال رنا أمين: "لأ هو الأكثر واقعية إنه مش لازم نيش، مش لازم سقف ساقط، مش لازم 65 حلّة و34 طقم ملايات وفوط، مش لازم فرح خُزعبلي ورقّاصة.. مش لازم شبكة".
وأضافت مريم محمود: "مش لازم شبكة والله.. هو شارومة وبطاطس سوري وكرتونة شيبسي بالشطة وكرتونة مولتو وعلبة نسكويك وكده فُل أوي".
وعلق محمد مدحت: "مش لازم شبكة ممكن حظاظات.. ما إحنا في بلد العجايب".
ورد أحمد صلاح: "أنا عندي استعداد أدفع فلوس الدهب دي حتى لو هدفعها أضعاف للي هتجوزها ولا إني اشتري الدهب بالسعر ده.. مش لازم شبكة".
5 كيلو سكر
وتابع محمد حسين: "مش لازم شبكة كيسين مولتو وكيلو سكر.. هيوفو بالغرض وخلاص".
وقال أحمد أحمد: "مش لازم شبكة إحنا نجيب آي فون 7 وخمسة كيلو سكر ودبلتين وعلبة شيكولاتة".
وأضاف تامر زاهر: "مش لازم شبكة بعد ما الدهب سجل 650 جنيها.. الشبكة حلقان كانز".
وعلق أحمد عبد الواحد: "جرام الدهب ب700 جنيه يعني خاتم 20 جرام بيساوي 14000 جنيه.. يعني أقل شبكه ب70 ألف جنيه وفي الآخر ترجع من الشغل تلاقيها نايمة.. مش لازم شبكة".