هاش تاج: أنا ليه مش هتجوز؟!

الهاش تاج هي علامة توضع على تويتر لتكون إشارة لموضوع، أي شخص يكتب في نفس الموضوع يضع # بجانب العنوان، وبذلك عندما تبحث عنه في تويتر تجده، هذه المرة نتناول هاش تاج " #WhyIWillNOTMarry" أو "أنا ليه مش هتجوز"، وهو هاش تاج يتم الرد به على السابق الذي تكلمنا عنه وكان بعنوان "#WhyIWillMarry "، تعرفوا على أسباب عزوف الشباب عن الزواج في السطور القادمة..
شادي مدحت: عشان متقوليش متنساش تاخد كيس الزبالة و انت نازل ... وهات ب 2 جنيه عيش و انت راجع
روجي: مين اللى هيجيب شبكه .. ده جرام الدهب 380 جنيهاً .
علي: خايف لا المزة تفشول بعد الخلفه
منى: اتجوزه رومانسي يقلب سلفي بعد الجواز.
ميسرة: المصاحبة مفهاش ارتباطات.
منمن أنجل: علشان مش بعد ماياكل اكله جامده يقوم مكرع ف وشي.
زياد: عشان هي ممكن تكون شبه واحد صاحبي بعد كام سنة
أنجل: علشان اتجوزه جسمه رياضي وشعره ناعم وبعد شويه الاقيه بقرش واقرع
مينا: علشان انا انسان فاشل.
مصطفى أحمد: كل بنت اتعرف عليها , تطلع استغفر الله العظيم "معقدة وكلاكيع " دماغك متروحش بعيد .
درية: مودية جدا .... محدش هيستحملنى و انا مبستحملش حد.
شادي: عشان مش عايز اجيب طقم الجيلى.
منى: علشان محدش يقولي ياام كذا ولا يامدام فلان.
نهال صلاح: عيال وتعليم ودروس ومذاكرة الواحد ماصدق انه كبر عشان يخلص من المواويل السوده دى.
رجاء: ما ننتخب الرئيس عشان يكون جواز بقرار جمهورى.
زياد: خرج براحتي اتشقلب وماله أولع بجاز عادي لكن مجييش حد ابقي مسئول عنه مش طالبة و مظلمهاش ولا أظلم نفسي #تحيا_الشقاوة.
هاني: بلاوى كتير .. شبكه ومهر وصداق ومقدم ومؤخر وعفش وخشب وبلاط وسيرامكا كيلو باترا .
عبد الحميد أحمد: عشان انا مش حاتجوز اللى باحبيها واللى بحبها نصيبها مكانش ليا.
إيهاب ناجي: علشان انا مبحبش حد يعملي حاجة و يذلني بعد كدة بيها انا بحب اعمل كل حاجة بنفسي و مبسوط كدة.
محسن: علشان مش عايز اجرب اوبشن الزوجة النكدية.
إنشراح: عشان مش عاوزة اشوف حد ادامى 24 ساعة , كفاية اوى ساعتين في اليوم , الحياة مش ناقصة ملل.